Primeiro punto

O Santiso ven de estrear o seu casilleiro de puntos na presente campaña; acadou un meritorio empate a dous goles fronte ó Vila de Ordes a domicilio. O encontro tivo unha parte para cada equipo e o resultado final puido ser favorable a calquera dos dous contendentes.

 

Polos visitantes xogaron Charli na portería, Moncho, Dani, José e Isma en defensa, Fran, Agustín, Micho, Luis e Alex no medio con Manolo na punta do ataque. Na segunda metade participaron Kike, Javi Ministro, Javi Ourense, Javi Liñares e Roberto que sustituiron a Isma, Micho, Fran, Agustín e Manolo respectivamente. A pesar de ser un encontro fóra da casa, o plantel de xogadores non fallou e esto obrigou a que Manuel e José de Trebolo quedasen fóra da convocatoria por decisión propia de ambolos dous xogadores, xesto sen dúbida a aplaudir.

 

Os locais vironse claramente superados polo bo facer dos seus rivais no primeiro acto, o Santiso fíxose co esférico e esto permitiulle dominar e dispoñer de oportunidades. O gol inaugural do partido chegou logo dunha magnifica acción combinativa de todo o equipo, a xogada iniciuna Charli sacando en corto para a defensa que subeu o esférico ata o medio do campo para que finalmente tras un bo centro de Alex, Manolo remachase á rede. Co marcador a favor,  o equipo soltouse e o segundo gol non se fixo agardar, Luis saca unha falta que ninguén consigue rematar que se introduce finalmente na portería local. O terceiro e quizais o finiquito do partido a favor dos visitantes, puido chegar en duas boas ocasións por parte de Manolo pero os da casa sairon vivos de ambos remates. Cando parecía que se chegaría ó descanso co marcador coñecido, no último minuto da primeira metade e tras unha contra, os locais conseguían reducir distancias. Outra vez o gol sicolóxico...

 

No segundo acto, o Vila de Ordes atacou máis a área visitante e buscou con máis descaro a portería defendida por Charli. Acadaría o premio do gol mediada esta parte e foi a partir de ahí cando o Santiso veu perigar sacar algo positivo do encontro a pesar de que Manolo tamén tivo de novo unha boa ocasión de gol neste período. Os locais tiveron a oportunidade máis clara cun posible penalti que afortunadamente o colexiado non pitou. Finalmente, o marcador non se movería e con reparto de puntos remataría o choque.

 

Cunha neta melloría con respecto o partido inicial, o Santiso afrontará o vindeiro encontro fronte ó lider tras dúas xornadas, o Resmón, o próximo domingo no Novo Zahorra ás 16.30 da tarde; agardemos coma sempre unha gran presencia de público e que o equipo poida dedicarlle a primeira victoria da tempada.

 

Un saúdo e forza Santiso!!

Nervios

Con máis retraso do debido, chega a crónica do primeiro encontro de liga. Tralas dúas magníficas previas realizadas por Tono toca analizar o partido que dou o pistoletazo de saída na tempada 2012-2013.

 

Moitas ganas tiña o equipo de agradar e de facer un bo papel ante o seu público no arranque ligueiro pero desafortunadamente o Santiso non puido agasallar cos tres puntos á súa parroquia e caeu derrotado por 2 goles a tres fronte ó Touro. O primeiro once da nova campaña dos locais foi o formado por Dani na portería (tras a baixa de Iván e a sanción de Charli), Tono, Moncho, José e Kike en defensa, Agustín, Micho, Manuel, Luis e Alex no medio e na dianteira Manolo. Na segunda metade participaron Javi Ministro, Javi Ourense, Javi Liñares, Roberto e José Trebolo en sustitución de Micho, Manuel, Luis, Manolo e Moncho respectivamente.

 

O Santiso levou máis o peso do partido no primeiro acto, inda que non chegou a ter moitas ocasións, ós puntos o equipo mereceu chegar ó descanso con vantaxe. Manolo tivo unha boa oportunidade pero os da casa anotaron o primeiro gol do encontro tras un corner ensaiado por mediación de Alex. Cando o tempo de lecer se acercaba, o Touro conseguiu o gol do empate nunha contra. Ese gol sería o inicio do fin para os locais.

 

E é que pouco despois de volver dos vestiarios os visitantes conseguían darlle a volta ó marcador e ferir de gravidade animicamente ó equipo. Sin embargo, logo dun saque dende o curruncho o Santiso conseguiu o gol do empate por mediación de Kike novamente tras unha acción ensaiada. Nese intre parecía que os locais poderían incluso levarse os tres puntos pero nada máis lonxe da realidade. Nunha falta lonxana, Dani fallou con claridade á hora de colocar a barreira e o Touro acadou o 2-3 final. Foi outro duro golpe que xa foi demasiado para un Santiso que o tentou ata o remate pero con máis corazón que cabeza. Nesta fase Agustín tivo a ocasión máis clara pero o gardamaias visitante fixo unha boa intervención.

 

Datos positivos e negativos como ben comentou Tono (ó que animo a que faga algunha crónica), pero que ambos toca esquecer xa pensando no próximo partido, o sábado contra o Vila de Ordes ás 18:45 (parece que a tolemia cos horarios non é exclusiva da primeira división...). Esperemos que cheguen os primeiros puntiños da tempada.

 

Un saúdo e forza Santiso!!

Previa Xornada 2

Agardando que Dani nos regale outra das súas crónicas acerca da primeira xornada, aproveito só para facer un par de comentarios (e de paso seguirlle dando vidilla ó blog).
Para comenzar, dicir que este fin de semana xogaremos o sábado, e non o Domingo como ven sendo habitual. En Siguetuliga seguen indicando as 18:45 como hora do partido. Non se se finalmente se conseguiu adiantar algo ou non (para que aqueles que teñen problemas co traballo por aquelo do horario poidan asistir). Visitaremos o campo dun recén chegado de 2ª rexional, que ademáis comenzou gañando fácil o seu primeiro partido, como podedes ler no seu blog (aproveito tamén para enlazalo na parte dereita, xunto con outros rivais), así que non se presume un partido doado.

Polo que respecta ó partido do domingo, só quería deixar un par de notas positivas e un par negativas para a reflexión. No apartado positivo, a resposta do público, un ano máis, e pese ó resultado, e tamén a satisfacción de ver como as xogadas ensaiadas a balón parado dan finalmente os seus froitos, pois os dous goles chegaron deste xeito (dous córners, o primeiro deles ensaiado xa desde o ano pasado, e o segundo bastante repetido nos entrenamentos deste ano con Víctor). No tocante ó negativo, indicar o fallo grave de equipo que permitiu que co marcador a favor nos fixeran un gol nunha contra, ademáis nun momento pésimo (case chegado o descanso), e a escasa capacidade de reacción e de crear máis ocasións de perigo, máis aló das xogadas a balón parado. Confiemos en que os adestramentos nos permitan mellorar estes aspectos.

Coma sempre, estas son só algunhas ideas miñas... A ver que pensades vós.

Nova Tempada 2012-2013. Previa Xornada 1

Aquí estamos un ano máis, xa cunha nova tempada ás portas. Despois dun verán de adestramentos e 6 partidos amigables, xa temos gañas de comenzar a competir.

Para os que estades menos metidos no día a día, decir que no parte de altas e baixas destaca a incorporación dun veterano do Santiso de toda a vida, como é Víctor, que este ano axudará a Ramón nas tarefas de adestrador. No tocante ó plantel, destacan os regresos de dous vellos coñecidos, Moncho e Agustín, que volven tras unha mínima pausa na súa etapa con nós. Polo que respecta ás baixas, Iván pasa a ocupar a portería dos xuvenís do At. Melide e Jose do Padrón tómase un respiro este ano (cuidado co LK!), así que, como vedes, o groso do equipo é o mesmo do ano pasado.

E xa, para meterse en fariña, decir que comenzamos tempada co Touro, na casa, este domingo ás 17h. Recordaredes que o ano pasado perdemos con eles, aínda que despois fomos quen de devolverlla a domicilio. Para os que queirades recordar como foi aquelo, aquí vos deixo os enlaces as crónicas de Dani, que non perden detalle:

Santiso 0 - Touro 2
Touro 1 - Santiso 3

Como vedes, 3 goles encaixados e 3 recibidos, e partidos nada cómodos, así que máxima igualdade (por certo, que na marxe dereita tedes tamén o enlace ó blog do Touro, onde podedes ver os amigables que disputaron este verán, entre outras cousas). Imos ver se este ano somos quen de dar un paso adiante.

Saúdos.

Para os que teñades curiosidade, aquí vos deixo a carreiriña do venres. Os que teñades conta en wikiloc ou garmin connect podedes ver alí máis detalles:

Estadisticas tempada 2011/2012

A continuación, e non sin tempo, aquí vos deixo unha taboa na que se resumen algunhas das estadísticas de cada xogador do que foi a pasada campaña.  

XOGADOR	PATIDOS XOGADOS	TITULAR	SUPLENTE	GOLES
ALEX	27	27	0	5
CHARLI	21	18	3	0
DANI	20	14	6	1
FRAN	25	22	3	2
ISMAEL	25	23	2	0
IVAN	16	11	5	0
JAVI LIÑARES	21	11	10	0
JAVI MINISTRO	25	19	6	5
JAVI OURENSE	15	4	11	0
JOSE	21	19	2	2
JOSE PADRON	14	5	9	0
JOSE TREBOLO	23	4	19	0
KIKE	20	20	0	5
LUIS	20	14	6	0
MANOLO	25	25	0	15
MANUEL	26	24	2	1
MICHO	23	20	3	2
ROBERTO	19	11	8	1
TONO	18	17	1	0

Espero que vos gustara e a prepararse xa para a próxima que en breve comenzarán os adestramentos.

Un saúdo e forza Santiso!!

 

Demasiados contratempos

Foron moitos os atrancos so que atopou o Santiso no último encontro desta liga. O primeiro foi que o choque se disputou en sábado o que impediu que algúns dos xogadores do equipo non puidesen participar e que a U.D. se presentara ó inicio do partido con tan só once efectivos. A pesar desta circunstancia, o Santiso plantou cara e mesmo se puido levar os tres puntos; o marcador final foi de dous goles a un para o Rial.

Polos visitantes actuaron Iván na porta, Javi Liñares, Dani, Luis e Isma en defensa, Roberto, Manuel, Micho, Fran e José de Trebolo no medio con Alex na punta de ataque.

Ademais de chegar co equipo xusto, o Santiso tivo que repoñerse a que Manuel e Dani non estaban ó cen por cen e tamén a que cando apenas se disputaban cinco minutos, Isma sufriu unha lesión no nocello, o de Novela bastante fixo con aguantar no terreo de xogo durante todo o encontro. Para máis complicacións, o Rial adiantouse no marcador nunha xogada de varios rexeites. Os visitantes puideron igualar antes do descanso a balón parado, primeiro por mediación de Luis a través dunha pena máxima cometida a Micho que o de Balocás non puido convertir. Posteriormente, Javi Liñares tivo a segunda clara ocasión pero o seu remate de falta estrelouse no longueiro, o rexeite tampouco puido ser aprobeitado por Isma.

Tras o descanso, o Rial puido sentenciar o partido con varias ocasións clarisimas pero unhas veces Iván, e outras fallos incríbles impediron que o marcador se ampliase para os locais. O Santiso casi sacou tallada nesta fase do encontro xa que conseguiu empatar logo dun magnifico gol de Alex e pouco despois o propio xogador de Mourazos tivo o segundo pero o gardamaias local impediu o tanto. Finalmente nunha contra o Rial acadou o marcador definitivo de dous a un.

Non puido despedir a tempada o Santiso cun triunfo pero dadas as circunstancias pódese catalogar de meritorio o resultado acadado a pesar de ser fronte a un rival que rematou o campionato na penúltima posición. Finalmente a U. D. remata a liga no noveno posto con 37 puntos, destacable, sen dúbida a segunda volta do equipo donde mellorou a imaxe que dou na primeira.

Volveremos a tempada que vén. Un saúdo e forza Santiso!!

Triste despedida

Remataron os encontros no Novo Zahorra no tocante a esta campaña 2011/2012 e o Santiso non puido adicarlle unha victoria o seu público. O marcador final foi de 1 gol a tres para o Deixebre.

Polos locais actuaron Charli na porta, Isma, Dani, José e Kike en defensa, Roberto, Micho, Luis, Fran e Javi de Ourense no medio do campo con Javi Ministro na punta de ataque. Na segunda metade participaron Jose do Padron, Manuel e José de Trebolo en sustitucion de Javi Ourense, Luis e Roberto.

Cando apenas se dispuraran cinco minutos chegou a xogada clave do partido, o Deixebre conseguía adiantarse no marcador nunha xogada na que Charli seria expulsado por protestar. O equipo pasou entón a xogar en inferioridade numérica e inda que os visitantes non demostraron ser os mellores da categoría conseguiron finalmente levarse os tres puntos. A incertidume no resultado durou ata a o inicio da segunda metade na que o Deixebre conseguiu ampliar a ventaxa, foi un duro golpe para a moral dos locais que aguantaran ben no primeiro acto. A pesar de que todo estaba en contra, o Santiso non se rendeu e buscou o gol da honra cando menos, Manuel foi o que estivo mais preto pero o meta visitante conseguiu desviar o seu gran remate. Nunha contra chegou o terceiro dos visitantes pero finalmente o Santiso tamen anotaría un gol por mediacion de Kike que transformou unha pena maxima sinalada sobre José de Trebolo.

O vindeiro choque sera en Val do Dubra fronte o Rial dentro de 15 dias posto que o proximo domingo o equipo descansa. Será este partido o derradeiro desta liga, esperemos despedila ó grande.

Un saúdo e forza Santiso!!

Empate

Chegou a primeira igualada da tempada para o Santiso, foi contra o Villestro B a domicilio a 3 goles. O encontro puido caer de caquer lado nunha recta final tola con continuas chegadas nas dúas áreas pero finalmente chegouse ó xusto empate.

Polos visitantes actuaron Iván na porta, Isma, Manuel, José e Kike en defensa, Javi ministro, Micho, Luis, Fran e Alex no medio do campo con Manolo arriba. No segundo tempo, Roberto e José de Trebolo entraron por Javi Ministro e Manuel.

Os primeiros minutos do choque foron de tanteo sen ningún dominador claro pero sen embargo o Villestro conseguiu adiantarse no marcador nunha xogada aislada. A partir de ahí, o Santiso lonxe de virse abaixo comezou a ameazar a portería local e lograría o premio do empate cerca do descanso logo dun remate de Micho. Neste primeiro acto inda houbo tempo para un bo remate de Fran que desviou o porteiro local.

Tras o descanso, o Villestro dispuxo de ata tres ocasións claras para adiantarse no marcador pero sería o Santiso o que conseguiría adiantarse no marcador tras un magnífico remate de falta dende fóra da área de Kike que por se non o sabedes, está a ser imitado por Cristiano á hora de celebrar os goles. Cando mellor pintaban as cousas para os visitantes, o Villestro conseguiu darlle a volta ó resultado en apenas cinco minutos. Con pouco para o final, o Santiso buscou o empate con descaro e conseguiríao de novo por mediación de José. De ahí ata o final, unha auténtica lotería na que calquer conxunto se puido levar o partido; José de Trebolo tivo a ocasión máis clara para os visitantes neste treito.

O próximo partido será o domingo fronte ó lider, o Deixebre, no Novo Zahorra; será o derradeiro encontro da casa desta tempada.

Un saúdo e forza Santiso!!

Triunfo sufrido

O Santiso acadou unha nova victoria pola mínima e con moito suspense, desta volta por un gol a cero fronte ó Lestedo no Novo Zahorra. A falta de pegada dos locais foi a tónica do choque que puido sentenciar en múltiples ocasións nun partido que acabou pedindo a hora.

Pola U.D. xogaron Charli na portería, Isma, Dani, José e José de Trebolo en defensa, Roberto, Luis, Manuel, Fran e Alex no medio con Manolo na punta. Na segunda metade participaron Micho e Javi Ministro que sairon en sustitución de Luis e Roberto.

O público local que ateigou unha vez máis o Novo Zahorra disfrutou dun mellor xogo do Santiso na primeira metade. Foi aí cando se viron a maioría das ocasións de gol, Alex tivo a oportunidade de adiantar ó equipo en dúas ocasións logo dunha boa asistencia de Fran primeiro e máis tarde despois dunha parede con Manolo pero en ambas ocasións o gardamaias visitante conseguíu evitar o gol. Fran tamén tivo a súa ocasión, pero o seu remate foise alto. Incluso Charli puido ser o goleador do equipo se o árbitro dese como válido un balón que sacou dende a súa área e o porteiro visitante sacou da portería cando o esférico xa sobrepasara a liña de gol. Para inaugurar o marcador houbo que recurrir ó balón parado, Manuel executou á perfección unha falta no borde da área para adiantar por fin ó Santiso.

No segundo acto, o Lestedo contou co aire a favor e foi cando empezou a inquedar algo máis á defensa local e o partido equilibrouse. José estivo especialmente espléndido nesta fase do partido xa que foron innumerables ás ocasións nas que golpeou a pelota de cabeza, ademáis conseguiu evitar un gol na mesma liña de gol cando Charli xa estaba batido. Por se fose pouco, o da Pontenova tamén se animou en ataque e puido anotar un auténtico golazo dende fóra da área pero o porteiro visitante evitouno cunha boa estirada. Alex tivo a sentecia de novo, logo de recibir unha boa asistencia de Micho pero cruzou en exceso ante a saída do gardamaias do Lestedo. Cando faltaban vinte minutos para o final produciuse a expulsión de Dani que agarrou o dianteiro visitante cando este se dispoñía a anotar o gol do empate a porta vacía; esta circunstancia propiciou un maior acoso á área local pero o equipo aguantou con moita coraxe. Incluso tivo algunha ocasión máis, sobre todo, unha na que primeiro Javi Ministro, despois Manolo e por último Alex non foron quen de rematar con claridade. Chegaríase así ó remate do partido coa victoria para o Santiso, excasa eso sí, pero moi merecida.

O próximo partido será o vindeiro domingo día 15 a domicilio fronte ó Villestro B, xa que non hai liga nesta Semana Santa, así que a disfrutar destes días.

Un saúdo e forza Santiso!!

Regreso ó pasado

O Santiso visitou o pasado domingo un deses campos dos que hoxe en día poucos se ven, terreo de xogo pequeno de area con algunha que xa ascendía á categoría de pedra e en canto ós balóns, algún de nós saíulle un sorriso cando viu o mítico "mikasa". No meramente deportivo, o Resmón levouse o partido por catro goles a un.

Polos visitantes xogaron Charli na porta, Javi Liñares, Dani, José e José de Trebolo en defensa, Javi Ministro, Manuel, Micho, Fran e Alex no medio con Manolo arriba en ataque. Posteriormente participaron Roberto, Iván e Luis en sustitución de Alex, Charli e José de Trebolo respectivamente.

O Santiso amosou un mellor xogo na segunda parte que na primeira, pero paradóxicamente o resultado foi máis favorable no primeiro tempo que no segundo posto que ó remate dos primeiros corenta e cinco minutos chegouse co marcador inicial de cero a cero con máis chegadas á area por parte local.

No segundo acto chegaron os goles, o primeiro foi logo dunha perda no medio do campo do Santiso que provocou a contra que permitiu ó Resmón inaugurar o marcador. Non parecía que a U.D. poidese acadar a igualada pero a partir de aquí empezou a combinar mellor e acadaría o premio do empate logo dun espectacular gol de falta de Micho. Pero, ó pouco tempo, e logo dun saque de esquina os locais lograron de novo adiantarse no marcador, un duro golpe que os visitantes non puideron sobrepoñerse e máis cando pouco despois encaixaban o terceiro. De ahí ata o final, un querer e non poder por parte dos visitantes e outro gol máis para o Resmón que conseguiu unha goleada ante un Santiso que non mereceu un castigo tan elevado.

O próximo partido será no Novo Zahorra contra o Lestedo o próximo domingo ás cinco da tarde, agardemos que poidamos recuperar algunha das baixas para este encontro.

Un saúdo e forza Santiso!!

Segunda Remontada

Se en toda a tempada non se conseguira voltear ningún resultado en contra, o Santiso ven de acadar dúas victorias consecutivas deste xeito. Desta volta, venceu por dous goles a un fronte ó Ames no Novo Zahorra.

Polos locais xogaron Ivan na porta, Javi Liñares, Tono, José e Isma na defensa, Javi Ministro, Manuel, Dani, Fran e Alex no medio, con Manolo na punta de ataque. No segundo tempo, participaron Roberto, Micho, Jose do Padrón e José de Trebolo que entraron no terreo de xogo en sustitución de Dani, Manuel, Alex e Javi Liñares respectivamente.

Non foi un partido con excesivas ocasións, moito mediocampismo e partido "feo" de ver para o espectador. Na primeira metade reseñable unicamente unha clara ocasión de Manolo nun remate de cabeza que non conseguiu conectar plenamente logo dun bo centro de Alex.

Na segunda metade chegaron os goles, o primeiro foi ó pouco de reiniciarse o encontro; o Ames conseguiu anotar logo dunha falta na que o esférico se paseou pola área local ata que un xogador visitante tocou o balón para introducilo no fondo das mallas. O Santiso sacou nese intre a casta para arranxar o marcador e conseguiu empatar por medio de Manolo logo dunha asistencia de Alex. Co resultado igualado os visitantes tiveron unha clarisima ocasión para adiantarse novamente no marcador cun remate a porta vacía que afortunadamente se foi fóra. A sorte que faltou noutras ocasións sorriu desta volta ó equipo e cerca do final unha pelota moi ben pelexada por Manolo no centro do campo permitiulle asistir a José de Trebolo e éste á súa vez a Javi Ministro para que o de Pezobre se plantase só fronte o gardaredes visitante e o batise para certificar a victoria para os locais.

Non conseguiu o equipo desenvolver un bo xogo durante o partido pero o empuxe final foi suficiente para acadar os tres puntos. O seguinte encontro será fronte ó Resmón a domicilio, o único equipo que venceu ó lider da clasificación, non será fácil...

Un saúdo e forza Santiso!!

Remontada

Conseguiu o Santiso a segunda victoria consecutiva como visitante, foi ante o Touro por un gol a tres. A pesar de vencer por dous tantos de diferencia, non foi un partido nada fácil para a U.D. que tivo que sufrir para traer os tres puntos para a casa.

O equipo formou con Iván na portería, Isma, Tono, José e Kike en defensa, Fran, Luis, Micho, Dani e Alex no medio e Manolo arriba. No segundo período participaron Javi Ministro, Roberto, Javi Liñares, Jose do Padrón e José de Trebolo sustituíndo a Micho, Alex, Isma, Manolo e Dani repectivamente.

Non saíu nada concentrado o Santiso ó choque, o Touro foi claramente dominador dos primeiros compases do partido e comezou a ter ocasións na área visitante. Nunha delas, o dianteiro local controlou un esférico na área e batiu a Iván. Co gol, o equipo reaccionou e buscou algo máis a portería local; a ocasión máis clara tivoa Fran que sufreu un máis que probable penalti que non pitou o árbitro. Co marcador en contra chegaríase ó descanso.

Na reanudación, o Santiso estivo mellor plantado pero sin conseguir dominar o partido claramente debido a que estivo moi embarullado polas continuas faltas e protestas dos locais, preguntádelle a Tono ou Micho que foron os que máis ás sufriron . A clave deste segundo acto e do partido quizais estivo na ocasión que tivo o Touro de marcar o segundo nunha falta que rematou ó longueiro; afortunadamente o balón non entrou e a partir de ahí o Santiso fixose co encontro. O empate chegou por mediación de Manolo que aprobeitou un bo servicio de Kike para batir ó porteiro local. O gol dou moita moral ó Santiso e minutos despois Manolo repetiu logo dunha boa xogada entre Fran e Luis. Casi sin tempo para reaccionar e pouco despois de sacar de centro, Javi Ministro anotou o terceiro nunha contra.

Victoria moi sufrida e loitada polo Santiso que debe dar moral para futuros partidos e ver que este equipo é quen de gañar inda que o rival se adiante no marcador. O próximo domingo volve o fútbol ó Novo Zahorra a partir das 4.30 da tarde, visitanos o Ames.

Un saúdo e forza Santiso!!

Fin da xeira

O Tordoia estragou a boa racha de victorias que tiña o Santiso no Novo Zahorra e infrinxeulle un contundente 1-4 no marcador. Os locais resistiron ben o primeiro tempo, pero na reanudación, os visitantes dominaron claramente e levaronse o partido.

Pola U.D. actuaron Charli na porta, Javi Liñares, Tono, José e Kike na defensa, Javi Ministro, Manuel, Micho, Dani e Alex no medio, con Manolo arriba. No segundo acto participaron Luis, Roberto, Isma, Jose do Padrón e José Trebolo que sustituiron a Micho, Dani, Kike, Alex e Manolo respectivamente.

O guión que buscaba o Santiso era o mesmo que contra ó Agrón, ben posicionados atrás sen renunciar ó ataque, e así foi durante a primeira metade. O Tordoia non profundizou en exceso pero sin embargo conseguiu adiantarse no marcador. Os locais non acusaron o golpe e intentaron conseguir o empate, Manolo conseguiría o obxectivo logo de prolongar á rede un pase de José coa testa. Anteriormente xa tivera a ocasión de facelo despois dun saque de esquina pero o esférico forase alto. Co marcador igualado chegouse ó descanso.

O segundo acto comezou coas peores noticias para a parroquia local con un gol visitante, a partir de ahí todo foi moi costa arriba para o Santiso. Mediado este segundo período unha boa xogada individual do dianteiro do Tordoia propiciaba o 1-3 e que a moral do equipo se viñese completamente abaixo. Máis tarde inda houbo tempo para outro gol visitante que deixaba un marcador moi duro para os locais. Sin embargo, o Santiso non se rendeu e buscou anotar algún gol que dera algunha esperanza, os trocos introducidos por Joserra deron frescura en ataque e algunha xogada mereceu rematar en gol logo de boas combinacións, Luis tivo unha das ocasións máis claras.

Rematou pois a imbatibilidade como locais que mantiña o Santiso pero o equipo ten ante sí a posibilidade de encadear outra pero lonxe do Novo Zahorra, a segunda victoria chegaría o próximo domingo en Touro...

Un saúdo e forza Santiso!!

Triunfo a domicilio!

Despois de moito agardar, por fin chegou a victoria fóra do Novo Zahorra, e é que o Santiso levaba sin acadar os tres puntos lonxe da casa dende a primeira xornada de liga. Foi nunha tarde primaveral no Milladoiro fronte ó Ortoño por dous goles a catro.

Os integrantes do once inicial por parte visitante foron Charli na portería, Javi Liñares, Tono, José e Kike na defensa, Javi Ministro, Manuel, Micho, Dani e Alex no medio e Manolo na punta do ataque. Na segunda metade participaron Luis, Roberto (que afortunadamente xa o temos co equipo plenamente recuperado da súa operación de oído), Fran e José de Trebolo en sustitución de Micho, Alex, Javi Ministro e Manolo respectivamente.

A primeira metade foi un auténcico "correcalles", os ataques impuxeronse claramente ás defensas e os goles sucederonse en ambas porterías. O Santiso foi o que golpeu primeiro, logo de que Manolo asistise a Dani para anotar o gol inaugural do encontro cando apenas se disputaran cinco minutos de xogo. Lamentablemente, os locais conseguiron empatar pouco despois e o partido case que comezaba de novo. Inesperadamente, logo do saque dende o centro do campo, Dani lanzou o esférico cara á área local, o intento de despexe do defensa do Ortoño convertiuse no 1-2 para os visitantes. Tras uns minutos de tanteo no que os locais acusaron algo o golpe, o Santiso puido incrementar a ventaxa con sendos remates de Alex e Manuel, este último facendo unha gran xogada roubandolle a pelota ó rival cando éste a protexía para que se fose por liña de fondo. Pero o partido inda non tiña dono, xa que nunha boa xogada de ataque, o Ortoño conseguía de novo a igualada no marcador. Logo dunha boa parada de Charli ó tiro dunha falta, o terceiro para o Santiso chegaría antes do tempo de lecer; un magnífico remate de Manuel foi despexado en falso polo gardamallas local, Manolo atento ó rexeite, facía ó 2-3 no marcador co que se chegaría ó merecido descanso.

Na reanudación tocou sufrir, e moito, o Ortoño encerrou ó Santiso na busca do empate con continuos balóns ás espaldas da defensa, a retagarda dos visitantes respondeu espléndida evitando case que tódalas ofensivas locais. Sin embargo, a balón parado tamén se viu ameazada a zaga do Santiso, unha das máis claras, foi un testarazo ó longueiro logo dun saque de esquina. Pero a xogada que puido marcar o partido foi a que ó árbitro sinalou como penalti por unhas supostas máns de Luis na área, afortunadamente, o dianteiro do Ortoño estrelou o balón na mesma cruzeta da portería de Charli e é que como ben dixo Manolo "o noso Casillas impón moito na portería". Na recta final do encontro, cos locais buscando o empate, chegaron máis ocos para o Santiso e poder trenzar algunha contra; avisou primeiro José de Trebolo que logo dun bo regate ó defensa non puido batir ó porteiro local e casi que co partido rematado, Roberto inventouse un remate á mismísima escadra para conseguir un auténtico golazo e que os tres puntos viñesen para á casa.

Victoria moi meritoria do Santiso que cerrou un moi bó mes de febreiro con tres victorias e tan só unha derrota. Comezamos marzo cun óso duro de roer, o Tordoia visita o Novo Zahorra o próximo domingo ás 4.30 da tarde.

Un saúdo e forza Santiso!!

Goleada!

O Santiso acadou por fin unha victoria cómoda nesta tempada, foi por cinco goles a cero fronte ó Xa Chegou no Novo Zahorra. Inda que tampouco foi o mellor dos encontros feitos polo equipo, sí se tivo o acerto de cara á portería rival que outras veces faltou.

Polo Santiso actuaron Iván na portería, que celebrou 17 primaveras coa titularidade, Javi Liñares, Tono, José e Kike en defensa, Javi Ministro, Manuel, Dani, Fran e Alex no medio, con Manolo arriba no ataque. Na segunda metade, participaron Isma, Charli e Micho que volveu ós terreos de xogo tras o golpe recibido contra o Rial. Os sustituidos foron Kike, Manolo e Javi Ministro.

O partido iniciouse con algún que outro ataque do Xa Chegou que Iván frenou fantásticamente, pero pronto os locais comezaron a ameazar a portería contraria. O primeiro gol chegou de penalti, o porteiro visitante cometeu falta a Manolo cando este se dispoñía a anotar o primeiro. Alex foi o encargado de inaugurar o marcador cun remate axustado ó poste. Pouco despois, os locais conseguían ampliar o resultado, de novo Alex cun tiro escorado, marcaba o 2-0. A partir de ahí, o Xa Chegou baixou os brazos e o Santiso aprobeitou para sentenciar claramente o partido, primeiro Javi Ministro e despois Manolo, deixaban o claro resultado de catro a cero para a U.D. Incluso puido chegar algún gol máis nesta primeira parte por mediación de Fran e Manolo, este último cun remate ó poste.

Na reanudación, o Santiso contaxiouse un pouco do xogo do rival e non disfrutou de tantas ocasións de gol, sobre todo contabilizou moitos saques de esquina e faltas cerca da área. Nunha delas, Javi Liñares estrelou o esférico ó poste e case ó final do choque, José conseguiu batir ó gardamallas visitante cun certeiro remate de cabeza tras outra falta. Iván pasou case inadvertido neste segundo acto.

Victoria clara e contundente do equipo que consegue así a sexta de forma consecutiva no Novo Zahorra. O próximo rival será o Ortoño a domicilio, intentaremos devolverlle o resultado que nos endosou na ida.

Un saúdo e forza Santiso!!

Esforzo sin premio

O Santiso colleitou unha nova derrota a domicilio pero desta volta a imaxe ofrecida polo equipo foi moi meritoria, a mala sorte en momentos puntuais e a actuación arbitral impediron que cando menos se arrancase un punto da visita a Camporrapado. Finalmente os locais acabaríanse levando o choque por dous goles a cero.

Polos visitantes xogaron, Charli na portería, Isma, Tono, José e Kike en defensa, Javi Ministro, Manuel, Luis, Dani e Alex no medio do campo e Fran arriba ante a ausencia por acumulación de cartón amarelos do noso pichichi Manolo. No segundo tempo Iván sustitueu a Charli.

O partido disputouse no remodelado terreo do Camporrapado, sen dúbida, o mellor da categoría, campo grande de herba natural magnífico para a práctica do fútbol. O Santiso saiu con moita moral tras o bo traballo realizado no encontro anterior e a primeira metade foi claramente para o equipo. As ocasións na área local sucederonse con remates de Kike nunha falta, Dani nun remate de cabeza e sobre todo con dúas chegadas de Fran; o do Padrón volveu tola a defensa do Camporrapado e sufreu cando menos un penalti claro e outro dubidoso. Ningunha xogada foi sinalada como pena máxima polo trencilla; que incluso sinalou falta do propio Fran cando non tiña previsto pitar nada e veu que Alex anotaba para o Santiso. Os locais apenas chegaron neste primeiro acto.

Tras o descanso, o Camporrapado apretou máis e atopouse con un gol nun corner ó pouco da reanudación. Co resultado en contra, os visitantes intentaron botarse máis arriba pero con menos claridade que na primeira metade debido en parte o baixón físico polas grandes dimensións do terreo de xogo. O encontro complicaríase inda máis cando nunha contra os locais anotaban o segundo nun probable fóra de xogo. O Santiso sin embargo non se rendiu e puido anotar cando menos o gol da honra pero un defensa local sacou coa cabeza un bo remate de Luis. De ahí ata o final partido moi embarullado sin moitas máis ocasións.

Boa imaxe en definitiva a que deixou o equipo pero que non foi suficiente para puntuar. O próximo domingo volve o fútbol ó Novo Zahorra a partir das 16.15, rende visita o Xa Chegou.

Un saúdo e forza Santiso!!

Gran triunfo

O Santiso acadou este pasado domingo unha meritoria e merecida victoria fronte ó Agrón no Novo Zahorra; un rival que ata fai dúas xornadas era o líder da categoría. O marcador final foi de un gol a cero, o que supón o quinto triunfo consecutivo na casa.

Os locais formaron con Charli na porta, Isma, Tono, José e Kike en defensa, Javi Ministro, Manuel, Luis, Dani e Alex no medio do campo e Manolo arriba. No segundo tempo entraron Javi Liñares por Isma e Javi Ourense por Manolo.

A U.D. xogou dende o principio sen complexos ante un rival en teoría superior, con moito rigor defensivo e sen renunciar ó ataque. Na primeira metade veuse a mellor versión do equipo, o gol puido chegar primeiro por mediación de Alex cun remate que desbaratou o gardamallas visitante. Posteriormente Manolo internouse na área e rematou ó poste, o rexeite foi aprobeitado por Javi Ministro para remachar á rede o esférico. O de Pezobre consigue así o segundo gol consecutivo no Novo Zahorra.

No segundo acto o Agrón intentouno pero sen apenas crear perigo, dedicouse a colgar balóns á área local sen éxito, debido en parte á gran actuación en tareas defensivas do Santiso.

En definitiva, partido moi completo do equipo que debe dar moita moral para intentar seguir con esta liña de xogo. O próximo rival será o Camporrapado a domicilio, equipo que tamén está na zona de arriba, a ver se repetimos imaxe.

Un saúdo e forza Santiso!!

Partido para esquecer

A pesar de que as porterías eran "pequenas" o Santiso non puido evitar a derrota clara na visita a Trazo. Catro goles a cero para os locais que se mostraron claramente superiores.

Pola U.D. xogaron Charli en portería, Javi Liñares, Tono, José e Isma na defensa, José de Trebolo, Kike, Javi Ministro, Alex e Fran no centro do campo con Manolo arriba. Na segunda metade, Javi Ourense entrou por Javi Liñares.

Non foi sen dúbida o día para os visitantes, só a grandísima actuación de Charli axudou a que ó descanso se chegara co marcador de 1-0. E é que o noso gardameta sacou ata catro man a man no primeiro acto. Na area local só foi destacable un posible penalti sufrido por Manolo.

Tras o tempo de lecer, as cousas non variaron desgraciadamente para os intereses do Santiso e pronto recibeu o segundo gol, algo que afectou en exceso á moral do equipo e que supuxo que caeran outros dous tantos máis antes do remate do choque, aínda así, Charli de novo tivo unha actuación destacada.

Ás veces saen partidos así, o positivo é que este domingo temos a oportunidade de resarcirnos, visita o Novo Zahorra o Agrón, un dos equipos de arriba.

Por certo, para ós que non conozcades ós da foto, son Alex que está medindo a portería e Isma que xa debía notar que o partido non ía ser moi plácido...

Un saúdo e forza Santiso!!