Remontada

O Santiso logrou un gran triunfo fronte ó Camporrado nun choque no que chegou a ir perdendo por dous goles ó descanso pero que acabou volteando o marcador deixando o resultado final de 3-2.

Polos locais xogaron Charli na porta, Tono, Manuel, Dani e Kike en defensa, Roberto, Agustín, Javi Ministro, David e Alex no medio con Manolo arriba. Na segunda metade Micho, Javi Ourense e Fran sustituiron a Javi Ministro, Roberto e David respectivamente.

O partido na primeira metade discurreu con dominio alterno pero foron os visitantes os que moveron o marcador anotando dous tantos, o primeiro logo dun erro defensivo de Dani e o segundo tras un pase da morte dende a banda que o dianteiro visitante non desperdiciou. A pesar da dureza do marcador, o Santiso non se veu abaixo e dispuxo de boas oportunidades de gol. As ocasións máis claras por parte local chegaron por mediación de Kike nun remate de falta e na mesma xogada o rexeite que non puido aprobeitar Manolo. Posteriormente e certa xa do remate do primeiro acto, David puido reducir distancias no marcador pero o seu remate foise fóra por moi pouco.

Tras o descanso, os locais fixeronse co control casi total do encontro dispoñendo de varias ocasións de gol e sin apenas sufrir en defensa. O primeiro gol para o equipo non se fixo agardar e acadouno Manolo cabeceando un remate de falta de Kike. O empate puido chegar minutos despois cando Agustín veu como o defensa visitante sacaba o seu remate de cabeza na mesma liña de meta, pero a igualada chegaría por mediación de Kike cun remate dende fóra da área. O terceiro gol puido ser obra de Javi Ourense pero de novo un defensa do Camporrapado evitaba que o remate entrase na porta visitante. O merecido premio para os locais chegaría nunha xogada casi calcada á do primeiro tanto cos mesmos protagonistas, Kike saca unha falta e Manolo cabecea ó fonda da rede o esférico. Sin embargo, os visitantes dispuxeron dunha gran oportunidade de igualar de novo o marcador cerca do final do choque cun remate falta pero unha estirada espectacular de Charli evitou o gol e que os visitantes conseguisen puntuar no Novo Zahorra.

O vindeiro partido do equipo será a domicilio fronte ó Trazo o próximo domingo.

Un saúdo e forza Santiso!!

Ilusións rachadas

As escasas opcións de chegar ó play-off de ascenso para o Santiso esfumaronse casi que por completo despois de caer fronte ó Villestro B por tres goles a dous.

 

Polos visitantes formaron Charli na porta, Isma, Tono, Dani e Kike en defensa, Roberto, Javi Ministro, Micho, David e Alex no medio, con Manolo na punta de ataque. Na segunda metade participaron Agustín, Fran e Manuel en sustitución de Javi Ministro, David e Micho respectivamente.

 

Na primeira metade o encontro foi dominado polos locais e o Santiso apenas visitou a área contraria. Charli permitiu ó equipo chegar con ópcións ó segundo acto con duas intervencións de mérito fronte ó dianteiro local en dous man a man. Deste xeito, ó descanso chegouse con empate a cero.

 

Na reanudación chegaron os goles, o primeiro foi paro o Santiso logo de que Kike colgase unha falta na área e o propio defensa do Villestro introducise o esférico na porta local. Quizais unha das claves do encontro foi que a ventaxa no marcador durou moi pouco e o empate no marcador foi un feito en poucos minutos. Peor se puxeron as cousas cando os locais conseguiron adiantarse logo de que o dianteiro do Villestro rematase de cabeza unha falta lonxana. Pero os visitantes non se renderon e buscaron restablecer de novo a igualada no marcador. Puido chegar primeiro por mediación de Manolo que anotou logo dun centro de Alex pero que o árbitro decideu pitar falta ó propio xogador de Mourazos antes de que éste realizase o centro, deixando deste xeito sin aplicar a lei da vantaxe. Pouco despois nunha xogada moito máis enredada, Alex conseguía anotar e manter con opcións de victoria ó equipo nos minutos finais. Nesta fase final, os locais quedaron con un xogador menos pero o Santiso xogou peor contra dez que contra once con un xogo demasiado precipitado que permitiu ó Villestro dispoñer de varias ocasións de gol e á postre o tanto definitivo do choque para dar o triunfo ós locais.

 

O próximo rival será o Camporrapado que visitará o Novo Zahorra o vindeiro domingo ás  4.15 da tarde.

 

Un saúdo e forza Santiso!!

Cómodo triunfo

Merecida e clara victoria a que acadou o Santiso o pasado domingo no Novo Zahorra. Os locais impuxeronse por catro goles á cero o equipo do Pino B, o que significou o resultado máis claro da tempada para o Santiso.

Polo equipo xogaron de inicio Charli na porta, Moncho, Tono, Dani e Kike en defensa, Roberto, Micho, Manuel, David e Alex no medio con Manolo na dianteira. Na segunda metade, Isma, Agustín, Fran, Javi Ministro e José de Trebolo sustituiron a Moncho, Manuel, David, Roberto e Alex respectivamente.

O encontro estivo marcado polas malas condicións metereolóxicas que sobre todo na primeira metade evitaron que o choque contase con máis accións de perigo nas áreas. Sin embargo, o equipo intentou sobrepoñerse e dispuxo de dúas grandes ocasións, primeiro nunha internada de Manolo pola banda esquerda que non atoupou rematador e despois nunha gran acción combinativa na que Roberto asisteu ó de Vilar para que rematase de cabeza un esférico que se foi finalmente fóra. Pero os goles son caprichosos, e chegan cando menos se esperan e neste primeiro acto así foi. O primeiro chegou por mediación de Charli que realizou un saque de falta dende campo propio que chegou ó fondo da rede sin que ninguén tocase o esférico. Antes do descanso chegaría o segundo logo dun centro á area de Tono que o gardameta visitante non foi quen de atrapar e Alex moi atento acadaría ampliar a ventaxa para o Santiso.

Na reanudación, o dominio local foi ainda máis claro sen apenas apuros en defensa e anotando dous goles máis; ambos obra de Manolo que finiquitou o choque en dous man a man contra o porteiro visitante. Javi Ministro primeiro e Micho despois dispuxeron da opción de ampliar o marcador pero o resultado non sufría máis variacións.

Partido moi completo do equipo tanto en ataque como en defensa que ven a refrendar as boas actuacións dos dous últimos choques. O seguinte partido será frente a outro filial, o equipo visitará ó Villestro B.

Un saúdo e forza Santiso!! 

A puntiño

Cerca, moi cerca estivo o Santiso de dar a sorpresa e arrancar algo positivo da visita a Resmón. O equipo vendeu cara a derrota nun encontro que finalizou co marcador de dous goles a un para os locais.

Polos visitantes actuaron Charli na portería, Isma, Tono, Dani e Kike en defensa, Roberto, Micho, Manuel, Javi Ourense e Alex no medio con Manolo na punta de ataque. Na segunda metade participaron Fran, Javi Ministro e Javi Liñares que sustituiron a Javi Ourense, Manuel e Isma respectivamente.

O peso do partido no primeiro tempo levouno o Resmón pero un gran esforzo defensivo de todo o equipo permitiu chegar ó descanso co marcador inicial. A pesar desto, os visitantes non renunciaron ó ataque e  dispuxeron de dúas grandes ocasións nas que dous centros de Alex e Javi Ourense non atoparon rematador ademáis dun remate de falta de Kike.

O segundo acto iniciouse de xeito nefasto para ó Santiso xa que ó pouco de comezar, un remate dende fóra da área rebotou en Charli despois de golpear no poste e intruduxose no fondo da portería. Lonxe de virse abaixo o equipo botouse arriba e buscou a igualada; o premio chegou despois dunha gran xogada combinativa na que Fran cedeu a Roberto para que éste asistise a Manolo que perforou a portería local nun certeiro remate. Ós últimos minutos do partido chegouse con igualada no marcador en parte gracias a unha magnífica parada de Charli que evitou un gol casi cantado nun man a man co dianteiro local. O desenlace final do partido foi cruel para os visitantes, xa que o gol definitivo do encontro chegaba nunha contra logo dunha falta a prol do Santiso con moitos efectivos en ataque buscando a victoria.

A pesar da derrota, o equipo mostrou carácter e puxo en dificultades a un dos favoritos da liga. Sin dúbida, éste é o camiño a seguir e pronto teñen que chegar os resultados. O próximo partido será o vindeiro domingo no Novo Zahorra ás 16.15 fronte O Pino B.

Un saúdo e forza Santiso!! 

Resurrección

Realmente o equipo nunca estivo morto e boa mostra delo foi o encontro realizado fronte ó lider tras o tropezo de Touro. O Santiso tivo contra as cordas ó Vila de Ordes durante boa parte do choque que finalmente rematou con igualada a dous tantos.

Polos locais actuaron Dani na porta, Javi Liñares, Tono, José e Isma en defensa, Roberto, Micho, Agustín, David e Alex no medio con Manolo na punta de ataque. No segundo acto, Javi Ministro e Fran sustituiron a Roberto e David respectivamente.

O Santiso saiu a demostrar que o resultado do partido anterior fora un accidente e xogou con descaro dende o principio. O premio para o equipo chegou pronto logo da xogada preferida de Manolo, ou polo menos, a que ultimamente lle sae, cabezada logo dun saque de banda e desta volta non para anotar senon para asistir a Roberto que remachou á rede o gol inaugural do partido. As dúbidas chegaron ó conxunto visitante e os locais dispuxeron dalgunha ocasión máis inda que non demasiado claras, un remate de Manolo foi a máis destacable. Sin embargo, o Vila de Ordes repuxose e nos minutos finais deste primeiro tempo acosou a porta local mediante saques de esquina e faltas laterais. Nun deses achegamentos e tras un erro defensivo o marcador volvia ás táboas e así se chegaría ó descanso.

Na reanudación, o Santiso volveu a levar o peso do encontro ata adiantarse de novo, foi logo dun penalti provocado por José nun remate de cabeza que o defensa rival desviou co brazo. Alex foi o encargado de transformar a pena máxima para o equipo. Nesta fase do partido, ambos equipos puideron anotar e polos locais as máis claras chegaron por mediación de Alex nun remate cruzado e nun rebote do porteiro visitante que a piques estivo de rematar en gol. Sin embargo, o Vila de Ordes conseguiría a igualada de novo tras un remate de falta.

Partido que debe servir ó equipo para coller folgos e autoconfianza de que loitando dende o principio pode estar a altura de calquer rival. O seguinte embite será a domilicio fronte ó Resmón, outro óso duro de roer.

Un saúdo e forza Santiso!!

Malleira

Hai días nos que é mellor non levantarse e onte foi un deles para o Santiso, o Touro levouse o partido cun resultado moi abultado por 6 goles a cero.

Os visitantes xogaron con Charli na portería, Javi Liñares, Dani, José e Isma en defensa, Javi Ministro, Micho, Agustín, Fran e Alex no medio con Manolo arriba. Na segunda metade, David sustitueu a Micho e José de Trebolo a Javi Liñares.

Cando o equipo quixo reaccionar xa perdía por dous goles a cero, o primeiro logo dun erro defensivo e o segundo tras un máis que probable fóra de xogo. Tras os golpes sufridos, veuse a mellor versión do Santiso na que puido anotar por mediación de Manolo pero ós vestiarios chegaríase sin máis variación no marcador.

Na segunda metade veuse a peor versión do equipo na que encaixou dous novos goles moi cedo e xa non foi quen de reaccionar concedendo un resultado demasiado duro.

Esperemos que se volva á senda do bó xogo canto antes e que se poida ver un gran partido no próximo choque o vindeiro domingo no Novo Zahorra fronte ó lider, o Vila de Ordes. 

Ánimo equipo!!

Un Saúdo e forza Santiso!!

Meritorio empate

O Santiso conseguiu arrancar un punto no primeiro encontro do 2013, foi a domicilio fronte ó Rial e o resultado final foi de igualada a un tanto. Os visitantes plantaron cara en todo momento ante un rival difícil e evitaron a derrota logo de realizar un gran esforzo.

Polos visitantes actuaron Charli na portería, Tono, Dani, José e Isma na defensa, Javi Ministro, Micho, Agustín, David (incorporación no mercado de inverno do Santiso) e Alex no medio con Manolo na dianteira. Na segunda metade, Roberto, José de Trebolo e Manuel sustituiron a Javi Ministro, José e Micho respectivamente.

Os primeiros corenta e cinco minutos non deixaron grandes ocasións de gol en ningunha área, defensivamente o equipo estivo moi serio e só na recta final os locais dominaron algo máis e dispuxeron de algunha ocasión. Cando o descanso estaba a piques de chegar, o Rial foi quen de anotar nunha xogada afortunada na que o dianteiro local se levou o esférico de rebote e posteriormente asisteu ó compañeiro para marcar o un a cero. 

Lonxe de renderse, o Santiso saliu a polo empate no segundo acto metendo cada vez máis atrás ós locais que só se acercaban á Charli nalgunha contra. Manolo avisou primeiro nun remate que se foi fóra por moi pouco e posteriormente conseguiu anotar un gol "made in Manolo" despois dun saque de banda realizado por Isma que o de Vilar cabeceou certeiramente á rede cando o encontro estaba a punto de finalizar. Sen dúbida, un xusto premio para os visitantes que funcionaron como un verdadeiro equipo con continuas axudas entre tódolos xogadores. 

Na próxima xornada comenza a segunda volta polo que o Santiso terá que xogar de novo fóra da casa, desta volta será en Touro; equipo que figura na terceira posición da liga polo que sin dúbida será un rival dificil.

Un saúdo e forza Santiso!!

Derbi

Partido típico de rivalidade o disputado o pasado domingo no Novo Zahorra. Excaso de oportunidades e bo xogo pero con moita intensidade e emoción. Finalmente o Santiso levouse o choque por dous goles a un fronte ó Atlético Melide.

Os locais formaron con Charli na porta, Tono, Dani, José e Kike en defensa, Javi Ministro, Agustín, Micho, Fran e Alex no medio con Manolo na punta do ataque. Na segunda metade, Roberto, Isma e Javi Liñares sustituiron a Micho, Kike e Fran respectivamente.

O dominio na primeira metade correspondeu ó Santiso e foi nestes primeiros corenta e cinco minutos donde desenvolveu o mellor xogo do partido. O primeiro gol chegou por mediación de Alex que acadou unha espléndida volea coa perna esquerda logo de que Micho pelexase con acerto un balón aéreo. Sen apenas tempo para poder reaccionar, os visitantes recibían o segundo tras un xogada na que Tono pelexou polo esférico e asisteu a Fran; o do Padrón revolveuse con éxito na área e deixou en bandexa o gol a Manolo que empurrou a pelota ó fondo das redes. O marcador non sufriría variación antes do descanso.

Tras o tempo de lecer, o encontro foi claramente a menos sobre todo por parte local e apenas houbo achegamentos nas áreas. Polo Santiso a oportunidade máis clara tivoa Fran cun remate ó longueiro pero o resultado non se vería alterado ata os minutos finais e por parte visitante, cando o Atlético acadaba o gol da honra despois dun centro que se foi envenenando ata introducirse na porta local. Os minutos finais foron de nervios polo apretado do marcador pero o Santiso aguantou ben e finalmente os puntos quedaron na casa.

Non foi o mellor partido da tempada para os locais pero esta victoria debe dar moral para afrontar o próximo choque que será a domicilio fronte ó Rial xa en 2013.

Feliz ano e forza Santiso!!

Victoria placenteira

Gran triunfo o acadado polo Santiso o pasado domingo en Tordoia, os verdiamarelos derrotaron ós locais por cero goles a tres, pero sen dúbida o marcador final inda puido ser moito máis claro a prol dos visitantes xa que dispuxeron de infinidade de oportunidades para agrandar o resultado nun choque que dominou de principio a fin.

 

O equipo formou con Dani como arqueiro, Javi Liñares, Tono, José e Moncho en defensa, Roberto, Agustín, Javi Ministro, Fran e Alex no medio, con Manolo na punta de ataque. No segundo acto, José de Trebolo sustitueu a Manolo.

 

A pesar da longa viaxe, o Santiso non acusou o cansancio e pronto comezou a dominar o partido, nunha boa xogada combinativa finalizada cun centro de Alex e un testarazo de Manolo os visitantes inaguraban o marcador cando apenas se disputaran cinco minutos de xogo. O equipo colleu alas tras o gol e noutra fermosa acción iniciada por Fran, Roberto cedeu a Manolo e éste a Alex para que o de Mourazos anotara o segundo. De ahí ata o descanso as oportunidades sucederonse, Javi Ministro rematou dende fóra da área e o porteiro local desviou con acerto, minutos despois José nun remate de cabeza á saída dunha falta tamén puido sentenciar pero sen dúbida, Manolo tivo a máis clara deste primeiro período nun remate ó poste.

 

No segundo acto, máis do mesmo, dominio claro dos visitantes con grandes ocasións sobre todo na fase final do partido cando o Tordoia buscou un pouco máis a portería rival. Fran tería terceiro nas súas botas nun remate que desbaratou o gardamaias local, José de novo de cabeza tras un saque dende o curruncho puido acadar o gol da tranquilidade e minutos despois, producírase outra clarísima ocasión na que primeiro Roberto con remate ó poste e despois Manolo non conseguiron aprobeitar o bo centro dende a banda esquerda de Alex. O ansiado gol conseguiríase finalmente gracias a Javi Ministro que nunha boa aproximación ó ataque tras asistencia de Alex perforaba a rede local. Habería tempo para novas ocasións como un gol anulado a Roberto por fóra de xogo e tamén para un remate de Alex desviado de novo polo arqueiro do Tordoia.

 

Partido moi completo do equipo, quizais o mellor da tempada, cun triunfo que foi acompañado por grandes posesións do esférico e no que fixo boas accións combinativas co único pero da falta de gol que non debe alarmar a ninguén xa que tamén hai que gardar algúns para outros partidos.

 

A próxima cita para os xogadores do Santiso será a recinto pechado xa que este vindeiro venres celebrarase a xa tradicional cea de Nadal. Posteriormente, o equipo descansará este fin de semana e tamén o seguinte polo que non haberá fútbol ata o próximo día 23 de decembro na que o Atlético Melide visitará o Novo Zahorra.

 

Ata daquelas e inda que é algo cedo Bo Nadal a tod@s!!

 

Un saúdo e forza Santiso!!

Moito animo Luis!

O Santiso acadou un punto amargo fronte ó Montaos tras empatar a dous goles nun encontro no que o equipo deixou escapar unha ventaxa de dous goles. Lamentablemente, a esta circunstancia engádese a lesión de Luis que nun choque contra un rival na disputa dun balón dividido, sufreu rotura de peroné según indicou o noso compañeiro.

 

O once incial dos locais foi o conformado por Charli na porta, Tono, Dani, José e Kike en defensa, Javi Ministro, Agustín, Luis, Fran e Alex no medio con Manolo na punta de ataque. No primeiro tempo produceuse a fatídica xogada na que Luis se lesionou e Roberto entrou no seu lugar, posteriormente, na segunda metade, Moncho, Javi Liñares, Isma e José de Trebolo sustituiron a Javi Ministro, Fran, Alex e Manolo respectivamente.

 

O equipo anulou por completo ós visitantes na primeira metade e as oportunidades sucedéronse na área do Montaos. Manolo dispuxo da primeira gran ocasión cun remate ó poste logo de que a defensa visitante non puidese sacar o balón con claridade debido á presión do de Vilar. Posteriormente nunha xogada levada polos locais con rápidez, Alex asisteu a Javi Ministro para que inaugurase o marcador. Inda mellor se poñerían as cousas cando logo dunha boa xogada combinativa entre Roberto e Dani, Alex anotaba o segundo tras asistencia do primeiro. A pesar da ventaxa lograda, o partido non quedaría sentenciado.

 

O choque volveuse moito máis embarullado no segundo acto, os visitantes conseguiron levar ó partido ó seu terreo e entre faltas e protestas moveronse os últimos corenta e cinco minutos. Foi precisamente a través dunha falta cando o Montaos conseguiu reducir distancias. O Santiso sin embargo, tivo a ocasión de sentenciar con claras ocasións pero o porteiro visitante encargouse de desbartatar todas as ocasións locais. Manolo cun remate pegado a cepa do poste e Fran dispuxeron das máis claras pero ambos sufriron a gran actuación do arqueiro do Montaos. No tramo final, os visitantes colgaron balóns a área local a pesar de dispoñer de dous xogadores menos e no tempo de prolongación acadaron o premio do empate logo dun penalti por man involutaria de Tono. A pesar de que Kike dispuxo dunha falta no último minuto do encontro, o marcador final non se movería e cumpríase novamente o dito de que quen perdoa, acabao pagando.

 

No próximo encontro, o Santiso enfrontarase ó Tordoia B a domicilio, esperemos volver cos tres puntos.

 

Ánimo Luis e forza Santiso!!  

Remontando

E tras actualizar, comentar o último choque do equipo; o segundo triunfo da campaña non se fixo agardar e o Santiso acadou a victoria por 2 goles a 5 fronte ó Prevediños a domicilio. Con apuros no primeiro tempo, os visitantes sentenciaron ó rival no segundo acto cun dominio casi absoluto.
 

O once inicial do Santiso foi o conformado por Charli debaixo dos paus, Javi Liñares, Tono, Moncho, Kike en defensa, Javi Ministro, Micho, Luis, Fran e Alex no medio, con Manolo arriba. Cando apenas se disputara un minuto, Agustín sustitueu a Micho debido á que o de Piñor sufreu un forte golpe na perna esquerda. No segundo acto, producironse os trocos de José, Dani e Manuel por Tono, Moncho e Javi Ministro respectivamente.
 

Non entrou o equipo ben no partido, xa que ademáis da lesión de Micho, os locais conseguiron adiantarse no marcador mediado o primeiro tempo logo dun erro na zaga visitante. Tras o susto inicial o Santiso refíxose e nunha gran xogada combinativa iniciada por Fran, Javi Ministro cedeulle o esférico a Manolo para acadar a igualada a un tanto. O gol doulle alas a un Santiso que conseguiría o segundo logo dun claro penalti sufrido e anotado por Alex. Sin embargo, a ventaxa non duraría moito para os visitantes xa que apenas un minuto despois do 1-2, o Prevediños conseguiría establecer de novo a igualada no marcador. Manolo puido evitar que se chegara con empate ó descanso pero non acertou a rematar unha boa xogada do equipo.
 

Na reanudación, as ocasións para o Santiso sucederonse e o resultado final puido ser todavía máis claro para os visitantes. Os goles foron obra de Fran que conseguiu o 2-3 cun auténtico golazo dende fóra da área, Manolo que faría doblete minutos máis tarde e Alex non quixo ser menos e anotou tamén o segundo gol na súa conta. Luis, Manolo e Manuel dispuxeron de novas oportunidades de perforar a portería local pero o marcador xa non sufriría máis variacións.
 

O equipo colle algo de folgos e abandona os últimos lugares da clasificación pero hai que seguir ganando para mellorar postos no taboleiro. O próximo partido terá lugar o domingo no Novo Zahorra fronte ó Montaos ás 4 da tarde.
 

Un saúdo e forza Santiso!!

Actualizando

Chegou por fin a primeira victoria do Santiso na presente campaña, foi no Novo Zahorra por dous goles a cero fronte ó Trazo. Partido serio polo bando local que lle permiteu acadar o triunfo ante un dos favoritos da liga.

 

Polos locais participaron Charli en porta, Javi Liñares, Tono, Moncho e Kike en defensa, Javi Ministro, Micho, Luis, Fran e Alex no medio e Manolo arriba. Na segunda metade xogaron Roberto (que levou un golpe e tivo que ser de novo sustituido), Manuel, Javi Ourense, Isma e José de Trebolo.

 

Os goles do choque chegaron por mediación de Alex e Kike e inda que os visitantes trataron de acadar cando menos o empate, Charli interviu con acerto para evitalo.

 

A ausencia dun servidor evita comentar máis detalles do que foi por fin, a primeira ledicia para a afición do Novo Zahorra.

 

Como sempre, saúdos e forza Santiso!!

Dinámica negativa

Desafortunadamente a mala xeira de resultados non abandona ó Santiso e o equipo colleitou unha nova derrota fronte ó Camporrapado por tres goles a un. O encontro tivo unha parte para cada equipo pero a efectividade dos locais foi superior á do Santiso.

 

Polos visitantes actuaron Charli na porta, Moncho, Tono, Dani e Kike en defensa, Javi Ministro, Agustín, Luis, Fran e Alex no medio con Manolo arriba. Na segunda metade Roberto, Manuel, Javi Liñares e José Trebolo sustituiron a Javi Ministro, Fran, Moncho e Alex.

 

Os primeiros corenta e cinco minutos foron claramente para os visitantes que dispuxeron de grandes ocasións para finiquitar o encontro; sin embargo, tan só Alex foi quen de perforar a portería do Camporrapado logo dunha magnífica asistencia de Manolo. Posteriormente, o propio Alex rematou ó longueiro na ocasión máis clara para agrandar a distancia para o Santiso. Manolo e Javi Ministro tamén dispuxeron dunha gran oportunidade cada un pero ningún dos remates acabou en gol. Cando se acercaba o descanso e casi no único achegamento dos locais no primeiro acto, chegou o empate.

 

Na reanudación o partido mudou por completo e o Camporrapado dominou o choque e conseguiu reflexalo no marcador anotando dous goles máis castigando a un Santiso que na primeira metade puido sentenciar.

 

O seguinte partido será no Novo Zahorra fronte ó Trazo o vindeiro domingo, inda que non é o mellor rival para empezar a gañar, xa son horas de empezar a sumar puntiños.

 

Un saúdo e forza Santiso!! 

Previa Xornada 6

A traxectoria deste ano e os resultados da pasada campaña non son esperanzadores:
Santiso 0 - Camporrapado 2
Camporrapado 2 - Santiso 0
así que con máis razón imos ver se cambiamos a tendencia dunha vez este domingo.

Dolorosa derrota

O Santiso volveu caer e desta volta por goleada, o Villestro B levouse o partido disputado o pasado domingo no Novo Zahorra por un gol a cinco.

 

Polos locais xogaron Dani na portería, Isma, Tono, José e Kike na defensa, Roberto, Micho, Luis, Agustín e Fran no centro do campo, con Manolo na punta do ataque. Na segunda metade entraron no campo Moncho, Manuel, José de Trebolo e Javi Liñares en sustitución de Roberto, Fran, Isma e Manolo respectivamente.

 

O inicio do choque non puido ser mellor para os locais xa que na primeira xogada do partido o Santiso adiantouse no marcador logo dunha boa xogada colectiva con centro final de Kike e remate en propia porta do Villestro B. Sin embargo, a pesar do excelente inicio para os locais, pronto chegou a igualada no marcador nunha xogada ó limite do fóra de xogo. Pouco despois, os visitantes anotaron o segundo nunha xogada casi calcada. A pesar de que ata o descanso os locais tiveron boas ocasións para devolver as taboas ó marcador por mediación de Manolo, Agustín e sobre todo Roberto cun remate ó longueiro, o resultado non variaría.

 

Na segunda metade rachouse completamente o partido cando os visitantes conseguiron o terceiro e casi que finiquitar o choque. Cando faltaban poucos minutos para o final e cun Santiso con defensa de tres, o Villestro B anotou dous goles máis deixando un resultado dificil de asimilar.

 

Non queda outra que pensar xa no próximo partido e levantar ó ánimo. A cita será fronte ó Camporrapado a domicilio o vindeiro domingo.

 

Un saúdo e forza Santiso!!

Partido tolo

Non consegue o Santiso acadar a victoria nesta tempada, desta volta caeu fronte ó Pino B por 6 goles a 4 nun choque que tivo moitas alternativas no marcador e que a pesar da nefasta primeira parte realizada polo equipo puido conseguir cando menos un punto.

 

Polos visitantes actuaron Dani na porta, Tono, Moncho, José e Javi Ministro en defensa, Luis, Micho, Agustín, Fran e Alex no medio con Manolo arriba. Na segunda metade participaron Roberto, Javi Ourense, Javi Liñares e José Trebolo.

 

Na primeira xogada do encontro xa se puxeron mal as cousas para ó equipo xa que os locais conseguiron adiantarse no marcador con agasallo de Dani incluido. Esta circunstancia provocou certa inseguridade no equipo e cando quixo reacionar dous novos remates acababan nas redes visitantes. A pesar de que o Santiso anotou un gol tras unha boa xogada de Alex que os defensas locais introduciron na sua porta; o pesadelo continuaba xa que na acción seguinte caía o cuarto tanto a favor do Pino B. Rematando a primeira parte, Alex conseguia reducir a diferencia a dous goles transformando unha pena máxima.

 

No segundo acto, a decoración cambiou bastante e o Santiso mereceu moito máis chegando a empatar por mediación de Alex (que volveu a anotar outro penalti) e Manolo que defineu a perfección logo dunha magnífica asistencia de Fran. Co empate a 4 puido pasar de todo pero a inxusta expulsión de Alex motivou que os locais volvesen a levar o peso do encontro, inda así, Roberto tivo unha gran oportinidade de voltear o marcador por completo pero o gardamallas local desbaratou o seu remate. Pouco despois chegou o quinto para os da casa, circunstancia que sumada a expulsión de Javi Minitro nunha xogada posterior suporía a resignación definitiva do Santiso. Cerca do remate, os locais acadarían o sexto logo dun remate de falta.

 

Quedandonos co positivo, o equipo conseguiu remontar un 4-1 adverso fóra da casa e de non ser por xogar en inferioridade nos minutos finais quizais se conseguise sacar algún punto. Obviamente existen cousas que mellorar pero hai que animarse e tratar de conseguir canto antes a primeira victoria da tempada. O próximo partido será o domingo no Novo Zahorra ás 16.30 fronte ó Villestro B.

 

Un saúdo e forza Santiso!! 



Sin puntos no Novo Zahorra

Resístese a primeira victoria da tempada para o Santiso, desta volta, foi o Resmón o que conseguiu levarse os tres puntos nun partido bastante igualado que se decideu por un único gol.

 

Na formación local actuaron Charli como porteiro, Tono, Moncho, José e Kike en defensa, Roberto, Micho, Luis, Dani e Alex no medio, con Manolo como dianteiro. Na segunda metade participaron Fran, Javi Liñares, Javi Ministro e Isma que sustituiron a Roberto, Dani, Luis e Micho respectivamente.

 

Tentou o Santiso levar o peso do choque durante o primeiro tempo pero atopou unha boa oposición dos visitantes que se agazapou ben atrás sen conceder moitas ocasións e que atacaba con contras moi perigosas. Neste período Luis tivo a ocasión máis clara polos locais nun man a man que o porteiro do Resmón conseguiu despexar, tamén Alex tivo unha boa ocasión pero o seu remate foise fóra; por parte visitante tamén existiron achegamentos que puideron variar o marcador. Sen embargo, ó descanso chegaríase co marcador sin goles. 

 

Respirabase no ambiente que o que conseguise anotar primeiro se ía levar os tres puntos e así foi. O momento clave produciuse cando apenas se disputaran os primeiros quince minutos do segundo acto; Luis de novo tivo a gran ocasión de adiantar ó Santiso rematando ó poste dende fóra da área pero algo peor agardaba ó equipo na xogada seguinte, xa que os visitantes armaban unha contra que propiciaría o único gol do encontro. A partir de ahí, o Santiso tentouno con máis corazón que cabeza e incluso puido encaixar algún gol en lugar de anotar  nalgún contragolpe máis dos que dispuxeron os visitantes que ademais desquiciaron ó equipo con continuas perdas de tempo dende que conseguiron adiantarse no marcador.

 

Non foi o mellor partido do Santiso pero plantou cara a un Resmón que é o único equipo da liga que inda non recibeu ningún gol. Se vos fixades na clasificación, os nosos primeiros tres rivais ocupan os tres primeiros postos polo que toca erguerse e pensar xa no próximo partido que será o vindeiro sábado fronte O Pino B ás 16.30.

 

Un saúdo e forza Santiso!!  

Primeiro punto

O Santiso ven de estrear o seu casilleiro de puntos na presente campaña; acadou un meritorio empate a dous goles fronte ó Vila de Ordes a domicilio. O encontro tivo unha parte para cada equipo e o resultado final puido ser favorable a calquera dos dous contendentes.

 

Polos visitantes xogaron Charli na portería, Moncho, Dani, José e Isma en defensa, Fran, Agustín, Micho, Luis e Alex no medio con Manolo na punta do ataque. Na segunda metade participaron Kike, Javi Ministro, Javi Ourense, Javi Liñares e Roberto que sustituiron a Isma, Micho, Fran, Agustín e Manolo respectivamente. A pesar de ser un encontro fóra da casa, o plantel de xogadores non fallou e esto obrigou a que Manuel e José de Trebolo quedasen fóra da convocatoria por decisión propia de ambolos dous xogadores, xesto sen dúbida a aplaudir.

 

Os locais vironse claramente superados polo bo facer dos seus rivais no primeiro acto, o Santiso fíxose co esférico e esto permitiulle dominar e dispoñer de oportunidades. O gol inaugural do partido chegou logo dunha magnifica acción combinativa de todo o equipo, a xogada iniciuna Charli sacando en corto para a defensa que subeu o esférico ata o medio do campo para que finalmente tras un bo centro de Alex, Manolo remachase á rede. Co marcador a favor,  o equipo soltouse e o segundo gol non se fixo agardar, Luis saca unha falta que ninguén consigue rematar que se introduce finalmente na portería local. O terceiro e quizais o finiquito do partido a favor dos visitantes, puido chegar en duas boas ocasións por parte de Manolo pero os da casa sairon vivos de ambos remates. Cando parecía que se chegaría ó descanso co marcador coñecido, no último minuto da primeira metade e tras unha contra, os locais conseguían reducir distancias. Outra vez o gol sicolóxico...

 

No segundo acto, o Vila de Ordes atacou máis a área visitante e buscou con máis descaro a portería defendida por Charli. Acadaría o premio do gol mediada esta parte e foi a partir de ahí cando o Santiso veu perigar sacar algo positivo do encontro a pesar de que Manolo tamén tivo de novo unha boa ocasión de gol neste período. Os locais tiveron a oportunidade máis clara cun posible penalti que afortunadamente o colexiado non pitou. Finalmente, o marcador non se movería e con reparto de puntos remataría o choque.

 

Cunha neta melloría con respecto o partido inicial, o Santiso afrontará o vindeiro encontro fronte ó lider tras dúas xornadas, o Resmón, o próximo domingo no Novo Zahorra ás 16.30 da tarde; agardemos coma sempre unha gran presencia de público e que o equipo poida dedicarlle a primeira victoria da tempada.

 

Un saúdo e forza Santiso!!

Nervios

Con máis retraso do debido, chega a crónica do primeiro encontro de liga. Tralas dúas magníficas previas realizadas por Tono toca analizar o partido que dou o pistoletazo de saída na tempada 2012-2013.

 

Moitas ganas tiña o equipo de agradar e de facer un bo papel ante o seu público no arranque ligueiro pero desafortunadamente o Santiso non puido agasallar cos tres puntos á súa parroquia e caeu derrotado por 2 goles a tres fronte ó Touro. O primeiro once da nova campaña dos locais foi o formado por Dani na portería (tras a baixa de Iván e a sanción de Charli), Tono, Moncho, José e Kike en defensa, Agustín, Micho, Manuel, Luis e Alex no medio e na dianteira Manolo. Na segunda metade participaron Javi Ministro, Javi Ourense, Javi Liñares, Roberto e José Trebolo en sustitución de Micho, Manuel, Luis, Manolo e Moncho respectivamente.

 

O Santiso levou máis o peso do partido no primeiro acto, inda que non chegou a ter moitas ocasións, ós puntos o equipo mereceu chegar ó descanso con vantaxe. Manolo tivo unha boa oportunidade pero os da casa anotaron o primeiro gol do encontro tras un corner ensaiado por mediación de Alex. Cando o tempo de lecer se acercaba, o Touro conseguiu o gol do empate nunha contra. Ese gol sería o inicio do fin para os locais.

 

E é que pouco despois de volver dos vestiarios os visitantes conseguían darlle a volta ó marcador e ferir de gravidade animicamente ó equipo. Sin embargo, logo dun saque dende o curruncho o Santiso conseguiu o gol do empate por mediación de Kike novamente tras unha acción ensaiada. Nese intre parecía que os locais poderían incluso levarse os tres puntos pero nada máis lonxe da realidade. Nunha falta lonxana, Dani fallou con claridade á hora de colocar a barreira e o Touro acadou o 2-3 final. Foi outro duro golpe que xa foi demasiado para un Santiso que o tentou ata o remate pero con máis corazón que cabeza. Nesta fase Agustín tivo a ocasión máis clara pero o gardamaias visitante fixo unha boa intervención.

 

Datos positivos e negativos como ben comentou Tono (ó que animo a que faga algunha crónica), pero que ambos toca esquecer xa pensando no próximo partido, o sábado contra o Vila de Ordes ás 18:45 (parece que a tolemia cos horarios non é exclusiva da primeira división...). Esperemos que cheguen os primeiros puntiños da tempada.

 

Un saúdo e forza Santiso!!

Previa Xornada 2

Agardando que Dani nos regale outra das súas crónicas acerca da primeira xornada, aproveito só para facer un par de comentarios (e de paso seguirlle dando vidilla ó blog).
Para comenzar, dicir que este fin de semana xogaremos o sábado, e non o Domingo como ven sendo habitual. En Siguetuliga seguen indicando as 18:45 como hora do partido. Non se se finalmente se conseguiu adiantar algo ou non (para que aqueles que teñen problemas co traballo por aquelo do horario poidan asistir). Visitaremos o campo dun recén chegado de 2ª rexional, que ademáis comenzou gañando fácil o seu primeiro partido, como podedes ler no seu blog (aproveito tamén para enlazalo na parte dereita, xunto con outros rivais), así que non se presume un partido doado.

Polo que respecta ó partido do domingo, só quería deixar un par de notas positivas e un par negativas para a reflexión. No apartado positivo, a resposta do público, un ano máis, e pese ó resultado, e tamén a satisfacción de ver como as xogadas ensaiadas a balón parado dan finalmente os seus froitos, pois os dous goles chegaron deste xeito (dous córners, o primeiro deles ensaiado xa desde o ano pasado, e o segundo bastante repetido nos entrenamentos deste ano con Víctor). No tocante ó negativo, indicar o fallo grave de equipo que permitiu que co marcador a favor nos fixeran un gol nunha contra, ademáis nun momento pésimo (case chegado o descanso), e a escasa capacidade de reacción e de crear máis ocasións de perigo, máis aló das xogadas a balón parado. Confiemos en que os adestramentos nos permitan mellorar estes aspectos.

Coma sempre, estas son só algunhas ideas miñas... A ver que pensades vós.