lunes, noviembre 25, 2013

Dozón 2 - Santiso 5

Victoria contundente a que acadou o Santiso na súa visita a Dozón, un campo no que sempre é difícil xogar polo seu estado e no que as condicións metereolóxicas non soen axudar. O equipo mostrouse moi superior ós locais e revisando as ocasións de gol incluso o marcador puido ser todavía máis claro para os visitantes.
 
Polo Santiso formaron de inicio os seguintes futbolistas; Iván Mourazos na portería, Bruno, Dani, José e Agustín (que volvía deste xeito ó equipo) en defensa, Javi, Luis, Nacho, David e Alex no medio con Manolo na punta de ataque. No segundo tempo participaron Fer, Boimorto, Iván, Carlos e Rober e sustitución de Luis, Javi, Agus, David e Manolo respectivamente.
 
O partido arrancou cun dominio claro por parte visitante e as ocasións comezaron a chegar; o equipo anotou o primeiro gol logo dunha gran acción combinativa na que Nacho asisteu a Alex para que o de Mourazos cedera a Manolo en boca de gol e o de Vilar inaugurase o marcador. Os seguintes minutos continuaron con dominio do Santiso pero sin embargo, neste primeiro acto, o marcador non sufría máis variacións. Nacho e Luis, ambos cuns remates loxanos e Manolo cun testarazo logo dun dos innumerables saques de esquina dos que dispuxo o equipo tiveron as oportunidades máis claras de ampliar o resultado. Os locais disfrutaron dun par de ocasións ailladas en toda a primeira metade.
 
Tras o descanso, os visitantes sairon coa intención de finiquitar o encontro e neste segundo acto, o equipo tivo máis efectividade fronte a porta contraria. Nacho anotou o segundo nunha xogada embarullada pouco despois de que David rematase ó longueiro un gran disparo e Alex tras un roubo de balón no medio do campo facía o terceiro para deixar casi sentenciado o partido. Sin embargo, logo dun erro defensivo dos visitantes, o Dozón conseguía reducir diferencias no marcador e poñer así, algo de inquedanza na parroquia santisense. Pero minutos despois, Carlos encargabase de deixar claro o desenlace do choque marcando o cuarto gol pouco despois de que Fer dispuxera dunha gran ocasión disparando de novo ó longueiro un remate lonxano. Boimorto conseguiu o quinto minutos despois para deixar cerrado definitivamente o partido. O segundo gol dos locais cando o encontro finalizaba foi xa unha mera anécdota.
 
Volve así o equipo á senda do triunfo logo de dúas derrotas consecutivas, agardemos seguir nesta liña de resultados. O vindeiro choque en liga non será ata o 15 de decembro a domicilio fronte ó Rodeiro xa que o próximo fin de semana o equipo tócalle descansar (finalmente a liga conta con 11 equipos tras a baixa do Val do Ulla e cada xornada hai un equipo que non xoga). Pero o Santiso sí xogará dentro de dúas semanas partido da Copa do Sar, será a domicilio tamén e a partido único fronte ó Dodro, un rival que compite en segunda rexional. Iremos informando.
 
Un saúdo e forza Santiso!!

5 comentarios:

  1. Este comentario ha sido eliminado por el autor.

    ResponderEliminar
  2. Moi beeen fedelliño!! Jajaja! Moi ben redactado, coma sempre. Ánimo e a seguir así!

    ResponderEliminar
  3. Hola Dani:

    Soy Héctor. Muchas felicidades por la victoria. Veo que este año habéis empezado bastante bien (exceptuando las dos derrotas anteriores). Espero que sigáis así de bien y que disfrutéis (que imagino que esa es la idea y el objetivo primordial,jajaja).

    Bueno, que sepas que también te seguimos desde tierras catalanas. Es un placer leer las crónicas, están muy bien escritas y además aprendo gallego.

    Veña, unha aperta

    ResponderEliminar
  4. moi boa crónica Danieliñoo...jej.bon partido en xeral anke weno non se daba xogado polas características do campo xa que estaba en cachos de herba e área e weno "daba as augas pa un lado"jej 1 SAUDOOO E FORZAAA SANTISOOOO!!! Rober

    ResponderEliminar
  5. Graciñas polos comentarios rapaces!!
    Agus, espero que o teu regreso non quede sólo nos terreos de xogo e tamén por aquí botes unha man! jeje.
    Hector, moitas gracias polas felicitacións! jeje. Alegrome de que che gusten as crónicas, esperemos que poida seguir escribindo victorias e se che sirve de algo pois inda mellor!! jeje. Espero que che vaia moi ben por alá. Unha aperta!!
    Rober, esqueceraseme o tema das augas!! jeje. A verdade é que era algo para comentar na crónica!! jeje. Moitas gracias polo comentario! Saúdos.

    ResponderEliminar