U.D. SANTISO

Partido para esquecer

2012-01-26T21:20:00.003+01:00

A pesar de que as porterías eran "pequenas" o Santiso non puido evitar a derrota clara na visita a Trazo. Catro goles a cero para os locais que se mostraron claramente superiores.

Pola U.D. xogaron Charli en portería, Javi Liñares, Tono, José e Isma na defensa, José de Trebolo, Kike, Javi Ministro, Alex e Fran no centro do campo con Manolo arriba. Na segunda metade, Javi Ourense entrou por Javi Liñares.

Non foi sen dúbida o día para os visitantes, só a grandísima actuación de Charli axudou a que ó descanso se chegara co marcador de 1-0. E é que o noso gardameta sacou ata catro man a man no primeiro acto. Na area local só foi destacable un posible penalti sufrido por Manolo.

Tras o tempo de lecer, as cousas non variaron desgraciadamente para os intereses do Santiso e pronto recibeu o segundo gol, algo que afectou en exceso á moral do equipo e que supuxo que caeran outros dous tantos máis antes do remate do choque, aínda así, Charli de novo tivo unha actuación destacada.

Ás veces saen partidos así, o positivo é que este domingo temos a oportunidade de resarcirnos, visita o Novo Zahorra o Agrón, un dos equipos de arriba.

Por certo, para ós que non conozcades ós da foto, son Alex que está medindo a portería e Isma que xa debía notar que o partido non ía ser moi plácido...

Un saúdo e forza Santiso!!

Segunda victoria do ano

2012-01-19T19:58:00.002+01:00

Nunha tarde invernal con moito frío, o Santiso conseguiu os primeiros tres puntos da segunda volta. Triunfo por dous goles a un fronte ó Prevediños que vendeu cara a derrota pero que finalmente tivo que claudicar frontre ós locais que mereceron vencer claramente.

Os protagonistas por parte da U.D. foron Charli na porta, Isma, Tono, José e Kike en defensa, Javi Ministro, Manuel, Luis, Fran e Alex no medio, con Manolo arriba. Na segunda metade entraron Javi Liñares, Dani, Javi Ourense e José Trebolo por Luis, Isma, Fran e Alex respectivamente.

O Santiso saiu moi enchufado dende o principio e cerrou atrás a un Prevediños que non podía sair ó ataque. Javi Ministro tivo a gran ocasión de anotar con un remate ó poste da portería visitante, pero o primeiro gol chegaba co oportunismo dun auténtico "killer" da área; Manolo inauguraba o marcador tras aprobeitar un rexeite do gardamallas do Prevediños despois dunha falta moi ben executada por Kike. Minutos despois Charli tivo que empregarse a fondo logo dunha falta que de non ser polo "noso piloto" se convertiría no empate.

Tras o descanso, o partido igualouse un pouco e o Prevediños comezou a acercarse máis á area local. Nunha falta lonxana chegaría a igualada no marcador logo de que os visitantes aprobeitaran un rexeite de Charli; tocaba empezar de novo. Co partido encarando a recta final, Manuel ofreceulle a Javi Ministro un excelente balón que o de Pezobre cruzou expléndido á rede, facendo inutil a estirada do porteiro visitante e poñendo á U.D. de novo por diante no marcador. Así se chegaría ó final co equipo dedicando a victoria a unha afición que a pesar das baixas temperaturas acompañou unha vez máis ó Santiso no Novo Zahorra.

O próximo domingo visitamos ó Trazo, primeiro partido fóra deste 2012, porque non seguir coa racha...

Un saúdo e forza Santiso!!

Animo Micho!!

2012-01-10T20:52:00.003+01:00

Non sin esforzo, o Santiso acadou os primeiros tres puntiños deste 2012. Foi pola minima ante o Rial por un gol a cero. Quizais as ganas de agradar ó público despois de tres domingos sin disputar encontros foron as culpables de que non se desenvolvera un gran xogo; inda así, os locais fixeron máis méritos para estrear o casilleiro neste novo ano.

Pola U.D. xogaron Charli en portería, Javi Liñares, Manuel, José e Isma en defensa, Javi Ourense, Micho, Luis, Alex e Fran no medio do campo, con Manolo na punta de ataque. Participaron tamén no choque Javi Ministro, Ivan, Dani e Tono que entraron no terreo de xogo por Micho, Charli, Javi Ourense e Ismael respectivamente.

Todo o encontro foi eclipsado sen dúbida pola acción que obrigou a Micho a abandoar o partido mediada a primeira metade; un balón dividido foi pelexado polo de Piñor coa cabeza e por un rival co pé, con tan mala sorte que Micho recibeu un forte golpe na fronte e no nariz. Finalmente recibeu entre 12 e 15 puntos de sutura na fronte e tamén ten unha fisura no nariz; sen embargo, pensa volver pronto e toda a parroquia do Santiso esperao cos brazos abertos.

No meramente deportivo, os locais conseguiron o único gol do partido na segunda parte gracias a unha pena máxima anotada por Alex logo de que un defensa visitante golpeara o esférico coa man. Algún que outro sufrimento no tramo final do partido para a defensa local pero o partido remataría cos puntos na casa.

O próximo partido volve ser no Novo Zahorra o domingo ás 4 da tarde fronte ó Prevediños, comezamos a segunda volta.

Un saúdo e de novo Animo Micho!!

Polo Chan!

2012-01-03T20:13:00.005+01:00

Aprobeitando o parón de Nadal e á espera do primeiro encontro do ano 2012 fronte ó Rial o próximo domingo no Novo Zahorra, aquí vos deixo un enlace coa meritoria participación do Concello de Santiso no programa da galega "Polo Chan" na que varios mozos e mozas de Santiso participaron (algúns dos xogadores da U.D. incluidos). Se tedes un momento botádelle unha ollada, merece a pena, xa veredes...

http://85.91.64.21/reproductor/inicio.asp?canal=tele&hora=10:04:26&fecha=12/11/2011&arquivo=1&programa=POLO+CHAN&id_programa=921&corte=&mp4=0&medio=

Un Saúdo para "Galicia Ras" e Forza Santiso!!

Castigo excesivo

2011-12-15T20:10:00.002+01:00

Desta volta o horario nocturno non trouxo boa sorte ó equipo. Derrota ante un dos equipos que debe estar arriba na clasificación ó final da liga. Ben é certo que se facemos unha análise completa do partido o Deixebre mereceu a victoria, pero o 4-1 final antoxase duro para o Santiso.

Polos visitantes xogaron Ivan na portería, Javi Liñares, Manuel, José e Isma en defensa, Jose do Padrón, Micho, Javi Ministro, Alex e Fran no centro do campo, con Manolo na punta de ataque. No segundo acto participaron Luis e Dani que entraron por Javi Ministro e Manuel.

O Santiso aguantou ben á primeira metade o empuxe dos locais que só tiveron algunha ocasión cerca do descanso pero que Iván desbaratou con boas paradas. Pola outra portería existiron menos ocasións, tan só duas faltas rematadas por Javi Liñares e Alex.

No segundo tempo, o Santiso saíu algo durmido e costoulle dous goles en apenas cinco minutos. Sen embargo, lonxe de amedrentarse, o equipo tirou de casta e reduciu distancias logo dun esférico que pelexou Manolo e que Fran se encargou de remachar a gol. Co marcador máis apretado, parecía que Santiso ía ter algunha opción de puntuar pero nese intre chegou a xogada máis polémica do encontro; o dianteiro local caeu lesionado nun choque e debido ós berros do xogador do Deixebre, o Santiso quedou parado interesandose polo rival; algo que aprobeitaron os locais para anotar o 3-1. Tras isto, o partido quentouse bastante e pouco xogo se viu, os visitantes puideron acortar distancias cun remate de José ó pau pero sería o Deixebre o que lograría marcar o cuarto nunha contra.

O próximo partido será xa no ano 2012 fronte ó Rial no Novo Zahorra. Collemos unhas pequenas vacacións (cena incluida o próximo día 23 de Decembro).

Felices Festas e Forza Santiso!!

Así si!

2011-12-05T20:46:00.004+01:00

Tocou desta volta dar a de cal e realizar un meritorio encontro; victoria por dous goles a cero fronte a un Villestro B que se viu desbordado en todo momento por un gran Santiso.

Por parte dos locais actuaron Charli na portería, Javi Liñares, Manuel, José e Isma en defensa, Jose do Padrón, Micho, Kike, Alex e Fran no centro do campo e Manolo arriba. Posteriormente, entraron Javi Ourense, Dani e José de Trebolo por Jose do Padrón, Manuel e Alex respectivamente.

Foi sen dúbida ó mellor dos partidos que se levan disputados nesta liga, continuas chegadas á area visitante e sen apenas apuros en defensa. Sin embargo, costou adiantarse no marcador, as ocasións máis claras tivoas primeiro Alex e despois Manolo pero ningunha entrou. Si o faría unha moi boa xogada que iniciou Kike, deixou pasar Manolo e finiquitou Alex cun remate que se combertiría no un a cero. O de Mourazos adicoulle o gol ó noso compañeiro Roberto que se atopaba na grada. Así, se chegou ó tempo de lecer.

Na reanudación, o equipo buscou cerrar o partido e contou con incluso máis ocasións que na primeira parte. Fran rematou ó poste tras un saque de esquina pero o pequeno gran xogador do Santiso non ía quedar sin anotar desta volta, nunha xogada posterior, unha boa asistencia de Manolo convertiase no dous a cero tras o bo remate do futbolista do Padrón. Co resultado máis amplio para os locais, o Villestro botouse máis arriba e o Santiso tivo ainda máis ocasións que de non ser polo gardamallas visitante o resultado sería inda máis abultado; Micho, Kike e Javi de Ourense viron como o porteiro do Villestro lles sacaba os seus remates. Incluso Manolo tivo a súa ocasión con un balón que realmente entrou pero que o árbitro non dou como gol.

Bo partido en definitiva o disputado polo Santiso, non sabemos se foron os aires nocturnos pero o certo é que a outra vez que se xogara de noite ganaramos por 6 a 1 ó Berres, así que parece que non se nos dá nada mal.

O próximo partido será a domicilio fronte ó Deixebre, que está loitar polos postos nobres da clasificación. Será o último choque deste 2011, agardemos rematalo ó grande.

Un saúdo e forza Santiso!!

Dormidos

2011-11-28T19:50:00.002+01:00

Algo facía presaxiar o que ía suceder cando chegamos a Lestedo e nos demos conta de que alí non era o encontro; desfacer o camiño andado e aterrizar no Forte a tan só 10 minutos antes do inicio do choque. Sen apenas facer exercicios de quencemento o Santiso iniciaba un partido que tirou na primeira metade e que cando quixo reaccionar xa era demasiado tarde. Finalmente 3 a 1 para os da casa que se aprobeitaron da falla de concentración na retagarda visitante.

O Santiso formou con Charli na porteria, Isma, Dani, José e Kike en defensa, Javi Ministro, Micho, Manuel, Alex e Fran no medio do campo, con Manolo arriba. Na segunda metade entraron Jose, Iván, Javi Liñares e José de Trebolo sustituíndo a Javi Ministro, Charli, Dani e Alex.

Os tres goles locais chegaron da mesma maneira, balóns en longo á espalda da defensa, galopada pola banda e gol do Lestedo. Cun doloroso 3 a 0 chegabase ó descanso.

No segundo acto, o Lestedo acusou o esforzo da primeira medate e o Santiso comezou a tocar a pelota con un protagonista principal; Fran ofreceuse por todo o campo para sair coa pelota xogada cara á area rival. Nunha desas xogadas, agasallou a Manolo cun gran balón que o de Vilar non desperdiciou. Houbo algún achegamento máis pero estaba claro que o partido xa era dos locais.

Toca aprender dos erros e pensar xa no proximo rival, o Villestro B, que visitará o Novo Zahorra o próximo domingo ás 6 da tarde.

Por último mandar dende aquí unha forte aperta de parte de toda a parroquia do Santiso a Roberto que se está a recuperar dunha operación de oído. Moito Animo!!

Un saúdo e forza Santiso!!

Por fin!!

2011-11-22T19:46:00.002+01:00

Rachouse a mala xeira de resultados para o Santiso, facía falta xa un triunfo, e o equipo conseguiuno fronte o Resmón no Novo Zahorra por un gol a cero. Primeira vez que non se encaixa ningún gol na presente campaña, queda demostrado que é algo moi importante para conseguir victorias.

Polo Santiso actuaron Charli na porta, Isma, Manuel, José e Kike en defensa, Javi Ministro, Micho, Luis e Alex no medio do campo, Fran de enganche e Manolo na punta de ataque. Posteriormente entraron Roberto, Javi Liñares, Javi Ourense, Jose do Padrón e José de Trebolo por Alex, Isma, Micho, Javi Ministro e Luis respectivamente; éste último foise mancado, agardemos unha pronta recuperación.

Foi un encontro moi serio por parte do Santiso que logrou a victoria gracias a un golazo de falta directa de Kike, que xa leva tres tantos na presente campaña. Polo que me comentaron foi un moi bo partido do equipo en xeral e sobre todo en defensa.

O próximo domingo visitamos ó Lestedo, esperemos que con esta victoria collamos moral para seguir colleitando puntos.

Por certo, agradecer a Alex a información aportada nos dous últimos partidos para poder facer cando menos unha pequena referencia no blog do equipo.

Un saúdo e forza Santiso!!

Sin reacción

2011-11-17T19:46:00.002+01:00

Pois desgraciadamente, así é, o Santiso volveu caer, esta vez fronte ó Ames a domicilio. Foi por dous goles a cero e a racha negativa seguese acumulando.

Polos visitantes actuaron Ivan en porta, Isma, Manuel, José e Javi Ministro en defensa, Roberto, Micho, Kike, Luis e Alex no medio e Manolo arriba. Na segunda metade participaron Charli, Jose do Padrón e José de Trebolo que entraron no lugar de Roberto, Alex e Isma.

Non queda outra que intentar levantarse, os malos resultados teñen que rematar pronto. O próximo domingo rende visita ó Novo Zahorra o cuarto clasificado, o Resmón; agardemos que chegue por fin unha victoria que elimine a nefasta xeira de partidos perdidos.

Un saúdo e forza Santiso!!

Caída libre

2011-11-10T19:40:00.002+01:00

Racha malísima a que leva o Santiso, o pasado domingo colleitou un novo partido perdido, foi ante o Touro no Novo Zahorra por cero goles a dous.

Os locais formaron con Charli na portería, Isma, Tono, Manuel e Javi Ministro en defensa, Javi Ourense, Micho, Luis, Alex e Roberto no medio do campo e Manolo en ataque. Tamén xogaron Dani, Fran, José de Trebolo e Javi Liñares que entraron no terreo de xogo por Tono, Javi Ourense, Roberto e Isma. Os trocos de Tono e Roberto foron por lesión, agardemos que poidan disputar o próximo choque.

Non foi o mellor dos partidos que se leva visto no Novo Zahorra, partido moi trabado con poucas ocasións de gol, semellaba que como no partido fronte ó Camporrapado, o que anotase antes se levaría o gato á auga. O Santiso tivo as ocasións máis claras por medio de Alex, nun balón cruzado a pase de Manolo e tamén nunha falta ó borde da área. Pero pasou o que últimamente lle acontece ó Santiso, adiantouse o rival e o nivel de desconfianza apoderouse do equipo que tan só un minuto despois encaixou o segundo. Non houbo reacción e os tres puntos fuxiron de novo do noso feudo lamentablemente.

O próximo partido será a domicilio fronte ó Ames, agardemos por fin o remate desta mala xeira de resultados.

Un saúdo e forza Santiso!!

Outubro Negro

2011-11-03T19:50:00.003+01:00

Finalizou por fin este mes de outubro tan negativo para os intereses do Santiso, e é que nada menos que 5 derrotas en outros tantos partidos acadou o equipo. A última dolorosa, por cinco goles a cero contra o Tordoia.

Polos visitantes xogaron, Charli na porta, Javi Ministro, Tono, Manuel e Kike en defensa, Roberto, Micho, Luis e Alex no medio, Fran na media punta e Manolo no ataque. Na segunda metade actuaron Iván, Javi Liñares, José, Javi Ourense e José de Trebolo no lugar de Charli, Roberto, Micho, Fran e Alex respectivamente.

Os locais foron claramente superiores xa na primeira parte á que se chegou con dous a cero, o mellor xogo do Santiso produciuse tras o descanso pero o terceiro gol local pesou moito na moral visisitante que posteriormente apallou outros dous goles máis.

Esperemos que este mes de novembro nos ofreza mellor xogo e resultados que o pasado. O vindeiro domingo, visita o Novo Zahorra o Touro. Vamos que toca gañar xa!!

Un saúdo e forza Santiso!!

Nova Derrota

2011-10-25T19:37:00.003+02:00

Tras un inicio brillante, o Santiso vaise apagando nesta tempada e sumou o cuarto partido perdido da liga. Foi ante o Ortoño por un gol a dous no Novo Zahorra.

Os protagonistas por parte local foron os seguintes; Charli na porta, Isma, Tono, Dani e Javi Ministro en defensa, Roberto, Manuel, Kike e Alex no medio do campo, Micho de media punta e Manolo na punta do ataque. No segundo acto xogaron Fran, Javi Ourense, José Trebolo e Javi Liñares que entraron en sustitución de Manuel, Roberto, Dani e Isma respectivamente.

O Santiso presentabase disposto a lavar a imaxe ofrecida o domingo anterior fronte o derradeiro clasificado. A pesar de non puntuar esta meta logrouse sobre todo na segunda metade. Os visitantes mostraronse bastante seguros atrás e coa clara estratexia de mandar balóns en longo ós atacantes, foron múltiples os fóras de xogo nos que caeron os dianteiros do Ortoño pero cando esta circunstancia non se daba, as ocasións eran moi claras e nunha delas conseguiron adiantarse no marcador. Os locais conseguiron o empate gracias a Manolo que convirteu un saque en longo de Charli nunha ocasión de gol, é unha mágoa que o excelente momento de forma do de Vilar non sexa aprobeitado polo equipo, leva xa 7 goles en 6 xornadas. Así se chegaría ó descanso.

Na segunda metade, o Santiso dispuxo de máis ocasións e quizais tamén de máis dominio, Alex tivo a oportunidade de adiantar ós verdiamarelos pero o esférico non quixo entrar. Minutos despois, os visitantes, nunha xogada calcada ó primeiro gol conseguían o definitivo resultado de 1-2. Alex de novo e Manolo despois puideron conseguir cando menos o empate pero os puntos fuxiron do Novo Zahorra.

O próximo partido será contra ó lider Tordoia en campo foráneo, ogallá demos a sorpresa.

Un saúdo e forza Santiso!!

Accidente

2011-10-18T19:50:00.002+02:00

Visitaba o Santiso ó pechacancelas da clasificación, O Xa Chegou; polo que se presaxiaba unha victoria cómoda. Nada máis lonxe da realidade, os locais lograron a súa primeira victoria da tempada por tres goles a un.

O once inicial do Santiso foi o composto por Charli na porta, Javi de Liñares, Tono, Manuel e Ismael en defensa, Jose do Padrón, Luis, Kike e Alex no medio, Fran na media punta e Manolo no ataque. Na segunda metade entraron Roberto por Jose do Padrón, Ivan (que pasou a portería e Charli ó ataque) por Javi Liñares, Javi Ourense por Luis e José de Trebolo por Alex.

Quizais con un exceso de confianza entraron os visitantes no partido, é inda máis, cando unha cantada escandalosa do porteiro local permitía a Manolo anotar o cero a un cando apenas se disputaran cinco minutos. A relaxación apoderouse do Santiso e os locais comezaron a ter oportunidades; nunha delas conseguiron o empate antes do descanso.

Tras o tempo de lecer, máis do mesmo, un Santiso que tiña algunha que outra ocasión pero as máis claras viñan polo lado santiagués en numerosas contras; así chegou o segundo e despois o terceiro. Non foi sen dúbida o mellor dos encontros por parte do Santiso, esperemos que poidamos aprender da derrota e volver á racha de triunfos que conseguimos non fai tanto tempo.

A primeira oportunidade de resarcirnos, este domingo no Novo Zahorra contra o Ortoño ás 4.30 da tarde. Hai que animarse equipo!!

Un saúdo e forza Santiso!!

Decepción

2011-10-13T21:09:00.003+02:00

Esa é a palabra que mellor resume o partido do pasado fin de semana. Ben é certo que o Camporrapado mellorou con respecto a pasadas campañas pero o ambiente auguraba unha victoria que nos colocaría na zona noble da clasificación. Non foi así, os visitantes levaron os tres puntos do Novo Zahorra tras vencer por cero goles a dous.

Os protagonistadas do encontro por parte do Santiso foron os seguintes; Ivan na portería, Isma, Tono, Dani e Javi Ministro na defensa, Roberto, Micho, Manuel e Alex no medio, Fran na media punta e Manolo arriba. Na segunda metade participaron Javi de Liñares, Charli (que o fixo de dianteiro), Javi de Ourense, Jose do Padrón e José de Trebolo que entraron por Micho, Roberto, Dani, Alex e Manuel respectivamente.

Foi un partido bastante parexo na primeira parte, ningún dos dous equipos acadou ocasións claras de gol, polo Santiso Manolo tivo a máis clara nun remate centrado que despeixou o gardamallas visitante.

Chegamos así a segunda parte e cada vez a sensación máis clara de que o primeiro que anotara un gol se levaría o partido. Mediado o segundo acto, Dani non foi quen de despexar un balón no medio do campo o que permitiu o Camporrapado facerse co esférico e con ventaxa númerica ante a defensa local, conseguían batir a Iván. Neste intre, o Santiso empezou a xogar cunha defensa de tres buscando o empate pero os espacios atrás fixeronse máis grandes e nunha contra chegou o segundo.

Agradecer unha vez máis a afición a boa entrada no Novo Zahorra, lástima non poder agasallala con unha victoria. Agardemos conseguila o próximo domingo a domilicio contra O Xa Chegou, que a pesar de ir de pechacancelas non será fácil, o último partido perdeu cun marcador apretado fronte un dos importantes da liga polo que haberá que estar concentrados.

Un saúdo e forza Santiso!!

Primeira Derrota

2011-10-06T20:54:00.003+02:00

Desafortunadamente chegou o primeiro traspés para o Santiso nesta tempada. Derrota por 3 goles a 2 fronte ó Agrón, ó mellor equipo sin dúbida dos quese leva enfrontado a U.D. neste curso.

Moitísima calor a que agardaba a ambos equipos o pasado domingo, nun día máis ben de xullo ou agosto que de outubro. O esforzo físico do plantel foi incomiable e inda que os locais foron algo superiores, o Santiso estivo a piques de sacar algo positivo. A tarde xa non comezaba con bo pé, xa que na autovía que une o aeroporto con Santiago o autocar que trasladaba o equipo sufría un rebentón nunha roda o que supuxo unha pequena perda de tempo e tamén un trasbordo ata outro autocar. Os amigos de tráfico tamén estiveron con nós pouco despois do percance.

No meramente deportivo, o once inicial dos visitantes foi o composto por Ivan na portería, Ismael, Tono, Dani e Alex na defensa, Roberto, Micho, Kike e Fran no medio do campo, Javi de Ourense de enganche e arriba Manolo. Tamén actuaron Javi Ministro, Manuel, Javi de Liñares (última incorporación deste ano), Jose do Padrón e José de Trebolo por Ismael, Dani, Micho, Javi Ourense e Roberto respectivamente.

O Agrón saliu a por todas e comezou a atacar e presionar dende o primeiro minuto, conseguiu adiantarse nunha xogada pola banda dereita na que o Santiso non tirou ben o fóra de xogo. Pouco despois conseguíase a igualada por medio de Kike de remate de falta. Este gol veulle moi ben ós visitantes pois acalmou algo os ánimos dos locais. Con unha boa parada de Iván nun remate dende fóra da área chegouse ó descanso.

Na segunda parte, o partido seguiu polos mesmos derroteiros, un Agrón presionante e un Santiso defendendose como podía sen renunciar ó ataque. Tal foi así que nunha imprecisión entre a defensa e porteiro locais permitiu a Manolo facerse co balón e anotar o 1 a 2. O malo foi que inda restaba moito para o final do choque e o Santiso non puido aguantar o empuxe dos locais. A gran oportunidade para o equipo tivoa Roberto que puido conseguir o 1-3 pero o balón foise alto, na xogada seguinte o Agrón acadou o empate a 2. Foi un duro golpe para os visitantes que recibiron máis tarde o terceiro. Co partido perdido, o Santiso botouse arriba deixando descoidada a parte de atrás; nese intre, o partido púsose tolo e o gol puido chegar por ambos bandos, Ivan desbaratou algunha ocasión local moi clara e por parte do Santiso con sendas oportunidades de Fran e Manolo; a deste último, moi clara cun remate que petou no longueiro e botou na liña de gol pero o marcador xa non sufreu ningunha variación.

Derrota das que non deben doer xa que o equipo douno todo no terreo de xogo e a pesar de ser inferior ó rival plantouse cara en todo momento.

Próxima cita este domingo no Novo Zahorra contra o Camporrapado, un dos invictos da categoría, así que non será fácil. Agardemos que perdan o seu primeiro partido…

Un saúdo e forza Santiso!!

Estrea local victoriosa

2011-09-27T17:15:00.002+02:00

Segue a boa racha nesta nova campaña, 2 de 2, victoria por dous goles a un fronte o Trazo. O Santiso sitúase con 6 puntos en dúas xornadas tras un gran inicio de campionato.

Os locais mereceron a victoria ante un correoso Trazo que vendeu cara a derrota. Polo Santiso actuaron Charly como gardamallas, Ismael, Tono, Manuel e Alex en defensa, Roberto, Micho, Kike e Jose do Padrón no medio do campo, Fran na media punta e Manolo no ataque. Tras o descanso entraron Dani por Micho, Javi por Roberto, Luis por Manuel, Javi de Ourense por Fran e José deTrebolo por Jose do Padrón.

O partido inizouse con dominio alterno e ningún dos dous equipos parecía ter o control do choque. Serían os locais quen inaugurarían o marcador mediada a primeira parte, Manolo sorprendeu o gardameta visitante que estaba algo adiantado con un remate dende fóra da área. Tras o gol, os locais relaxaronse un pouco e o Trazo comezou a atacar; froito dunha boa combinación anotaron o empate antes do tempo de lecer.

Na reanudación, o Santiso saiu máis motivado e puido marcar en varias ocasións, sobre todo por parte de Kike que rematou ó poste un testarazo nun corner e tamén por parte de Manolo que dispuxo de dous man a man fronte o porteiro do Trazo que non soupo resolver. Sen embargo, o pichichi non podía quedar sen anotar o seu segundo tanto e conseguiríao logo dun pase de Tono; o esférico quedou perfecto para enganchar un gran remate coa perna dereita que facía o definitivo 2 a 1.

O Trazo buscou o empate nos minutos finais e puido conseguilo pero Charli estivo espléndido para desbaratar a oportunidade visitante. Tocou sufrir como soe ser habitual nos finais dos encontros do Santiso pero a victoria non se escapou do Novo Zahorra.

O próximo partido será lonxe de Santiso contra o Agrón, un rival complicado que ata fai dous anos militaba na segunda rexional.

Un saúdo e forza Santiso!!

Inicio con Victoria

2011-09-19T20:15:00.004+02:00

Unha nova andaina comezou para o Santiso o pasado domingo; será unha tempada chea de novidades en canto a xogadores, adestrador e rivais. Este ano o Santiso queda encadrado no grupo 8 da terceira rexional na zona de Santiago, polo que con respecto ó ano pasado só nos enfrentaremos a Camporrapado e ó Prevediños. Foi éste último o primeiro adversario co que tivo que loitar o Santiso na primeira xornada para conseguir os primeiros tres puntiños.

Ademáis do debut de algún que outro xogador tamén se estreou como adestrador Joserra, que xa axudou as pasadas campañas a Sandá na dirección da escuadra. O Santiso saltou ó céspede de herba artificial de Touro coa seguinte once; Iván en portería (aquí atopamos a primeira novidade do equipo, o rapaz de Mourazos alternará con Charli a porta do Santiso), Ismael (irmán de Bruno, que se incorpora a disciplina do clube), Tono, Manuel e Alex en defensa, Roberto, Micho, Kike, Jose do Padrón no medio do campo, Fran de media punta e no ataque Manolo.

Os visitantes tentaron dominar dende o inicio o choque e así o fixeron inda que sin grandes oportunidades de gol, a máis clara chegaba por parte local nun man a man que Ivan soupo resolver. Mediada a primeira parte, tras unha falta e un rexeite, o balón quedou nos pés de Manolo que con un certeiro remate co exterior inauguraba o marcador para o Santiso. Pouco duraba a ledicia na parroquia santisense pois tan só un minuto despois, o Prevediños conseguía o empate tras un barullo na área visitante. A pesar do duro golpe, o Santiso seguiuno intentando e antes do remate da primeira metade, Kike conseguía de novo adiantar á U.D. con un certeiro disparo dende fóra da área. Así se chegou ó descanso.

No segundo acto producironse os trocos de Luis por Micho, José por Manuel, Javi de Ourense (realmente é de Vilar do Monte pero traballa en Ourense e é tamén unha nova incorporación do Santiso) por Jose do Padrón, Javi Ministro por Roberto e José de Trebolo por Manolo. Nesta segunda parte, o Prevediños dominou máis o encontro ata que conseguiu de novo igualar o marcador mediada xa a segunda metade. O Santiso non se veu abaixo e cerca do final Manolo conseguía o gol da victoria tras batir por alto ó gardamallas local que se atopaba adiantado. Tocou sufrir un pouco ó final pero a victoria veu para Santiso.

O próximo choque será contra o Trazo no Novo Zahorra o próximo domingo, esperemos unha boa afluencia de público no primeiro partido da casa da tempada.

Un saúdo e forza Santiso!!

Santiso 5 - Camporrapado 2

2011-08-30T19:56:00.004+02:00

Faltan xa moi poucos días para que se inicie unha nova tempada e quedaba pendente a crónica do último partido da anterior. Foi un encontro dominado claramente polo Santiso que sirveu de despedida para un dos grandes xogadores do Santiso, Michel retirouse do equipo despois de 18 tempadas, algo sen dúbida digno de admiración.

A alineación foi a composta por Dani en porteria, Tono, Monchito, Manuel e Kike en defensa, Agustín, Micho, Luis e Alex xogaron no medio do campo e no ataque Michel e Manolo. Posteriormente, José, Javi, Roberto, Bruno e José de Trebolo entraron por Luis, Tono, Agustín, Alex e Michel. Os goles foron obra de Luis por partida doble, Manolo, Agustín e Manuel.

A mediados de setembro iniciase unha nova campaña con novas caras tanto no campo como no banco pero iremolas contanto en futuras crónicas.

Un saúdo e forza Santiso!!

Que sí, que somos CAMPIÓNS!!

2011-06-15T19:47:00.003+02:00

O Santiso acadou o pasado domingo día 12 de Xuño de 2011, escribir unha das páxinas máis gloriosas da súa historia, cun triunfo que o coronou como campión da Copa do Deza. Vai ser sin dúbida unha data recordada para xogadores, técnicos e a afición por moito tempo.

Todo se iniciaba o pasado 22 de Maio, día das eleccións municipais,o Santiso competía por un posto na final da Copa do Deza contra o Gresande en terras lalinenses. A falta de participación deste ano na copa con tan só 4 equipos, facía que o que conseguise pasar a eliminatoria estaría na gran final do Manuel Anxo Cortizo de Lalín. A ida remataba con un bo resultado para os visitantes; igualada a un tanto, polo Santiso anotou Manolo cun certeiro remate de cabeza a pase de Alex.

No fin de semana seguinte, o Gresande visitou Santiso coa intención clara delevarse o partido e o pase á final. Os visitantes dispuxeron de algunha que outra ocasión para adiantarse pero os locais aguantaron o empuxe nun partido marcado pola forte tormenta que acompañou ós xogadores durante case que todo o encontro. O empate sen goles servialle o Santiso para chegar a final pero os verdiamarelos conseguiron a victoria con un gol de José. Xa só quedaba un pasiño...

E chegou o día, a gran final, o Manuel Anxo Cortizo de Lalín agardaba ó Santiso e ó Deza para decidir quen se levaba o título da Copa do Deza. Ambiente espectacular, unha vez máis a aficion do Santiso de 10, ganou dende o principio o partido da grada por goleada, maior presencia e maior apoio; algo que sin dúbida axudou á victoria final. Como se dun partido de Champións se tratase, trío arbitral e xogadores saudaronse inicialmente e despois o esférico comezou a rodar.

Terreo de xogo ideal para a práctica do fútbol, herva natural e campo grande, moi grande, tanto ó ancho como ó largo. A alinealión do Santiso foi a composta por Charli en portería, Tono, Kike, Dani e José en defensa, no medio do campo, Agustín, Manuel, Monchito e Alex, con Luis de media punta axudando en tareas ofensivas a Manolo que unha vez máis liderou o ataque. O encontro comezou con un Santiso algo nervioso e o Deza dispuxo dunha falta que puido mover xa o marcador nos intres iniciais pero entre Charli e o pau, o balón non entrou. Pouco a pouco, conseguiuse tocar un pouco mellor apelota e o partido igualouse, sin embargo, o Santiso non colleitaba ocasións claras; éstas chegaban polo outro bando obrigando a Charli a volver a intervir nun mán a mán fronte ó dianteiro do Deza. Con cero a cero chegouse ó descanso e coas espadas por todo o alto.

O segundo tempo seguiu polos mesmos derroteiros, cun Santiso sen profundidade. Por parte do Deza un novo man a man que Charli, espléndido, conseguiu desbaratar. No inicio deste periodo, Micho entrou por Dani, quedando Manuel na posición de central e pouco despois mediado o segundo acto chegou o gol, o golazo que valía unha copa, Manolo anoutaba un deses tantos típicos seus aguantando a presión do defensa e cruzando o esférico sin que o porteiro do Deza puidese facer nada. Os rivais acusaron moito o golpe e non foron quen de armar ataques claros; o Santiso dedicouse nese intre a aguantar o marcador sen renunciar ó ataque, os trocos de Javi porAgus e Roberto por Alex axudaron a darlle máis frescura ó centro do campo logo que que ambos corresen moitisimo durante o partido. Luis e Micho puideron sentenciar neste tramo do choque con sendas ocasións pero habería que sufrir ata o final. José de Trebolo entrou por un Manuel lesionado casi no final do partido que se alongou con cinco interminables minutos de desconto. Pero finalmente si, remataba o partido e todos os xogadores se xuntaban no centro do campo cantando campións, campións!! O esforzo merecera a pena. Quedará imborrable a imaxe do gran capitán Tono levantado a copa e cando os xogadores mantearon ó mister Sandá.

O viaxe de volta para a casa podedes imaxinar como foi, con continuos canticos, ata que alguén lle dixo a Luis que fixera un simil con Pepe Reina cando este narrou os dorsais da Selección campiona do Mundo en Sudáfrica. O de Balocás non o dubidou dúas veces e velaquí tedes o resultado:

Gracias a afición unha vez máis por estar co equipo e persoalmente gracias ós meus compañeiros porque o domingo pasado foi un gran día que nunca esquecerei.

En futuras datas comentarase a victoria do equipo contra o Camporrapado na última xornada de liga pero esta victoria merecía unha entrada canto antes para sumarse á que subiu Tono da Voz de Galicia.

Un saúdo e nunca me cansarei FORZA SANTISOOO!!!!

Campións!!!

2011-06-14T09:55:00.002+02:00

Campións!!!!

Callobre 1- Santiso 0

2011-06-08T19:54:00.002+02:00

Quedan pendentes dúas xornadas de liga por comentar polo que tras as pertinentes desculpas pasamos a actulizar algo do que sucedeu xa fai un tempiño.

O Santiso colleitou unha derrota na súa última visita ligueira a campo foráneo, non foi un bo encontro dos visitantes que caeron pola mínima ante un Callobre que desta volta mereceu gañar o Santiso.

Polo Santiso xogaron, Charli en portería, Tono, Manuel, José e Kike en defensa, no centro do campo estiveron Agus, Luis, Micho, Monchito e Alex e na punta de ataque Manolo.

Os trocos da segunda metade de Jose de Trebolo, Roberto e Javi por Manuel, Luis e José non valeron para conseguir arrancar algún punto do campo do Callobre.

Esperemos non tardar tanto para comentar a victoria do equipo na última xornada de liga contra o Camporrapado.

Un saúdo e forza Santiso!!

Empate con sabor a derrota

2011-03-28T20:44:00.003+02:00

Partido decepcionante o disputado polo Santiso este pasado domingo no Novo Zahorra, non polo xogo xa que o equipo non fixo un mal encontro pero sí polo resultado final acadado. Igualada a un gol ante o Gresande, ese foi o resultado final.

No Santiso xogaron Charli na portería, Tono, Dani, José e Kike en defensa, Luis por diante, Agustín, Micho, Susín e Javi no medio do campo e Manolo arriba. No segundo tempo tamén xogaron Alex, Bruno, Roberto e José de Trebolo que entraron no campo por Luis, Micho, Susín e José respectivamente.

O primeiro tempo foi quizais mellor xogado polo Santiso con boas chegadas a porta rival e sen apuros en defensa, despois de varios intentos, Manolo rachou a súa particular seca goleadora con un testarazo a pase de Agustín dende a banda, gol que xa víramos na casa frente ó Callobre. Puido o Santiso ampliar o marcador nun remate de Javi que Luis impediu involuntariamente.

No segundo acto vimos unha película que soe pasar cando non se cerran os partidos, o Gresande sen facer nada do outro mundo conseguiu empatar nunha xogada moi protestada polos locais pois existeu unha máis que probable falta a Charli nun balón aereo que o árbitro non pitou e que permiteu o dianteiro visitante anotar o gol da igualada. A partir de aí un Santiso con máis corazón que cabeza intentou acadar o gol da victoria pero asumindo tamén riscos atrás; nesta fase os locais puideron anotar algún tanto pero tamén os visitantes que dispuxeron de dúas ocasións claras. Finalmente, case co tempo cumplido, o Santiso acadou a ocasión máis clara nun remate forzado de Roberto que incriblemente conseguiu parar o meta visitante.

Magoa de empate pero o fútbol ten estas cousas, agardemos mellor sorte para os dous encontros que restan para o remate da liga, o primeiro en Callobre dentro de dúas semanas, o próximo domingo dedicarase a que os equipos que teñen algún partido atrasado, disputen o seu encontro.

Un saúdo e forza Santiso!!

Berres feudo maldito

2011-03-22T20:26:00.002+01:00

Menos mal que o Berres conseguiu esta tempada o ascenso de categoría, xa que o Santiso ten un meigallo cando xoga en terras cercanas á Estrada. Desta vez caeu derrotado por 4 a 1 nun partido no que a U. D. chegou a ir gañando pero que o empuxe dos locais na segunda parte rematou por deixar os tres puntos na casa.

O Santiso xogou con Dani en porta, Tono, Manuel, José e Javi en defensa, Roberto, Micho, Agustín, Luis e Alex no medio e Manolo na punta de ataque. Na segunda metade José de Trebolo entrou por Luis.

Nunha maña primaveral visitaba o Santiso ó lider que non demostrou tal condición nos primeiros corenta e cinco minutos. Os visitantes controlaron perfectamente as acometidas do Berres e mesmo crearon algún apuro ós locais. Nunha desas xogadas, un defensa local tocou o esférico coa man dentro da área, sinalando o correspondente penalti o colexiado da contenda. Luis conseguiu o 0 a 1 nun certeiro remate. Cando o encontro chegaba ó descanso, un corner para os locais foi tocado pola defensa do Santiso e entraba na portería. Gol dos chamados sicoloxicos que impediron unha victoria foranea no tempo de lecer.

A segunda metade comezou máis activa por parte do Berres, comezou a ter oportunidades e nunha delas (precedida eso si dun máis que probable fóra de banda a prol do Santiso) logrou adiantarse no marcador. A partir de ahí o Santiso veuse abaixo e a pesar de que tivo algún achegamento o Berres conseguiu anotar outros dous goles máis que deixaron un duro marcador para os visitantes.

Próximo embite, o Gresande no Novo Zahorra, penúltimo choque na casa antes do fin desta campaña, así que animadevos a ver á U.D.

Un saúdo e forza Santiso!!

Fin do pequeno bache

2011-03-14T19:38:00.002+01:00

Rematou por fin a mala racha que tiña ó Santiso sin gañar nas catro ultimas xornadas. Victoria contundente por tres goles a cero fronte a un Prevediños que sin embargo vendeu cara a derrota.

Pola U.D. actuaron Charli en porta, Tono, Dani, José e Kike en defensa, Roberto, Manuel, Agustín e José de Trebolo no medio do campo e na punta de ataque Alex e Micho. No segundo tempo entraron Michel por Roberto e Luis por José de Trebolo.

As cousas comezaron ben a priori para o Santiso xa que tivo que enfrontarse a un rival que compareceu no Novo Zahorra con tan só 10 xogadores. Pero quizais froito da ansiedade os locais non atoparon a maneira de traspasar as redes do Prevediños no primeiro acto nin tampouco alcanzar un bo nivel de xogo. Salientable tan só un remate de José de Trebolo ó pau e un tiro lonxano de Agustín.

Na segunda metade cambiaron un pouco as cousas, Sandá decideu cambiar o sistema xogando con 3 atrás e 3 arriba. Desta maneira as ocasións comezaron a chegar por mediación de Agus, Micho, Dani e Manuel, e foi precisamente este último o que acadou o gol inicial nun remate dende fóra da área. O gol da tranquilidade chegou logo dun rexeite nun dos innumerables corners que sacou o Santiso na segunda metade, o autor do tanto Luis. Conseguiu repetir o de Balocás nun contragolpe ben levado polo Santiso no que Alex lle cedeu o balón para subir o terceiro ó marcador.

Victoria que debe dar moral para visitar ó lider Berres o próximo Sábado pola mañá, cambio de horario decidido polos pontevedreses.

Un saúdo e forza Santiso!!

Derrota sin paleativos

2011-03-10T20:10:00.003+01:00

O Santiso non foi quen de sacar nada positivo na sempre complicada visita a Tabeirós. Finalmente o encontro rematou con 3 goles a cero para os locais e inda que sexa un resultado un pouco abultado a verdade é que o Tabeirós mereceu vencer o partido.

No Santiso formaron Charli baixo os paus, Tono, Dani, José e Kike en defensa, Manuel por diante, Agustín, Micho, Monchito e Alex no medio do campo e Manolo na punta de ataque. Posteriormente na segunda metade entraron no partido Fran por Micho, Roberto por Manuel e José de Trebolo por Alex.

A primeira parte foi bastante meritoria para os visitantes, tiveron algún que outro apuro en defensa pero conseguiron aguantar coa portería a cero, en ataque Manolo dispuxo dunha gran ocasión nun remate de cabeza que o gardameta local desviou a corner.

O encontro na segunda metade non empezou mal de todo tampouco para os visitantes que dispuxeron dun par de saques de esquina consecutivos a favor. Pero o partido pechouse cando os locais anotaron o primeiro gol, xa que non houbo capacidade de resposta por parte da U.D. Peor se poñían as cousas cando tras unha falta directa o segundo subía o marcador. O terceiro gol, xa no desconto, firmaba un marcador demasiado cruel para un Santiso que inda que non mereceu gañar tampouco tanto castigo.

A próxima xornada visita o Novo Zahorra o Prevediños, equipo que a pesar de estar na zona baixa sempre lle dá problemas ó Santiso. Agardemos que desta vez o triunfo quede na casa que xa son horas!!

Un saúdo e forza Santiso!!

Punto escaso

2011-03-03T21:08:00.002+01:00

Volveu tropezar o Santiso na mesma pedra outra vez, non foi quen de vencer a un Bandeira que foi inferior no xogo pero contou coa actuación dun gardameta que non deixou entrar ningún gol a prol dos locais. Empate a cero goles para un Santiso que sin dúbida mereceu moito máis.

O equipo xogou con Charli en porta, Tono, Manuel, Dani e Kike en defensa, Luis por diante, Agustin, Micho, Monchito e Alex no medio con Manolo arriba. Tras o descanso entraron José por Luis, Bruno por Alex, Juan Alberto por Micho, Roberto por Dani e José de Trebolo por Agustín.

Na primeira metade non houbo demasiadas ocasións de gol pero as que existiron foron a favor do Santiso por medio de Monchito que rematou alto un lanzamento dende dentro da área e tamén por parte de Alex que non foi quen de batir ó gardaredes visitante.

No segundo tempo chegaron innumerables ocasións para os locais por mediación de Manolo, Alex, Agustín e Roberto pero inda que nalgún caso foi por partida doble o esférico este pasado domingo non quixo entrar. A máis clara foi sen dúbida un remate de cabeza de Agustín que desbaratou o porteiro do Bandeira cunha estirada prodixiosa. Resaltar o bo traballo feito en defensa polo equipo, xa que o Bandeira apenas dispuxo de oportunidades.

Rematado o ciclo do equipo co que menos lle gusta xogar ó noso gran capitán Tono, toca enfrentarse a outro que personalmente tampouco me chista moito, sobre todo pola gran viaxe. O domingo de Entroido toca visitar ó Tabeirós, a ver se o Santiso consegue arracar algo positivo do feudo dos segundos clasificados.

Un saúdo e forza Santiso!!

Meritorio empate

2011-02-24T20:30:00.002+01:00

O Santiso conseguiu arrancar un punto dun dos campos máis dificiles da categoría. Igualada a un tanto que deixou satisfeito ó equipo xa que inda que o marcador foi a favor durante alguns minutos, o Cruces dispuxo dalgunha boa ocasión para levarse o partido.

A U.D. formou con Charli en porta, Tono, Manuel, Dani e Kike en defensa, Luis por diante, Javi, Micho, Monchito e Alex no centro do campo e Manolo arriba. Na segunda metade entraron Bruno, Roberto, José de Trebolo e Fran por Alex, Manolo, Javi e Micho.

Sandá plantexou o equipo ca idea clara de dominar o centro do campo e asurar atrás, en liñas xerais conseguiuse o que o mister se propoñía. O Santiso foi quen de frear o ataque rápido do Cruces durante practicamente todo o choque. Mediada a segunda metade, unha falta ó borde da área foi aprobeitada por Luis para anotar o 0-1; a partir de ahí, o Cruces botouse inda máis arriba e froito deso chegou o empate nun moi probable fóra de xogo do atacante local. O partido puido poñerse peor, cando minutos despois, o Cruces tivo un remate ó longueiro. No último minuto do partido chegou a xogada máis polémica do encontro, ambos equipos quedaron descontentos despois dunha falta indirecta lanzada por Kike. O esférico entraba nas redes da portería local tras bater no meta polo que o gol debería ser válido, con case que todo o equipo do Santiso celebrando case que a victoria, o árbitro doulle o balón ós da casa que iniciaron un contragolpe que podía ser mortal para os visitantes, na metade da xogada o trencilla pitou o final do choque. Engadir que a arbitraxe en xeral foi bastante nefasta, con moitos cartóns para o Santiso que en moitos casos foron inxustificados.

Proximo encontro o domingo fronte o Bandeira, agardemos unha boa entrada no Novo Zahorra da afición que apoiou e moito o domingo pasado en Cruces, algo digno de mención. Gracias.

Un saúdo e forza Santiso!!

Oportunidade perdida

2011-02-17T19:39:00.002+01:00

Gran ocasión a que deixou escapar o Santiso para conseguir escalar ata a cuarta praza. Visitaba o Novo Zahorra o Deza, un equipo que estaba só 2 puntos por encima da U.D. e que agora se escapa ós 5. O resultado foi idéntico ó da primeira volta, 1-2 para os pontevedreses, unha auténtica mágoa porque o gol definitivo dos visitantes chegou cando o partido xa morría.

Polos locais saltaron ó campo, Chali no marco, Tono, Dani e Kike en defensa, Manuel e Luis por diante, Javi, Agustín, Monchito e Alex no medio do campo, con Manolo na punta de ataque. Na segunda metade, entraron Micho por Agustín, Bruno por Alex e Roberto por Luis.

Na primeira metade o Santiso dominou o choque claramente e foise os vestiarios con unha ventaxa dun tanto anotado por Monchito tras un rexeite nun saque de esquina no que Dani rematou ó longueiro, Luis rematou de novo e o de Mourazos aprobeitou o balón solto para anotar o gol para os locais. Pero a cousa non quedou ahí, o segundo puido chegar en varias ocasións; por medio de Luis tras un disparo pegado ó pau que o porteiro do Deza enviou a saque de esquina, con Manolo que tamén tivo a súa ocasión pero de novo o gardamallas visitante desviou o esférico, e sobre todo nunha gran xogada colectiva con cambio de banda incluida con Tono, Alex e Javi como protagonistas que éste último non puido precisar ó chegar forzado á xogada.

Na segunda parte, o encontro cambiou para o lado visitante, o xogo aéreo empregado polo equipo pontevedrés foi finalmente o que desequilibrou a balanza do partido. Froito do dominio, o Deza conseguiu o empate e a partir de ahí o encontro volveuse menos vistoso con menos ocasións en ambos bandos. Neste periodo Kike tivo a ocasión máis clara para os locais por mediación dun libre directo pero o balón foi detido novamente polo porteiro visitante. Sí o fixo desgraciadamente na portería do Santiso tras unha falta colgada dende o centro do campo que o capitán visitante cabeceou ás redes sen tempo xa para que o Santiso puidese evitar a derrota.

Unha pena, pero xa non hai tempo para lamentacións, toca pensar no terceiro clasificado, o Cruces, ó cal renderá visita o Santiso o proximo domingo.

Un saúdo e forza Santiso!!

Novo triunfo

2011-02-10T19:57:00.002+01:00

Un Santiso como o dos vellos tempos conseguiu unha merecida victoria na visita ó Camporrapado. Cero goles a dous, foi o resultado final dun choque que tivo ocasións de gol polos dous bandos pero máis claras polo lado visitante.

A mención dos tempos de antano ven porque o equipo presentouse con só 11 xogadores e apenas 10 minutos antes de que se inciase o choque, con unha visita á nova ponte do ave de Ponteulla incluida. Estas situacións dábanse moito en tempadas anteriores, algo que afortunadamente nesta tempada inda é a primeira vez que sucede. De tódolos xeitos, estas anecdotas son as que quedan gardadas na memoria despois duns anos.

No meramente deportivo, o Santiso xogou con Charli en porta, Tono, Dani e Javi en defensa, Manuel e Luis por diante, Roberto, Micho, Fran e Alex no medio do campo, con Manoliño pichichi na punta do ataque.

A primeira metade deixou máis ocasións na área local que na visitante, Manolo primeiro e Roberto despois tras un bo centro de Alex puideron anotar pero foi noutra xogada con algún que outro rexeite cando o esférico lle quedou perfecto a Manolo para marcar o primeiro.

Na segunda parte, o Camporrapado botouse arriba e puido empatar nunha serie de catro saques de esquina consecutivos; nun deles, Luis sacou un balón coa testa na mesma liña de gol. Foi entón cando os visitantes comezaron a ter máis ocasións á contra para buscar o gol da tranquilidade. Nesta fase do choque, os locais colgaban balóns unha e outra vez á area do Santiso pero con escaso acerto, mérito en parte da defensa e porteiro visitantes; pola outra banda, de novo Roberto puido marcar, asi como Javi pero o gol facíase agardar. Finalmente, Manolo, que fixo un magnifico partido, acadou o segundo tras un gran pase de Fran (previamente o árbitro anulara outro gol cos mesmos protagonistas) e xa está segundo na carreira polo pichichi da categoría.

Próximo partido, o domingo ante o Deza, comenza a terceira volta contra o equipo que ademais do lider conseguiu levar os tres puntos do Novo Zahorra.

Un saúdo e forza Santiso!!

Polo bo camiño

2011-02-01T19:53:00.005+01:00

Nova victoria do Santiso como local, esta vez ante un correoso Callobre que dou guerra ata o final pero que non puido evitar un triunfo moi merecido para a U.D. O encontro rematou cun resultado corto de un gol a cero para os da casa xa que mereu algunha diana máis.

Os protagonistas do choque foron Charli en porta, Tono, Dani e Kike en defensa, Manuel e Luis por diante; no medio do campo, Roberto, Micho, Agustín e Alex e na punta de ataque Manolo. Na segunda mitade producironse os trocos de Javi por Roberto, Monchito por Micho, Bruno por Dani, Jose por Alex e José por Manolo.

Tras un inicio dubitativo na que o Santiso non creou moito xogo, mediada a primeira parte foron chegando as primeiras oportunidades de gol. Luis tivo a máis clara rematando de cabeza tras unha boa asistencia de Alex pero o gardamallas visitante fixo unha magnifica estirada para mandar o esférico a corner. Pero o gol no Santiso esta tempada leva o nome de Manolo, nun saque de banda de Agustín prolongou de cabeza un balón que finalmente entrou na portería do Callobre e subía ó marcador o único gol do encontro.

No segundo acto, o marcador puido incrementarse sobre todo con dúas boas ocasións de Monchito primeiro, tras un remate de falta que se foi pegadiño o pau visitante e pouco despois tras un remate de Manolo que de novo o porteiro visitante sacou de forma espléndida. O resultado corto permitiu ó Callobre apretar un pouco ó final creando algunha ocasión pero a defensa local estivo segura e aguantou coa porta a cero por segundo partido consecutivo.

Queda como anéctoda a imaxe que se ve ó inicio desta crónica, as botas que Charli se veu na obriga de "colgar" despois de 7 anos, moita historia teñen visto...

Un saúdo e forza Santiso!!

Volta á senda da victoria

2011-01-27T21:28:00.002+01:00

O Santiso conseguiu este pasado domingo gañar nun encontro, algo que se resistía nos últimos catro embites. Foi unha victoria en Gresande, por cero goles a dous que sirveu para que o equipo volvese sumar de tres en tres. Segue a dárselle ben este equipo ó Santiso, agardemos que perdure a tradición.

No Santiso formaron de inicio, Charli en porta, Tono, Dani e Kike en defensa, Manuel e Luis por diante, Roberto, Micho, Agustín e Alex no medio con Manolo pichichi que volveu "mollar" en punta de ataque. Tras o descanso, entraron Javi por Roberto, José por Alex, Jose do Padrón por Micho e Bruno por Manolo.

Cando fai anos se rendía visita ó Gresande, os comentarios sobre o terreo de xogo eran de admiración por atoparse con un campo de herva natural acostumados a xogar en campos de terra, area ou zahorra como o propio feudo do Santiso. Afortunadamente, imos evolucionando e agora o normal é atopar terreos de céspede artificial, e hoxe por hoxe o terreo do Gresande deixa moito que desexar, non só porque se mellorou nos campos en xeral, senon tamén porque o do equipo pontevedrés empeorou. Deste xeito, era bastante compricado fabricar boas xogadas xa que os botes que sufría o balón impedían moitas veces facer un bó control do esférico.

Sen embargo o Santiso, logrou sobrepoñerse e a pesar de non realizar un magnífico partido si fixo méritos para lograr o triunfo. Os goles chegaron na primeira metade, o primeiro veu dunha falta que sacou Luis e foi rematada por un xogador local cara a súa propia portería. Deixo nas mans dos seguidores e xogadores que visen o gol se vai sumar na conta de Luis na carreira do pichichi do equipo. O segundo chegou tras unha xogada "típica" de Manolo, que a base de insistencia conseguiu levar a pelota controlada para coa perna menos boa, a dereita, rematase a gol. Puido chegar algún gol máis para o Santiso, sobre todo no primeiro acto por medio de Manuel ou Agustín pero o marcador non se moveu máis.

Victoria que permite ó equipo chegar á quinta praza, que cómpre manter e intentar mirar máis arriba se é posible. Próximo partido o domingo no Novo Zahorra contra o Callobre.

Un saúdo e forza Santiso!!

Remate da Racha

2011-01-20T20:02:00.004+01:00

Acabouse o que se daba, o Santiso perdeu a condición de invicto que mantiña nas últimas 8 xornadas. Foi precisamente ante o último rival que conseguira gañarlle ó equipo donde se produceu esta nova derrota. Sen embargo, o Berres non foi ese rival tan superior como mostra a clasificación, da que é lider destacado, e sufreu para vencer finalmente por cero goles a un.

O Santiso formou con Dani en portería, Tono, José e Agustín en defensa, Luis e Javi por diante, Roberto, Micho, Manuel e Alex no medio do campo e Manolo na punta do ataque. O equipo local saíu sin complexos ante un rival que se supoñía moi superior e aguntou perfectamente os ataques visitantes e mesmo creou algunha oportunidade como un remate de Micho que desgraciadamente atallou o porteiro do Berres. O único gol do encontro chegou nun saque dende o curruncho, o remate incial foi quen de sacalo Alex no fondo dos paus, pero o segundo rexeite convertiuse en gol.

Na segunda parte, Sandá apostou polo ataque entrando Michel por José, tras unha lesión deste último, e posteriormente dando saída a Bruno por Roberto e a Jose do Padrón por Micho. O gol do empate estivo cerca nun gran pase de Javi a Alex pero o porteiro visitante volveu atallar o esférico tras o remate do de Mourazos. Finalmente, chegouse ó final co Berres pedindo a hora, xa que inda que o Santiso non creou moitas situacións de gol, na segunda parte levou o peso do encontro e mereceu o empate.

A pesares da derrota, o Santiso fixo un bo partido como así o recoñeceu a afición que apladeu ós seus no final do encontro. Toca seguir nesta liña e intentar acadar de novo unha racha positiva como a que se frenou nesta pasada xornada. O domingo, o equipo visitará ó Gresande.

Un saúdo e forza Santiso!!

Outro empate, terceiro consecutivo

2011-01-13T19:54:00.002+01:00

Segue a racha de imbatibilidade do Santiso dende que caera en Berres, son 8 xa os partidos que leva sen coñecer a derrota, desta volta colleitou un empate a 4 goles no feudo do Prevediños. A magoa é que o equipo a pesares de que non perde, tampouco é quen de gañar nos útimos tres encontros.

O Santiso formou con Charli en porta, Tono, Dani e Kike en defensa, Javi e Luis por diante, Roberto, Micho, Manuel e Alex no medio do campo, e o pichichi Manolo na punta do ataque. Na segunda metade entraron Fran por Luis, Bruno por Roberto, José por Javi e Jose do Padrón por Dani.

O choque non puido comezar mellor para o Santiso xa que tras un centro de Luis, Alex conseguía o 0-1 cando apenas se disputara un minuto de encontro. Houbo poucas ocasións máis salientables na primeira parte o que presaxiaba un partido tranquilo para o Santiso, nada máis lonxe da realidade.

O segundo tempo comezaba con máis noticias boas para o Santiso, xa que tras unha boa xogada, Roberto caía na área local sinalando o árbitro penalti. Luis encargouse de subir o segundo para o Santiso. Pero a partir de aqui o partido volveuse tolo, o Prevediños reduceu distancias primeiro tras unha boa xogada combinativa e pouco despois, conseguiu o empate tras un auténtico golazo dende fóra da área que se coou pola escadra visitante. O Santiso conseguiu de novo adiantarse por medio de Manolo tras unha boa xogada de Alex pola esquerda pero pouco despois o equipo local conseguia a igualada nunha xogada individual do dianteiro do Prevediños que Dani non puido evitar. Outra boa xogada do Santiso calcada á do terceiro gol servía para que Manolo conseguise o 3-4 a pase novamente de Alex. Cando parecía que o partido ía morrer con victoria para o Santiso unha inexistente falta escorada a favor dos locais provoucou unha tremenda maraña dentro da área na que caeu un atacante local, o trencilla decideu sinalar penalti e o Prevediños conseguiu o definitivo 4-4.

Unha autentica pena, pero toca levantarse e intentar seguir coa racha ante o Berres, proxima visita que terá o Novo Zahorra este próximo domingo.

Un saúdo e forza Santiso!!

Meritorio empate

2011-01-03T20:07:00.003+01:00

Quedaba pendente do ano pasado a crónica correspondente ó partido contra o Tabeirós, un encontro que rematou co resultado inicial pero no que o Santiso demostrou que pode estar na cima da clasificación loitando por un bo posto.

O equipo formou con Charli en portería, Tono, Manuel e Kike en defensa, Luis e Javi por diante, Roberto, Micho, Agustín e Alex no medio do campo, e Manolo en punta, posteriormente; entraron Bruno por Roberto, Susín por Micho e Jose do Padrón por Manolo.

Foi un resultado xusto porque inda que o Santiso puxo máis ganas ó xogar diante dos seus aficionados, non dispuxo de ocasións moi claras. Manolo e Alex tiveron algunha opción e quizais a máis clara houbese sido un posible penalti a Roberto que o árbitro non quixo pitar.

Próximo partido, contra o Prevediños xa este próximo domingo, inauguramos os partidos oficiais do 2011, a ver se ven cargado de victorias para o Santiso.

Un saúdo e forza Santiso!!

Punto en Bandeira

2010-12-16T19:37:00.002+01:00

Xusto empate a un gol o acadado polo Santiso na súa visita a Bandeira, ben é certo que dado o desenvolvemento do choque se poida pensar que se perderon 2 puntos pero se analizamos o encontro na súa totalidade o empate é un resultado co que o equipo se pode dar por contento.

Polo Santiso formaron Dani en porteria, Agustín, Manuel e Kike en defensa, Luis e Micho por diante, Roberto, Fran, Juan Alberto e Alex no medio do campo e Manolo arriba na punta do ataque. Na segunda metade entraron Bruno por Roberto, Javi por Alex, Tono por Juan Alberto e José de Trebolo por Manolo.

Tras unha primeira parte na que o Santiso puxo o fútbol e o Bandeira as ocasións máis claras chegouse ó descanso con empate a cero inicial. Tras a reanudación o partido igualouse bastante pero sin embargo o Santiso dispuxo de opcións claras para anotar, primeiro por parte de Bruno e despois por parte de Manolo, ambas ocasións desbaratadas polo porteiro local cunhas esplendidas paradas. Sin embargo, a dez minutos do final unha boa combinación entre Javi e Fran remataba en gol deste último. Cando parecía que os tres puntos ian ir para Santiso, unha falta escorada convertíase en gol para o Bandeira, unha verdadeira mágoa porque o partido xa estaba no desconto.

Próximo partido o domingo no Novo Zahorra frente o Tabeirós, equipo que está na segunda praza da clasificación. Con este encontro, remataranse os partidos neste 2010 debido as festas navideñas.

Un saúdo e forza Santiso!!

Victoria sufrida!

2010-12-09T21:15:00.002+01:00

Catro partidos gañados e cinco sen coñecer a derrota, boa racha a que leva o Santiso dende a debacle de Berres; este domingo conseguiu vencer ó Cruces nun encontro que parecía resolto nun principio e que se complicou moito posteriormente.

Imos cos protagonistas do choque aparte da afición local que unha vez máis acompañou ó Santiso no Novo Zahorra; o equipo formou con Charli en portería, Agustín, José e Kike en defensa, Luis e Dani por diante, no centro do campo estiveron Roberto (que voltou tras a súa lesión), Manuel, Micho e Alex e na punta de ataque Manolo. Cando o partido inda non chegara ó descanso, José tivo que abandoar o choque por un pinchazo e Fran entrou o terreo de xogo. Posteriormente, na segunda metade, Susín entrou por Roberto, Michel por Manolo e José de Trebolo (que tamén voltou tras unha lesión) por Alex.

O encontro puxose de cara para o Santiso tras unha fermosa xogada que iniciou Agustín con un cambio de xogo á banda esquerda que recolleu Alex, éste apurou ata a liña de fondo e centrou un balón preciso para que Manolo na boca do gol, só tivese que empurar o esférico as mallas visitantes. Non quedaron ahí as ansias de gol do Santiso xa que tras un fóra de xogo sinalado ó Cruces, Charli golpeou a pelota cara a área visitante na que emerxeu Micho que con un inmenso remate de cabeza acadaba o segundo gol dos locais. Na primeira parte caeu tamén a condición de imbatido dos da casa que levaban dous encontros consecutivos sen encaixar un gol, o Cruces aprobeitouse dunha contra para reducir distancias antes de ir camiño dos vestiarios.

O segundo periodo non podía empeazar peor para os intereses do Santiso xa que nunha falta, o Cruces acadaba o empate tras un erro da defensa local. Neste intre o partido semellaba complicarse para os da casa, e inda máis cando minutos despois Charli era expulsado por protestarlle ó árbitro. Sen embargo, a U.D. sacou orgullo e casta e non só foi quen de aguantar o empate con un menos senon que conseguiu adiantarse de novo no marcador o anotar Manolo un balón que a defensa do Cruces non foi quen de despexar. O Santiso soportou o asedio visitante no treito final do encontro pero o marcador xa non sufriría máis variacións.

Próximo embite en Bandeira, campo que tradicionalmente se lle dá mal ó equipo, agardemos que se trunque a racha e que a siga a boa xeira de resultados acadados ultimamente.

Un saúdo e forza Santiso!!

Nova victoria, e van 3 seguidas!

2010-11-30T19:44:00.003+01:00

Moito frio recibeu o Santiso na súa visita a Lalin deste pasado fin de semana; as baixas temperaturas que asolaron toda Galicia e en especial nas terras do Deza foron unha nota destacada do encontro. Sumouse a esta circunstancia, o comenzo nun horario inhabitual, practicamente cumprianse as 7 da tarde-noite cando o pitido do árbitro anunciaba o inicio do choque.
No Santiso formaron Charli en porta, Agustín, José, Kike en defensa, Luis e Dani por diante, no centro do campo estiveron Fran, Micho, Monchito e Alex e na punta de ataque Manolo.
A primeira parte que realizou o equipo foi moi salientable, das mellores da tempada, xogando no feudo do segundo clasificado dominou casi de cabo a rabo os primeiros 45 minutos a base de boas combinacións e poucos atrancos defensivos. Nesta xornada, Manolo non anotou, pero foi gracias a unha presión do pichichi do equipo ó porteiro local como Monchito se fixo co esférico e proporcionou un preciso balón a Fran para que anotase o que finalmente sería o único gol do encontro.
Na segunda metade do partido, o Deza apretou máis e puido lograr o empate nalgunha acción aillada, algo que sería inxusto, o Santiso mereceu claramente a victoria e incluso puido agrandar a diferencia no marcador con sendos remates ó pau de Alex e Fran respectivamente. Neste periodo, Bruno entrou por Micho, Javi por José e José de Trebolo por Manolo.
Parece que por fin o Santiso atopa o bo camiño, pero non é tempo de relaxacións, o Cruces visita o Novo Zahorra o próximo domingo, equipo que goleou á U.D. na primeira volta por 3 a 0. Esperase unha boa presencia de aficionados como está sendo habitual incluso fóra da casa como este pasado domingo, algo moi de agradecer.
Un saúdo e forza Santiso!!

Segunda victoria seguida

2010-11-25T19:38:00.003+01:00

Encarrilou o Santiso dúas victorias consecutivas tras o partido disputado o pasado domingo fronte o Camporrapado. Victoria por un gol a cero que non foi fácil, porque o equipo segue a mostrar unha clara falta de pegada ante a meta contraria e esto suponlle pasar apuros en defensa.

Os protagonistas do Santiso que saltaron ó Novo Zahorra foron Charli en portería, Agustín, Dani e Kike en defensa, Manuel e Luis por diante, como mediocampistas figuraron Juan Alberto, Micho, Monchito e Alex, e na dianteira Manolo. Na segunda metade entraron Susín por Luis, Bruno por Micho, Michel por Manolo, Javi por Alex e José por Manuel. Na instantanea que se sacou antes do partido figuran tamén o mister Sandá, os tocados ou non convocados Tono, Jose do Padrón, Roberto e José de Trebolo e os ex-xogadores do equipo Alfonso e Moncho.

Foi en xeral un bo partido do equipo, estivo serio en defensa e adiante dispuxo de varias ocasións, sobre todo na primeira metade, periodo donde Manolo anotou o único gol do encontro. O de Vilar, que non de Transfontao, parece que colleu "carrerilla" e encabeza o pichichi particular do Santiso con cinco dianas.

Na parte final do partido o equipo sufreu as acometidas do Camporrapado buscando o gol do empate, motivadas tamén pola expulsión de Susín no tramo final do choque. Non subiron máis goles ó marcador e o Santiso colleitou a terceira victoria do campionato.

Este próximo domingo, iniciase a segunda volta contra o Deza, equipo que venceu no Novo Zahorra na primeira xornada, agardemos poder devolverlle o "detalle".

Un saúdo e forza Santiso!!

Primeira victoria como visitantes!

2010-11-18T20:19:00.002+01:00

Chegou a primeira victoria a domicilio para o Santiso, foi en Callobre, mentres agardamos por unha crónica que nos comente detalles de como foi o partido, deixamos plasmados algúns detalles.
O partido chegou o descanso co resultado inicial pero na segunda parte, o Callobre adiantouse no marcador pero o equipo verdiamarelo conseguiu a remontada como o ano pasado. Anotaron Alex e Jose do Padrón, éste último parece que lle ten tomada a medida ó campo do Callobre pois xa o ano pasado anotara un gol.
Outro dato positivo foi a volta ós campos de Monchito, agardemos que volva ser o de inicio de tempada.
O proximo domingo visítanos o Camporrapado no Novo Zahorra cerrando xa a primeira das tres voltas que se van disputar este ano.
Un saúdo e forza Santiso!!

Empate con sabor a derrota

2010-11-11T20:56:00.002+01:00

Inda que o equipo segue coa racha de non caer derrotado contra o Gresande, a sensación que se sentía no vestiario local era de que se estragara unha boa oportunidade de aledar a afición.
Douse a circunstancia de que o equipo visitante non tiña equipación e por tanto o Santiso cedeulle unha das súas; o inicio do partido foi algo "rechamante", era un Santiso contra Santiso!
No meramente deportivo, o equipo da casa saliu o campo cos seguintes xogadores; Charly en porteria, Tono, Agustin e Kike en defensa; Roberto, Manuel, Luis, Micho e Fran no medio do campo, con Alex e Manolo na punta de ataque. O partido non puido empezar mellor, pouco despois do inicio, tras unha xogada de Luis, na que participou tamén Alex, o equipo local inaugurou o marcador por medio de Manolo. Parecia que se ía cumplir a tradición de vencer ó Gresande pero o equipo visitante non se rendiu e acadou o empate tras un saque de esquina no que o esférico chegou o borde da área e tras unha bolea se coase nas redes do equipo local.
Pero o Santiso, conseguiu casi de inmediato poñerse de novo por diante o transformar en gol Alex un magnifico pase de Luis. Manolo tivo o terceiro nunha boa ocasion pero o balón non quixo entrar e así o fío do descanso o Gresande acadou o definitivo empate a 2.
Dispuxo o Santiso de ocasións claras de conseguir o gol da victoria, sobre todo por medio de Alex que gozou de duas boas oportunidades pero o resultado xa foi inamobible.
Os trocos que se produciron foron os de Susín por Fran, Dani por Luis, José por Tono, Bruno por Roberto e José de Trebolo por Manuel.
Concluindo, unha redundancia sobre o que vimos contando nos últimos choques, falta de pegada arriba do equipo que supón unha perda importante de puntos; sen dúbida o dato positivo é que sí se están a crear oportunidades así que agardamos que pronto chegen os goles e as victorias.
Un saúdo e forza Santiso!!

Previa Santiso - At. Gresande

2010-11-05T16:44:00.002+01:00

Como sabedes, o Gresande é un equipo que tradicionalmente se nos da ben. A ver se funcionan as estadísticas desta volta e gañamos o partido, que boa falta nos fai.

Aquí vos deixo as crónicas das dúas victorias que colleitamos ante eles a tempada pasada:
1ª volta
2ª volta

Derrota dolorosa

2010-11-04T20:34:00.002+01:00

Desgraciadamente cumprironse os peores presaxios que Tono indicaba na previa e o Santiso caeu en Berres polo mesmo resultado que na campaña pasada (7-1).
O caso é que probablemente o equipo non mereceu unha derrota tan abultada, pero cando o equipo rival marca casi tódalas ocasións que ten e por outra banda se fallan as que se teñen a favor (só Manolo nunha ocasión acadou batir o porteiro local), o resultado pode ser cruel; como foi o caso do pasado domingo.
O equipo formou con un esquema inusual e innovador, 2-3-3-2; Dani en porta, Tono e Kike atras, con Agustin, Manuel e José Trebolo por diante, no centro do campo estiveron Roberto, Micho e Alex e na punta Manolo e Juan Alberto. Posteriormente na segunda parte, Fran entrou por Alberto, Susín (nova incorporación do clube) por José Trebolo, Luis por Micho, José por Kike e Jose por Roberto.
Pouco máis que comentar dun partido que cómpre esquecer canto antes para pensar no próximo; o Atl. Gresande visita o Novo Zahorra o domingo pola tarde. Agardemos unha nova victoria para aledar a equipo e afición.
Un saúdo e forza Santiso!!

Previa Berres-Santiso

2010-10-29T13:48:00.002+02:00

Este domingo visitamos ó lider, o Berres, que tra-las 5 xornadas disputadas, é o único equipo que conta os seus partidos por victorias, o que da conta da dificultade que vai ter o encontro. Para que non decaia o ánimo, recordar que o ano pasado fomos quen de gañarlles por 6-1 na casa. Claro que aló devolvéronnolo, claramente con contundente 7-1. Poucas veces se debeu dar un par de resultados tan dispares co mesmo equipo e na mesma tempada.

Pois nada, agardamos que o partido se pareza máis ó da ida que ó da volta, para que o longo desplazamento á Estrada se faga máis levadeiro.

Partido Surrealista

2010-10-26T20:05:00.002+02:00

Chegou por fin a primeira victoria do equipo, foi ante o Prevediños pero houbo que sufrir, é moito. A crónica deste encontro non se entende sin a aportación dun árbitro que chegou con ganas de ser protagonista e sin dúbida, conseguiuno.
Antes de pasar coa crónica, citaremos o equipo titular; Charly en porta, Agustin, José e Kike en defensa, Roberto, Manuel, Micho, Fran e Alex no medio do campo; con Manolo e Luis na punta de ataque. Na segunda parte entraron Dani por José, Javi por Luis, Bruno por Roberto e José Trebolo por Micho.
Citados os xogadores, imos pois co que sucedeu no terreo de xogo. Cando apenas se disputaran quince minutos de partido, o trencilla decideu suspender o partido por insultos que recibía na grada e decideu parar ata que a Garda Civil se acercase polo campo.O partido estaba a ser moi tranquilo e non existira ningún motivo polo cal tomar tal decisión. Ante a incredulidade de público e xogadores, o encontro estivo parado durante máis de media hora ata que finalmente se reanudou.
O parón sentou mal ó Santiso xa que antes del, dominaba claramente o partido e xa dispuxera dunha ocasión multiple con Luis primeiro e Micho despois como protagonistas. Tras o reinicio, nunha xogada sen aparente perigo, o árbitro sinalou falta a favor do equipo visitante e posteriormente o balón internouse nas redes da porta local antes de que o Prevediños sacase a infracción. Pois ben, para a sorpresa de todo o mundo, sinalouse gol visitante debido a unha suposta "lei da ventaxa" que incredulos, os xogadores locais tiveron que aceptar.
Uns minutos máis tarde, continuou o particular "show" do colexiado pitando penalti a favor do equipo local por man inexistente do Prevediños dentro da área. Luis foi o encargado de conseguir o empate para o Santiso.
Posteriormente na segunda parte, veuse un partido algo máis "tranquilo" por parte do trencilla; inda que os continuos paróns por fóras de banda e faltas inexistentes desquiciaron a máis de un. Todo isto provocou que o partido se volvese un pouco tolo e tras ocasións claras para o Santiso (gol de Javi mal anulado incluido), chegou o turno para o Prevediños que tivo dúas clarísimas que Charly sacou de forma extraordinaria.
Finalmente, o Santiso conseguiu o gol da victoria por parte de Manolo que levou o delirio ás gradas que ateigaban unha vez máis o Novo Zahorra.
Posteriormente e xa co partido prácticamente finalizado, o colexiado foi de novo protagonista expulsando a dous xogadores visitantes.
En definitiva, tres puntiños moi sufridos que esperemos sirvan de ánimo para o equipo que xogará o próximo encontro frente ó Berres en terras pontevedresas.
Un saúdo e forza Santiso!!

Non arracamos!!

2010-10-20T19:34:00.002+02:00

Falta clara de definición ante a porta contraria, eso é o que está a matar ó Santiso neste inicio de liga. O equipo foi superior en varias fases do partido frente ó Tabeirós, pero non foi quen de adiantarse no marcador.
As ocasións máis claras chegaron tras o descanso por mediación de Manolo e Fran pero o esférico non quixo entrar. Sí o fixo posteriormente na portería da U.D. e por partida doble, algo que desmotivou en demasía tanto a xogadores como a afición que acudeu para ver ó seu equipo lonxe de Santiso (algo que agradece o equipo enormemente). O gol que anotou Javi xa no minuto 90 non sirveu máis que para maquillar o marcador; 2-1 final que deixa un mal sabor de boca e que impide que o equipo consiga a primeira victoria.
O equipo formou con Charly en porta, Roberto, Dani, José e Kike en defensa, Fran, Luis, Agustin, Micho e Alex no medio, con Manolo na punta de ataque, posteriormente na segunda metade, Michel, Manuel, Bruno, Javi e Jose de Trebolo entraron por Dani, José, Fran, Alex e Manolo.
En fin, nova decepción para un equipo cheo de ganas de agradar pero que non acaba de ter sorte arriba, esperemos que pronto cambie esto.
Proximo partido, o domingo fronte o Prevediños no Novo Zahorra.
Un saúdo e forza Santiso!!

Estrea no casilleiro

2010-10-14T21:38:00.002+02:00

Non conseguiu o Santiso superar ó Bandeira no choque do pasado domingo, pero cando menos acadou un empate ante o equipo pontevedrés.
O equipo xogou sin duda o mellor partido do que vai de tempada merecendo a victoria pero esta resisteuse e incluso houbo momentos no que o resultado foi desfavorable.
O Santiso formou con Charly en porteria, Roberto, Agustin, José e Kike en defensa, Fran, Luis, Micho e Alex no medio, con Juan Alberto e Manolo na punta de ataque. Na segunda parte entraron Manuel por Luis, Jose por Micho, Javi por Alex, Bruno por Fran e José Trebolo por Manolo.
Ó descanso chegouse con empate a cero pero primeiro Alex e despois Fran tras un pase de Manolo puideron adiantar ó equipo local, algo que non sucedeu. O que perdoa, acabao pagando e nunha xogada illada xa na segunda parte o Bandeira adiantabase no marcador, resultado a todas luces inxusto polo visto no partido. Sin embargo, o Santiso non se veu abaixo e conseguiu empatar por medio de Manolo tras pase de Juan Alberto que viña de realizar unha gran xogada individual. Puido o equipo conseguir o segundo pero o porteiro visitante estivo moi atinado desviando un disparo de Micho e xa rematando o partido, Javi tivo o gol da victoria pero o esférico foise pegadiño o pau da porteria do Bandeira.
En definitiva, un gran partido do Santiso que non puido acadar a victoria pero que de seguir nesta liña pronto chegará. Cómpre destacar o bó partido realizado en defensa, salientable o partido de Agus e José, e máis no medio, o enorme choque que realizaron Micho e Juan Alberto, agardemos que todo o equipo siga nesta forma.
O domingo, nova xornada, en Tabeirós, unha longa viaxe na procura da primeira victoria.
Un saúdo e forza Santiso!!

Previa Santiso - Bandeira

2010-10-09T17:35:00.001+02:00

Mañán, as 16:30, partido con ánimo de revancha no Novo Zahorra. O Bandeira é un equipo que non se nos da ben. Sen ir máis lonxe, o ano pasado non fomos quen de marcarlles un só gol, e perdemos por 1-0 en Bandeira e por 0-5 no Novo Zahorra, nos partidos que cerraban a primeira volta e a tempada, respectivamente.

Así que, ... xa sabedes, a animar mañá, a ver se cambiamos esta mala xeira.

Segunda derrota

2010-10-07T22:59:00.003+02:00

Segue o Santiso coa mala xeira de resultados, esta vez caeu en Cruces por tres goles a cero co que encadea duas derrotas consecutivas.
O equipo formou con Dani en porteria, Roberto, Agustin, José e Kike en defensa, Fran, Juan Alberto, Michel, Micho e Alex no medio do campo e Manolo arriba.
O partido estivo claramente marcado pola xusta expulsión que sufreu Dani nun balón dividido no que o dianteiro local chegou antes que o porteiro nunha xogada que se produceu cando estaba a punto de rematar a primeira parte. Inda que o resultado xa reflexaba un dous a cero no marcador, quedaba toda a segunda parte para que o equipo conseguise a remontada. Motivo polo cal pido disculpas publicamente ó equipo.
José tivo que poñerse na portería e a segunda parte foi máis igualada e incluso o Santiso puido marcar algún gol, sin embargo, acabouse notando a superioridade numérica e nunha contra o Cruces conseguiu o terceiro. Nesta segunda metade entraron no equipo Jose, Luis, Bruno e José Trebolo por Michel, Manolo, Roberto e Alex para darlle mais frescura o equipo pero o final o resultado non puido dar a volta.
Agardemos que este proximo domingo se produza a primeira victoria do equipo fronte o Bandeira no Novo Zahorra.
Un saúdo e forza Santiso!!

Estrea con derrota

2010-09-30T20:01:00.002+02:00

Seguimos vivos si, nova tempada, novos fichaxes, novas ilusións, ... Agardemos que está tempada sexa mellor que a anterior e poidamos conseguir unha posición meritoria na clasificación final.
Como ben apuntaba Tono na entrada anterior, este ano, vaise realizar unha tempada a tres voltas debido o escaso número de equipos da liga (10); co cal, disputaranse 27 xornadas.
A primeira delas non comezou con bo pé para o equipo, derrota por 1-2 frente ó Deza (antigo At. Balouta). Non foi un partido no que se notase unha superioridade notable do equipo visitante pero quizais os nervos dun novo inicio de liga apoderaronse do equipo local e non se conseguiu executar o xogo que mostrou nalgún dos amigables xogados na pretempada.
O equipo formou con Dani en porta (pola ausencia de Charly), Tono, Agustín, José e Kike (nova incorporación para o lateral zurdo) en defensa, Juan Alberto, Monchito, Luís (outra nova incorporación para o mediocentro da U.D. ) e Alex no mediocampo e no ataque Manolo e Micho.
A primeira parte comezou igualada ata que o Deza conseguiu anotar o gol que lle permitiu adiantarse no marcador, a partir de ahí; o Santiso botouse arriba e conseguiu empatar antes do tempo de lecer por medio de Juan Alberto. Cando o tempo espiraba para que os dous equipos tomaran folgos no vestiario, produciuse unha brutal entrada sobre Alex que o trencilla considerou só como cartón amarelo, puido ser unha xogada clave porque Alex tivo que retirarse e o equipo visitante seguiu con 11 xogadores no campo cando o xusto houbese sido mostrar cartón vermello.
Javi entrou por Alex no descanso e o Santiso buscou o segundo gol sen éxito; Sandá doulle minutos ós xogadores do banco coa entrada de Jose, Roberto, Bruno e José Trebolo (estes tres últimos tamén novas incorporacións do equipo) por Micho, Juan Alberto, Tono e Agustín; pero a U.D. non conseguiu anotar ningún gol. A situación foi peor cando o Deza conseguiu anotar o definitvo 1 a 2 tras un barullo na área local.
Polo tanto, primeiro atranco para o Santiso nesta andaiana 2010-2011, pero que agardemos sexa unha anécdota e conseguir victorias en futuros embites; cómpre engadir tamén que tres xogadores como Fran (que voltou de terras italianas), Manuel e Michel quedaron fóra da convocatoria por decisión técnica; algo que fala moito das ganas dos xogadores por saír ó campo nesta tempada. Esperemos que pronto chegue a inauguración do casilleiro de puntos cunha victoria; primeira oportunidade este domingo en Vila de Cruces (líder tras a primeira xornada).
Un saúdo e forza Santiso!!

Seguimos vivos

2010-09-08T11:06:00.004+02:00

Bueno, como xa veríades, esto andaba un pouco parado desde aló por marzo, cando rematou a tempada pasada.
Mentras espero sacar un pouco máis de tempo para darlle unha voltiña a esto, e que Agus e Dani se incorporen coa mesma forza do ano pasado (foron eles quen mantiveron esto vivo a última tempada), aproveito para presentar xa a nova tempada. Así que por aquí vai o calendario, que podedes ver na páxina da federación galega de fútbol (e en formato descargable). Sen embargo, parece non estar completo, xa que Sandá tras a reunión na federación comentou que se xogaría a tres voltas (ida-volta-ida), mentres que o calendario parece contemplar só un ciclo de ida-volta.

Un saúdo.

Triste final

2010-03-25T20:03:00.002+01:00

Outra derrota escandalosa puxo fin a tempada do Santiso nesta andaina 09-10 que será recordada pola estrea do Novo Zahorra. Cero goles a cinco foi o resultado final para o Bandeira que a pesar de ser superior o Santiso non mereceu unha victoria tan abultada.

O equipo formou con Dani en porta, Tono, Alvaro, José e Javi en defensa, Manuel, Monchito, Alfonso e Alex no medio, con Micho e Michel en punta. Na segunda metade, Manolo entrou por Michel, Agus por Alfonso e Jose por Manuel.

Destacar de novo o papel da afición do Santiso que presenciou o partido en gran número e animou o seu equipo a pesar do resultado.

Finalmente o equipo remata a liga con 32 puntos, na sexta posición, e quitando estes dous últimos partidos para esquecer, o equipo realizou unha tempada meritoria.

Animo ós seguidores do blog a que comenten como foi para eles a tempada e a Tono e Agus para que fagan unha entrada sobre o que consideren oportuno...

Un saúdo e forza Santiso!!!

Debacle en Berres

2010-03-17T22:51:00.002+01:00

Tras un parón de dúas semanas volveu o fútbol para o Santiso, que rendía visita a Berres, ó que se ganou por 6 a 1 na ida.
O equipo local xogábase o ascenso e saiu a por todas dende o inicio, asi foi como conseguiu adiantarse no marcador mediado o primeiro tempo. O Santiso conseguiu empatar tras un bó pase de Monchito á banda hacia Javi que centrou para que Michel conseguise o 1 a 1. Alex fixo o 1 a 2 pero o gol non subeu o marcador por un fóra de xogo inexistente.
Coa segunda parte chegou o baixón fisico do equipo que se viu superado ampliamente por un Berres que anotou tres goles casi seguidos o pouco de reanudar o partido, esto mermou moito as esperanzas visitantes e baixou os brazos; finalmente chegaron outros tres e un resultado final de 7 a 1 moi doloroso para o Santiso.
O equipo formou con Charly en porteria, Tono, Dani e Moncho en defensa, Javi, José, Monchito, Manuel e Alex no medio, con Michel e Manolo en punta. Na segunda parte entraron Agus por Michel e Jose por José.
Partido para esquecer canto antes e pensar no Bandeira, último rival en liga nesta tempada o próximo domingo no Novo Zahorra.
Un saúdo e forza Santiso!!

Póker de victorias competitivas

2010-03-04T22:45:00.003+01:00

Tras un fin de semana sin fútbol para o Santiso e á espera de confirmar o rumor que comentou Alex sobre se este próximo domingo a U.D. disputará partido, toca comentar o último partido que xogou o equipo e que ganou por catro goles a dous fronte ó Cruces. Nova victoria do equipo que supón a cuarta consecutiva, algo que desgraciadamente non é moi habitual.

O equipo formou con Charly en porteria, Tono, Dani, Alvaro e Javi en defensa, Manuel, Monchito, Alfonso e Alex no centro do campo e en ataque Michel e Micho. Foi un partido con moito vento como ven sendo habitual ultimamente no Novo Zahorra, Sandá decideu subir ó centro do campo a Alvaro cando o equipo xogaba co aire a favor e manter o esquema 4-4-2 cando o equipo xogou en contra, con Micho botándo unha man no medio.

Tocoulle ó Santiso iniciar coa "suposta ventaxa" do vento e as cousas non puideron comenzar mellor, gol de Micho cando apenas ían 3 minutos de partido. Parece que o de Piñor colleu carrerilla nesta faceta.

Sen embargo, o Cruces comenzou a chegar con perigo e cando faltaba pouco para o descanso, conseguiu o gol do empate tras unha falta que Charly rexeitou e que ninguén da defensa puido despexar chegando o rematador do Cruces para facer o 1-1.

Mal pintaban as cousas despois do primeiro periodo, xa que a segunda parte ía ser contra o vento e con empate no marcador pero unha vez máis o Santiso conseguiu sair adiante ante a adversidade, así foi como Manuel conseguiu anotar un auténtico golazo enganchando un balón dende o vértice dereito da area que se coou por toda a escadra.

Tras isto, o Cruces non soubo asimilar o golpe e nunha xogada posterior quedaríase con dez homes tras as protestas dun xogador visitante; aprobeitando o desconcerto do Cruces o equipo seguiu ó seu e así tras unha magnifica xogada individual de Michel que nos recordou ó dos vellos tempos, levouse ó defensa por velocidade e cruzou o balón facendo inútil a estirada do porteiro visitante.

Tres a un e con un xogador máis, pero a U.D. tamén é capad do peor, e tras unha xogada enredada o Cruces reduciu distancias poñendo o 3 a 2 no marcador.

O equipo pontevedrés buscou o empate e subiu liñas o que supuxo que o Santiso conseguira enlazar contrataques; nun deles, Alfonso foi trabado cando se dispoñía a tirar dentro da area e o árbitro sinalou con bó criterio o punto de penalti. Tras ésta xogada o Cruces quedou con 9 polas protestas do central e Alex axustando o disparo ó poste conseguiu o definitivo 4 a 2. Quedou demostrado que o aire ás veces pode ser superado por ganas e ilusión.

Durante o encontro producironse os trocos de Moncho por Michel e de Jose por Javi, no que foi a décima victoria do equipo esta tempada. Xa só faltan dous partidos, o proximo fronte o Berres, xa sexa este fin de semana ou o para ó seguinte, seguro que intentarán devolvernos o 6 a 1 da ida, pero o equipo sairá dende logo a gañar como sempre.

Un saúdo e forza Santiso!!

Non hai dous sin tres

2010-02-15T20:43:00.000+01:00

O Santiso fixo bo o refrán e conseguiu a terceira victoria consecutiva en Silleda por cero goles a un. Gran actuación do equipo que consegue así unha racha de resultados ilusionante cara ó final de liga.
Unha vez máis o míster Sandá decideu plantexar o partido dunha forma novidosa e formou con un esquema 3-5-2; a alineación foi a composta por Charly en portería, Tono, Dani e Moncho en defensa, un tribote no centro do campo formado por Alvaro, Monchito e Manuel, con Sergio e Alex nos extremos e arriba Micho e Manolo.
O equipo comenzou ben dende o inicio con posesión de balón e boa precisión de pases, sen embargo, o único gol do encontro chegou tras unha falta botada por Monchito que Alvaro non consegue rematar pero tal circunstancia provoca que o porteiro local non consiga atallar o esférico e tras golpear no longueiro se convirta no cero a un. Falta facía que Monchito anotase por fin un gol xa que esta tempada non está a ter sorte cos paus, é sin dúbida ó lider neste apartado do Santiso.
Con ventaxa no marcador o equipo baixou un pouco o rendemento pero o Silleda só creaba perigo a través de faltas lonxanas.
Tras o descanso, o equipo dispuxo de máis claras ocasións para facer o segundo, Alex con un tiro lonxano, Manolo por partida doble e sobre todo Micho con un espectacular disparo que conseguiu despexar o porteiro local puideron modificar o resultado pero tocou sufrir ata o final para conseguir a victoria.
A nota negativa do encontro foi a expulsión que sufreu Sergio cando apenas faltaba un minuto para o final tras caer na provocación dun xogador local.
Os trocos do choque foron Javi por Dani e Michel por Manolo, ambos foron por problemas físicos, que agardemos non vaian a máis e non impidan xogar o próximo domingo ante o Cruces; un equipo que ven de golear ó Gresande por sete goles a cero.
Reseñar que con estes tres puntos o equipo consegue a cifra de 15 nesta segunda volta superando nun punto á colleitada na primeira. Ademáis, o “gol-average” global pasa a estar agora igualado con 31 goles a favor e 31 en contra.
Xa só quedan 3 xornadas polo que a afición debe aprobeitar para visitar o próximo domingo o Novo Zahorra ás 4.15 da tarde para ver como o seu equipo intenta conseguir a cuarta victoria consecutiva.
Un saúdo e forza Santiso!!

Santiso 4 - Prevediños 1

2010-02-11T21:58:00.002+01:00

Aquí queda a crónica de Dani, que merece estar en primeira plana, ainda que él a engadira como comentario:

Boas!!
Por fin chegou a volta de Tono ó blog, esperabase dende fai tempo. A aportación de imaxes moi boa, como ben dis, hai que ver o como loce!!
Victoria contundente para o equipo que permite manter a sexta praza e coller algo de moral de cara ós últimos partidos de liga.
A alineación foi a composta por Charly na porteria, en defensa Javi, Alvaro, Monchito e Moncho (que volveu ó equipo tras a súa desproporcionada sanción de 3 partidos), Manuel, Alfonso, Agustín e Alex no medio e arriba a doble M, Micho e Michel. No segundo tempo entraron Manolo por Michel, Sergio por Manuel, Dani por Micho e Humberto por Agus (que tivo que retirarse tras recibir un golpe que esperemos non lle impida xogar o proximo domingo en Silleda).
Os goles repartironse a pares en cada período, no primeiro anotaron Michel e Micho, que logrou así o tan ansiado primeiro gol da tempada que xa se merecía xornadas atrás. O prevediños conseguiu reducir distancias pero tras unha magnifica xogada, o equipo facía o terceiro; gran pase ó oco de Micho a Alex que fai o pase da morte para que Sergio remache no segundo pau, golazo. O cuarto non se fixo agardar e chegou por medio de Manolo tras rematar unha falta.
Agora a pensar no Silleda o proximo domingo e intentar devolverlles o 1 a 2 do partido da primeira volta. Esperemos que Tono volva tamén ó terreo de xogo este fin de semana.
Un saúdo e forza santiso!!

Fotos Santiso 4 - Prevediños 1. 07-Feb-2010

2010-02-10T23:21:00.003+01:00

Como xa saberedes algúns, ando medio renqueante do abductor dereito, así que este fin de semana, como non podía xogar, aproveitei para cumprir con outros compromisos.
Sen embargo, aquí vos deixo (por xentileza de miña irmá Vanessa), algunhas fotos que fixo durante o partido.
Como loce o Novo Zahorra, hai que ver!!!!

Fin da racha negativa

2010-02-04T12:17:00.003+01:00

Tras unha particular "costa de xaneiro" na que o Santiso colleitou tres derrotas consecutivas, o equipo volveu á senda da victoria. O derrotado foi o Gresande, conxunto ó cal o Santiso lle ten ben tomada a medida, xa que os enfrontamentos dos últimos anos se contan por victorias.

A victoria deste pasado domingo foi xusta e así o amosa o marcador, 3 a 1 para os da casa, que incluso se permitiron o luxo de errar ocasións claras de gol.

O equipo titular foi: Charli na portería; Tono, Álvaro, Dani e Javi na defensa; Manuel, Agus, Alfonso e Álex no medio; e por último Micho e Míchel adiante. No segundo tempo entrou Manolo por Míchel e Sergio por Álex.

Xa dende o inicio, a balanza inclinouse para o lado do Santiso. Cada un dos dianteiros dispuxo de algunha ocasión para abrir o marcador. Tería máis fortuna Álex, nun tiro dende fora da área que petaba nun defensa e despistaba ó porteiro do Gresande, que vía como se coaba o balón na sua portería sen poder facer nada.

A partir de aí, houbo uns minutos de atascamento do equipo verdiamarelo, nos que lle costou sacar a bola do seu campo. Estes problemas foron resoltos cunha boa xogada que culminaba Álex en gol.

O partido acabou de poñerse de cara, cando Álvaro cabeceou con maestría un córner e subiu ó marcador o terceiro tanto. Incluso se puido incrementar a diferencia de goles cun testarazo de Manuel que deu no longueiro pero que botou na liña, segundo o árbitro. Así que con este resultado de 3-0 chegouse ó descanso.

Na segunda parte pouco que contar, o árbitro adicouse a interromper o encontro e apenas se puido xogar ó fútbol. O Santiso rentabilizou a vantaxe acadada no primeiro tempo, vantaxe que se viu mermada por un gol que meteu o Gresande.

Destacar a enorme actuación no encontro de Micho, que pese a non meter gol, fixo un gran traballo saltando a por tódolos balóns e recuperando un gran número deles amosando así o bo momento de forma no que se atopa. Tamén destacable a actuación de Alfonso, facendo un partido moi completo, tal e como acostuma a facelos.

A nota negativa do día foi a lesión de abductores de Tono, pendente de confirmación, que se sumaría así á de José por escordadura de xeonllo no encontro contra o Balouta.

O seguinte partido volve ser na casa, esta vez contra o Prevediños, así que animádevos a vir. Forza Santiso!!

Derrota inesperada

2010-01-27T21:06:00.000+01:00

Chegou o Santiso con numerosas baixas ó choque disputado en Lalín contra o Balouta, o que provocou que Sandá improvisara unha aliñación moi novidosa; a saber, Charly en porteria, unha defensa composta por Dani no lateral dereito, Tono e Alvaro de centrais e Javi na banda esquerda, unha liña de catro no medio con Sergio na banda dereita, Alex na esquerda e no medio Monchito e Micho, xogando en ataque Manolo e José.
A pesares de que varios xogadores non se atoparon donde acostuman, o equipo fixo unha primeira parte meritoria xa que tras un inicio dubitativo nos primeiros dez minutos, o equipo comenzou a combinar ben e deste xeito chegou o gol de Manolo.
Con 0 a 1 a favor e coa sensación de facer as cousas ben chegouse ó descanso, algo que máis tarde se vería que non sentou nada ben ó Santiso. Nada máis comezar o segundo tempo, unha serie de rexeites provocaron a igualada no marcador e casi sen asimilar o empate, o Balouta facía o segundo nun saque de esquina. Todo o traballo feito no primeiro acto tirado por terra en apenas 5 minutos.
Costoulle reaccionar ó equipo pero inda así puido empatar nunha boa internada pola banda de Alex que Sergio non puido rematar coa porta xa vacía. Posteriormente, Jose entrou por Micho e colocouse arriba no ataque subindo Alvaro a súa posición o medio do campo quedando o equipo con unha defensa de só tres xogadores. A estratexia non conseguiu os froitos agardados e o equipo recibiu o terceiro gol nunha contra.
Terceira derrota consecutiva para a U.D. que agardará volver a senda da victoria o próximo domingo no Novo Zahorra frente ó Gresande.
Un saúdo e forza Santiso!!

K.O.

2010-01-20T13:38:00.002+01:00

A visita do Piloño ó Novo Zahorra non deixou títere con cabeza... Impúxose ó equipo local por 0 a 5 con relativa facilidade, demostrando porque é o primeiro clasificado do grupo 11 da terceira autonómica.

O partido foi dominado polos visitantes xa dende o inicio, pese a iso, o Santiso aguantou como puido a embestida e chegou co resultado de cero a cero ó descanso. En cambio, na segunda metade os de Piloño aproveitaron todas as ocasións que erraran no primeiro tempo.

Xogaron de inicio: Charli na portería; Manuel, Tono, Dani e Javi na defensa; Sergio, Micho, Agus, Monchito e Alex no medio; Michel adiante. Foron trocados Micho, Sergio e Dani por Manolo, Jose e José.

Hai que salientar que ningún dos dous equipos fixo un xogo bonito, ó contrario, houbo moito balón aéreo. Condición que o Piloño sabe aproveitar moi ben, xa que ten un equipo moi forte físicamente (e de calidade tampouco andan mal). Como dicía Tono no vestiario unha vez rematado o encontro: "de vez en cando está ben que pase un equipo destes por aquí, son un espello no que mirarse... saltan como cabalos, corren o dobre ca nós... chegan á nosa área en bandada!!"

Que razón ten, o ano pasado este equipo andaba pola metade da táboa coma o Santiso, e cunhas cantas fichaxes e sobretodo cunha gran preparación física mira onde están este ano. Así que... mirémonos neste espello e fagamos o mesmo!! Arriba Santiso!

O próximo domingo...Balouta!

Derrota honrosa sobre a neve

2010-01-14T20:53:00.002+01:00

O temporal que azotou a toda Galicia o pasado fin de semana chegou tamén á Estrada, donde o Santiso rendía visita na decimocuarta xornada de liga. Foi chegar a hora do inicio do partido e comezar a nevar, esta situación prolongouse toda a primeira parte.
Meteoroloxía a un lado, o partido do Santiso pode calificarse de meritorio, a pesares de que se xogaba ante o segundo clasificado da categoría, o equipo saliu sen complexos a un campo que tradicionalmente se lle dá mal.
A aliñación foi a seguinte, Charly na porta, Javi, Tono, José e Moncho en defensa, Manuel, Alfonso, Monchito e Alex no medio do campo e Micho e Michel en ataque.
A crónica do partido empeza con xogadas salientables moi cedo, así, nos primeiros cinco minutos, chegaron dúas ocasións claras para adiantarse no marcador para o Santiso; primeiro Micho rematou de cabeza un balón fóra que a parroquia verdiamarela celebraba xa como o cero a un e na xogada seguinte, Alfonso non foi quen de rematar con éxito unha boa xogada individual.
Tras este inicio frenético do Santiso, o partido equilibrouse e ningún dos dous equipos dominaba claramente. Cando trascurría a primeira media hora de partido o xuíz da contenda inventouse unha expulsión a Moncho que xogadores e afición visitantes non entenderon nin entenden a día de hoxe. O árbitro, conocido xa para o equipo, xa perxudicara ó Santiso frente ó Gresande na primeira volta cunha expulsión inexistente de Manuel.
Unha vez máis, o equipo tivo que xogar con un futbolista menos, o cal supuxo que Javi pasara ó lateral esquerdo, Tono ó dereito e Monchito baixase a súa posición ó centro da defensa collendo Micho o posto deixado polo mediocentro de Mourazos.
O Sporting Estrada puido adiantarse cun remate ó longueiro pero foi unha ocasión aislada xa que o equipo aguantou ben con un menos na primeira parte e con cero a cero chegouse ó descanso.
O segundo tempo non comezou ben xa que ós cinco minutos de reiniciar o choque, un mal despexe defensivo aprobeitabao o dianteiro do Estrada para facer o 1 a 0. Con esta situación o míster decideu facer un segundo troco despois do feito no descanso de Manolo por Michel; Dani entrou por José e Monchito volveu de novo ó centro do campo para xogar así con un 3-4-2 con Micho en ataque outra vez.
A maniobra casi sae ben porque o Santiso dispuxo de novo de dúas boas ocasións por parte de Manolo e Alex pero o gol do empate non chegaba e o tempo rematabase; Sandá decidiu arriscar inda máis e tras o troco de Jose por Tono, Manuel pasou a xogar de lateral e Jose adoptou a posición de extremo dereita, banda pola que tamén fixo dano o Santiso. Esta situación ofensiva do equipo provocou que con 10 dominase o partido durante gran parte do segundo tempo pero co risco das contras do equipo local que implicaban ocasións claras de gol. Foi nunha desas contras donde o Sporting Estrada conseguiu o segundo gol nun pase en longo que Dani non puido cortar e que o dianteiro local aprobeitou para batir a Charly.
En resumo, dous a cero e un bo partido do equipo ante un dos equipos fortes da liga no que a sorte non acompañou pero sí o bó xogo. Este é o camiño que se debe seguir e o próximo domingo a U.D. ten unha boa oportunidade de desquitarse ante ó lider Piloño. Agardemos unha boa presencia de aficionados para animar ó equipo. Un saúdo e forza Santiso!!

Victoria para comenzar o ano

2010-01-07T23:33:00.001+01:00

Primeiramente compre facer unha pequena referencia ó triangular disputado o 26 de decembro entre a U.D. Santiso, o equipo dos veteranos da U.D. e un combinado formado pola afición que unha vez máis se comportou de 10. Moita afluencia de público e sobre todo ganas de pasalo ben foron as constantes durante a tarde que se prolongou ata ben entrada a madrugada no pavillón polideportivo da Ponte tras a degustación dunha cea e recollida de trofeos incluida. O peor o frío, polo que unha segunda edición sería agradable poder celebralo na primavera ou no verán.
Pronto chegou o 2010 e con el a primeira victoria para o Santiso, 1 a 0 frente o Camporrapado. Non foi o mellor dos partidos para o equipo, inda que se crearon ocasións para anotar máis goles, o certo é que o equipo visitante tamén tivo algunha que outra ocasión sobre todo na primeira metade.
O equipo xogou con Dani en portería, Javi, Tono, José e Moncho en defensa, Sergio, Agustín, Monchito e Alex no centro do campo, con Michel e Micho en punta. No segundo tempo entraron Manuel, Manolo, Jose e Alberto Cordido.
O gol chegou no primeiro tempo tras unha internada de Alex pola banda esquerda que centrou para que Michel rematase de cabeza o que sería único gol do partido. O propio Alex tivo unha ocasión para marcar o segundo pero o porteiro visitante parou o tiro tras unha magnifica xogada individual. Micho puido marcar tamén un moi bo gol cando o resultado era de cero a cero ó rematar de tacón pero de novo o porteiro visitante detivo o tiro. Na segunda metade, Jose e Manolo tamén puideron anotar pero o marcador non se moveu.
Puido ser a resaca das festas navideñas ou do triangular disputado o día 26 o que influiu na falta de gol pero ó final conseguironse tres puntos, que é realmente o que importa e consolidado na sexta praza, o equipo buscará o vindeiro domingo dar a campanada ganando no feudo do segundo clasificado, o Sporting Estrada.
Saúdos e Forza Santiso!!

Épica remontada

2009-12-30T20:36:00.003+01:00

Tirando de casta, o Santiso foi capaz de darlle a volta ó marcador no último partido de liga disputado neste 2009. Esta é a crónica dun partido que ademáis marcaba o inicio da segunda volta do campionato.

O equipo visitaba o campo do Callobre con case todos os seus xogadores e con unhas ganas tremendas de revancha tras a derrota sufrida no encontro de ida na estrea do "Novo Zahorra". O míster Sandá sacaba ó terreo de xogo un equipo formado por: Charli na portería; Tono, Dani, José e Moncho na liña defensiva; Javi, Alfonso, Agus, Monchito e Alex no medio; e Alberto na dianteira. Unha forte aposta polo centro do campo que sen embargo non comezou funcionando, amosándose así o equipo visitante un pouco incómodo nos primeiros compases. Pese a iso non había un claro dominador, nin tampouco ocasións manifestas de gol.

A racha de infortunios empezaría cunha xogada embarullada que o equipo local aproveitou e transformou no primeiro gol do partido. A partires de aí, o equipo centrouse máis nas protestas por un posible fora de xogo no gol, que en seguir xogando. Por mor disto, pouco tardaría o noso gardamallas Charli en ser expulsado.

Situación: minuto 20 da primeira metade, con 10 xogadores sobre a area e perdendo 1-0.

Este suceso obligaba ó adestrador a mudar a táctica inicial e colocor a Dani na portería retrasando así a Agus ó centro da defensa.

Lonxe de amedrentarse, o Santiso pasou a levar a batuta no xogo e a dispor de varias ocasións para empatar no que restou de primeira metade.

Vendo isto, o equipo verdiamarelo saía a disputar a segunda metade tras o descanso co convencemento de que o gol chegaría. Certamente, as ocasións foron chegando pero como de costume, non se materializaban. O que si se materializaba era o desgaste físico que os xogadores estaban a sufrir por estar un menos. Así, Agus foi sustituído por Micho ó pouco de iniciar a segunda metade.

Nada máis entrar Micho no campo, un xogador local inventábase un gol ó tirar de volea dende case o centro do campo e batir a Dani que nada puido facer.

Situación: minuto 10 da segunda metade, 10 xogadores e un marcador de 2-0 en contra.

Ó igual que ocorrera co primeiro gol, o equipo non se veu abaixo e seguiu sendo o dominador do encontro, arrinconando ó Callobre no seu campo. Pola outra banda, o míster comezou a facer das súas, sacando do terreo homes da defensa (José e Tono) e metendo xogadores de ataque (Manolo e Jose). Unha táctica que traería resultados...

O refrán: "tanto vai o cántaro á fonte, que o cántaro rómpese" poderiamolo traducir como: tanto asediaba o Santiso ó Callobre, que os goles chegaron. O primeiro deles obra de Jose que culminaba cun bon tiro unha traballada xogada. O segundo unha "delicatesen" de Alfonso nun tiro de falta dende fora da área que se dirixiu á escadra local coma un mísil. E por último o terceiro, de novo Alfonso con outro fermoso tiro que batía por riba ó porteiro da casa.

Situación: final do partido, resultado de 2-3 e éxtase total entre a parroquia verdiamarela.

Por cousas coma estas é polo que un ama o fútbol...

Derrota pola mínima

2009-12-17T21:40:00.002+01:00

Un Santiso con varias baixas presentouse en Bandeira disposto a demostrar que o 6-1 contra o Berres non fora un espellismo. Sen embargo, inda que o equipo realizou un partido meritorio non coseguiu traer ningún punto para á casa.
Partido típico de empate a 0, sen moitas ocasións, ó descanso chegouse con este resultado con un remate a bocaxarro parado polo porteiro local a tiro de Micho como única ocasión salientable. No descanso, escoitouse no vestiario que o primeiro que marcase conseguiría levarse a victoria; desgraciadamente, así foi. Un pase en longo dende o medio do campo que non consegue despexar Dani de cabeza, posibilita que o dianteiro local reciba só o balón e que con unha vaselina bata a Charly.
O Santiso buscou o empate, e o gol puido chegar de novo con un remate de cabeza de Micho. Según remataba o tempo reglamentario, o equipo xogou primeiro con defensa de 3 e nos últimos minutos con unha defensa tan só de 2 xogadores; con esta situación o Bandeira puido sentenciar pero non houbo máis goles para ningún dos bandos.
O equipo formou con Charly na porta, Javi, Dani, José e Moncho en defensa, Micho, Monchito, Manuel e Alex no centro do campo e Michel e Jose do Padrón en ataque, na segunda parte xogaron Alberto Cordido e Manolo que volveu así ó equipo tras a súa lesión de xeonllo.
Remata deste xeito a primeira volta da competición co Santiso colocado na 7ª plaza con 14 puntos, esperemos que a segunda volta sexa máis propicia e se consigan moitos máis puntos. A primeira ocasión este domingo contra o Callobre a domicilio, un equipo que se atopa por debaixo na clasificación pero que xa sorprendeu o Santiso na primera xornada de liga, agardemos poder devolverlle o 0 a 1 daquel día. Un saúdo e forza Santiso!

Xogo, Set e Partido para a U.D. Santiso

2009-12-10T21:30:00.002+01:00

Fin de semana de Copa Davis no que o Santiso quixo facerlle un guiño a Armada ganandolle un set ó Berres. Espectacular partido o xogado polo equipo que dominou de principio a fin.
Sumar á moi boa aportación de Agus, a formación de tan grande xesta e os goleadores, porque creo que paga a pena recordalos, todos uns golazos.
O primeiro marcabao Michel con un remate dende fóra da área forte e pegadiño ó poste que non pode atallar o porteiro visitante. O segundo foi obra de Alfonso cun remate de falta dende tres cuartas partes do campo que tras golpear no poste entraba como un "obus" na porta do Berres.
Tras o gol en propia porta de Monchito (hai que recordar que leva 3 tiros ó longueiro na porta contraria e que por tanto, non está a ter moita sorte esta tempada pero o equipo sabe que nos deleitará con novos goles na porta contraria), chegou o Gol, Michel pregúntalle ó arbitro, “¿podo tirar directamente á portería dende o centro?”, o asentimento do colexiado fixo que Michel non o dubidase e anotase o 3 a 1 cando o Berres estaba a celebrar todavía o 2 a 1. Magoa que este gol non fose grabado por ningún aficionado pois seguro lle quitaba o premio de mellor gol da FIFA a Cristiano ou Messi.
O cuarto chegou antes do descanso e foi de novo dende fóra da área, Sergio enganchou un remate cruzado imparable para o porteiro visitante.
Co inicio da segunda metade e o aire en contra, parecía que o Berres podía meterse de novo no partido, nada máis lonxe da realidade, despois dun magnifico pase ó oco de Monchito, Álex cunha espectacular vaselina conseguía o quinto.
O sexto non se fixo agardar e chegou de novo por parte de Álex que recibiu o pase da morte de Manuel tras unha boa xogada colectiva do Santiso.
A formación da UD foi a seguinte, Charly na portería, Tono, Dani, José e Moncho en defensa, Sergio, Alfonso, Monchito e Álex no medio, con Michel e Manuel en punta. Na segunda parte xogaron Álvaro, Javi Ministro e José do Padrón.
Agardemos que sexa a primeira de moitas; un saúdo e forza Santiso!!

Golpe de autoridade.

2009-12-09T13:49:00.002+01:00

O Santiso deu a sorpresa a pasada xornada ligueira tras vencer por 6-1 ó terceiro clasificado, o Berres. Con este resultado, o equipo amósase como un rival a ter en conta, capaz de gañarlle a calquera.

Quen lles ía dicir ós do Berres que ían levar enriba semellante paliza, nin sequera foron capaces de meter o gol da honra... tivo que ser Monchito en propia porta quen lles fixera o traballo.

O partido foi disputado o sábado por petición do equipo visitante, e malia o cambio, a afección local non deixou só ó Santiso e éste non a defraudou. Agradeceu o apoio cunha tarde chea de fútbol e de goles.

Pouco a pouco o traballo, a disciplina (e como non, o novo campo) van dando os seus froitos e o equipo está a ser máis forte cada vez. Esperemos seguir medrando! Arriba Santiso!

Dani, Tono... animádevos a completar a entrada!

Sabor agridoce...

2009-12-03T22:40:00.000+01:00

Novo domingo de inverno o que tivo que sufrir o Santiso na súa visita a Vila de Cruces, o frío, vento e chuvía acompañaron todo o encontro, sen embargo, neste caso, a climatoloxía non tivo que ver no resultado final.
O Santiso forma con un equipo inicial novidoso xa que o adestrador aposta por xogar con cinco xogadores no centro do campo para gañar superioridade nesa zona debido ás grandes dimensións do terreo de xogo. A maniobra saiu case perfecta para o míster, o resultado final empate a 2, que sabe a pouco para o equipo.
O partido ponse de cara para a UD case que dende o inicio, Alberto Monchito culmina unha gran xogada colectiva do Santiso e pon o 0 a 1 no marcador. Ó descanso chégase con este resultado tras marrar o equipo local un penalti inexistente e tras un golpe sufrido por Tono nun choque fortuito que provocou a súa saída do terreo de xogo.
O equipo recomponse como pode e Manuel pasa a xogar de lateral dereito, labor compricada que saldou meritoriamente. Outro gol tempraneiro na segunda parte, ésta vez por parte de Alex, que como prometeu anotou contra o Cruces, permitiu poñer o 0 a 2. Nese intre, o Cruces boutese arriba na busca do empate e o Santiso puido matar o partido con dúas contras de Alberto Cordido e do propio Alex. O que perdoa acaba pagandoo, e desta vez tamén foi así; neste caso de forma cruel para o Santiso. Dúas faltas ó borde da área, a primeira delas inexistente, convertironse en gol tras golpear na barreira e sorprender ó porteiro visitante. Con todo, o Cruces puido conseguir un terceiro gol pero o remate a porta valeira foise fóra para alivio da parroquia do Santiso. Sería inxusto que o equipo perdese o partido. Finalmente empate e a sensación, como en Prevediños, de que se escaparon 2 puntos.
O Santiso formou con Dani na portería, Tono, Moncho, José e Javi na defensa, Sergio, Alberto Monchito, Agustín, Manuel e Alex no medio e Micho arriba. Tras o golpe de Tono, Alberto Cordido pasou a xogar no medio e Manuel no lateral como comentamos. Tamén xogaron na segunda parte Jose do Padrón, que volveu trala súa escordadura de nocello e Humberto.
Confirmar dende aquí que o golpe de Tono non foi a máis e este fin de semana estará a disposición do míster para volver a correr a banda como nos ten acostumados.
Para rematar comentar que o vindeiro partido xogarase ó próximo Sábado ás 4.30 da tarde contra o Berres, adiantase o partido tras petición do equipo visitante. O equipo agarda unha boa presencia de aficionados e a primeira victoria do mes de Decembro.
Un saúdo e forza Santiso!!

Non puido ser...

2009-11-26T21:09:00.000+01:00

Rematou a boa xeira do Santiso neste mes de Novembro, o Silleda B levouse os 3 puntos e chegou a primeira derrota neste mes tras dúas victorias e un empate. Domingo típico de inverno con auga e vento que facían pensar que era mellor quedar na casiña detrás do lume, sen embargo, a afición unha vez máis acudeu o Novo Zahorra animar o seu equipo.
O partido non comenza ben para o Santiso xa dende o inicio, o sorteo perxudicanos e toca xogar o primeiro tempo en contra do aire. Comenza o partido e mediado o primeiro tempo un balón en longo do equipo visitante que non consegue despexar Dani provoca o remate do dianteiro do Silleda que espectacularmente para Charly, sen embargo o rexeite e aprobeitado por outro xogador visitante que fai o 0 a 1. Pouco despois unha falta escorada a prol dos foráneos convirtese, axudado polo aire, no 0 a 2. Tocaba remontada de novo, pero o Santiso desta vez só puido conseguir o 1 a 2 nun saque de esquina por medio de Michel.
Quedaba toda a segunda parte e o aire a favor pero a tempraneira expulsión de Michel tras un pique cun xogador visitante fixo case imposible a remontada. Inda así, o equipo con 10 tirou de casta e arrinconou o Silleda no seu campo e o empate puido chegar sobre todo nunha gran xogada rematada por Alex que o porteiro visitante parou incriblemente coa cara.
Unha magoa, pero o equipo segue a fallar na casa, teremos que pedirlle os Reis Magos ou a Papa Noel algo de sorte agora que veñen as fechas navideñas.
O equipo xogou con Charly na porteria, Javi, Moncho, Dani e José en defensa, Alberto Cordido, Alfonso, Alberto Monchito e Alex na medular, con Michel e Micho na dianteira. No segundo tempo entraron Agus, Sergio, Manuel e Humberto. Os trocos de Sergio por Dani e de Humberto por José provocaron que o Santiso rematara o encontro xogando con só dous defensas axudados só por Agustín nalgún momento, un plantexamento moi a destacar polo adestrador que sen embargo non supuxo a consecución dalgún punto.
Toca pasar páxina e este domingo a UD visitará de novo Vila de Cruces para desta vez xogar contra o Cruces. Esperemos que, xa que o partido é ás 4 da tarde, o gran derbi entre Barça e Madrid das 7 non limite a presencia dos aficionados do equipo. Un saúdo e forza Santiso!

Empate en Prevediños

2009-11-19T22:17:00.002+01:00

Un domingo chuvioso esperaba ó Santiso na visita á Touro para enfrentarse o Prevediños. A historia hai que contala dende o inicio porque por primeira vez en moito tempo (incluso se falou que era un feito histórico), o plantel chegou antes ó campo que o equipo local. Sen embargo, non foi un dato que axudou a que se conseguise a terceira victoria consecutiva.
O porqué da non victoria pode atribuirse á sorte que esta vez foi esquiva para o Santiso, o equipo dominou o partido de inicio a fin e Michel, Micho, Alex, Alfonso e sobre todo Alberto Monchito (o seu remate de falta foise ó longueiro), tiveron ocasións máis que suficientes para cando menos, acadar un gol que dese a victoria a prol do Santiso.
Por tanto, 0 a 0 e a sensación de que se perderon 2 puntos, sen embargo, como dato positivo hai que reseñar que é a primeira vez na tempada que o equipo non recibe ningún gol e que ademáis se o Santiso segue xogando así, a victoria non pode resistirse tanto como neste pasado encontro.
A aliñación foi a seguinte, Charly na porteria, Tono, Moncho, Dani e José na defensa, na medular Javi, Alfonso, Agustín e Alex e na dianteira formaron Michel e Micho. Na segunda parte entrou Alberto Monchito por Michel.
Tras o encontro, o equipo desprazouse ata Melide para degustar no Mandil (o patrocinador do equipo) unha boa porción de embutido e tortilla. Unha pena non poder festexar a comida cunha nova victoria.
O próximo domingo rende visita ó Novo Zahorra o Silleda B, equipo que a pasada campaña militaba en segunda rexional. Esperemos que a afición responda e dea colorido a unha grada que leva dende o primeiro de mes sen ver ó seu equipo na casa.
Un saúdo e forza Santiso!

Segunda victoria consecutiva!!

2009-11-12T00:36:00.000+01:00

Victoria das que dan moral e autoestima a colleitada polo Santiso o pasado domingo en terras lalinenses. Primeira ocasión que o equipo xoga esta tempada nun campo sen ser de herba artificial, e parece que trouxo sorte, en realidade, últimamente é un campo que se lle está a dar ben ó equipo.
Vaiamos coa crónica, o partido comenza moi ben para ó Santiso, cando apenas se xogaban os primeiros 15 minutos, Alfonso remata dende fóra da área e tras golpear no longueiro, o esférico toca na espalda do porteiro local e convirtese no 0-1. Hai que reseñar que inda que o balón non golpease no porteiro o gol subiría igualmente ó marcador (esta aclaración faise para a tranquilidade de Alfonso e ese gol se subirá no seu casilleiro na carreira polo pichichi do Santiso).
O segundo non se fixo esperar, e foi a balón parado, tras unha cesión realizada polo Gresande o seu porteiro, Alfonso dispúsose a sacar o libre indirecto dentro da área, cando todo o mundo pensaba que Alberto Monchito ía rematar a gol, chegou Javi Ministro e con un remate axustado o pao conseguía o 0 a 2. Falouse tras finalizar o encontro que a xogada fora ensaiada o venres no adestramento (que por fin se realizou no Novo Zahorra), non vai ser o blog do Santiso o que desminta esta noticia…
Finalizando a primeira parte, o Gresande conseguiu reducir distancias gracias a un remate de cabeza do seu dianteiro.
Tras o descanso o Gresande conseguiu o 2-2 logo da saída dun saque de esquina que na segunda xogada se convirteu en gol.
Mal pintaban as cousas para o Santiso nese intre xa que o equipo local foise arriba e contou ademáis coa inestimable colaboración do árbitro, cada protesta do Santiso convertiase en cartón amarelo e cando había algunha xogada dubidosa, sempre ía a favor do equipo local. Así foi que a falta de 10 minutos o árbitro expulsaba inxustamente do encontro a Manuel.
Con 10 xogadores e empatando fóra da casa a falta de 10 minutos, calquer adestrador apostaría por amarrar o resultado, pero dende aquí hai que deixar constancia do plantexamento que fixo o novo adestrador do Santiso, Marcos Sandá, decidiu xogar con unha defensa de 3 e manter 4 no medio e 2 adiante. A valentía supuxo que Alberto Cordido marcara o 2 a 3 e que o Santiso conseguise a terceira victoria da tempada.
Polo Santiso xogaron Chaly na porteria, Tono, Javi, Dani e Moncho na defensa, Manuel, Alex, Alberto Monchito e Agustin na media e na dianteira os irmáns “de boer”, é decir, Alfonso e Michel. No segundo tempo participaron Alberto Cordido e Micho.
En definitiva, victoria meritoria a conseguida polo Santiso, que terá que desprazarse novamente o próximo domingo para enfrentarse ó Prevediños que como o Santiso, tamén leva dúas victorias consecutivas, polo que non será un partido fácil.
Sen embargo, esperamos poder contar unha nova victoria do Santiso a próxima semana. Un saúdo e Aúpa Santiso!

Por fin!!!

2009-11-04T16:06:00.003+01:00

A tan ansiada primeira victoria no Novo Zahorra produciuse por fin... E non só iso, senón que os primeiros goles marcados como locais sobre o céspede sintético tamén chegaron.

Pese a ser unha victoria merecida, non foi nada doada de conseguir. O Santiso comezou o encontro con ganas e dende o principio tentou crear xogo por medio do toque de balón. Pronto acadou a recompensa do gol por medio de Alberto Cordido nun remate axustado ó pao esquerdo dende o borde da área a pase de Alex. Mentres Alberto Cordido anotaba un gol histórico para o clube, Tono e Vanessa frotábanse as mans pensando na caña que os agardaba. Nese momento ninguén que estivera a ver o partido se imaxinaba os cambios que ía ter o marcador. Así, ó cabo duns minutos, na saída dun córner na que todo o equipo se quedou algo rezagado, un dianteiro do Balouta disparaba un potente tiro que se coaba por toda a escadra da meta defendida por Charli. Duro pao para o equipo local, máis aínda, cando pouco tempo despois, unha perda de balón no medio do campo propiciaba que o mesmo dianteiro visitante anotase o segundo gol. Con este resultado de 1-2 chegouse ó descanso.

A segunda metade principiou cun fútbol bastante trabado e moi directo no que o balón apenas paraba nas botas dos centrocampistas. Aínda así o Santiso seguía a ser algo superior ó Balouta sen que ningún dos dous tivera claras ocasións de gol. Ben avanzado o segundo tempo, Míchel conseguía o empate perforando a meta rival nun tiro de falta preto da área. Pouco durou a ledicia na parroquia do Santiso posto que uns instantes máis tarde o equipo local regalaba un balón ó borde da área que o Balouta non desaproveitaba e transformaba no terceiro tanto para os de Muimenta. Poucos minutos faltaban para que rematase o encontro pero os da casa non se viñeron abaixo, convencidos das suas posibilidades de darlle a volta ó marcador. Así foi como tras sacar de centro e recuperar o balón, Manuel culminaba cun tiro forte e case sen ángulo unha xogada pola banda dereita. Xa no desconto, o exceso de confianza do porteiro visitante, xogaríalle unha mala pasada cando tras regatear a Alfonso, tentou regatear tamén a Monchito pero éste fíxose co balón e enviouno ó fondo da rede sen ningún tipo de complicación.

En resumo, tres puntos que saben a gloria pola forma na que se acadaron, polo rival ante os que se acadaron e por seren os primeiros que quedan neste novo campo. Tarde chuviosa de domingo que tardaremos en esquecer...

Derrota sen paleativos contra o Piloño

2009-10-29T21:02:00.000+01:00

Un Piloño moi superior o Santiso levouse os tres puntos no partido disputado o pasado domingo en Vila de Cruces por tres goles a cero. Puxeronse as cousas moi mal para o Santiso case que dende o inicio porque arredor do segundo minuto o Piloño xa vencia por un a cero tras un erro defensivo do Santiso nun saque dende o curruncho. As ocasións para os locais multiplicaronse durante o resto do encontro, sen embargo, non foi ata o minuto 80 de partido cando o Piloño marcaba o segundo nunha contra. O terceiro chegou na seguinte xogada noutra contra ben levada polo dianteiro do Piloño.
Resultado claro para os pontevedreses que de xogar todos os partidos como o pasado, de seguro que estará a pelexar polos postos nobres da clasificación.
O Santiso xogou co seguinte equipo, Dani na porteria, Tono, Javi, Michel e José na defensa, Manuel, Humberto, Alfonso e Alex no medio do campo e finalmente na dianteira xogaron Micho e Alberto Cordido. No segundo tempo entraron Moncho, Jose do Padrón e Agustín.
Toca pasar páxina e este domingo o equipo ten unha nova oportunidade de desquitarse no Novo Zahorra, esta vez frente o Balouta. Esperase por fin unha victoria local neste domingo día de tódolos santos, esperemos que estén da nosa parte! Un saúdo e forza Santiso!

Segue a mala xeira no Novo Zahorra

2009-10-22T21:04:00.000+02:00

Así é, non se sabe se é a mala sorte, se ninguén quere pagar as cañas ou se o caucho non nos quere como a zahorra pero o certo é que o equipo segue sin marcar no Novo Zahorra en partido oficial.
Nova derrota por cero goles a un contra o único equipo que ata o de agora suma os seus partidos como victorias, o Sporting Estrada. O partido foi moi parecido ó xogado na primeira xornada frente o Callobre, tanto que tivo un final idéntico. Quizais o Santiso non tivo tantas ocasións como no primeiro partido pero houbo algunha clara que puido decantar o marcador para o equipo da casa. Sen embargo foron ós da Estrada os que conseguiron anotar o gol cando faltaban apenas 10 minutos para o final, sen que o equipo da casa puidese reaccionar.
Polo Santiso xogaron Chaly na porteria, Tono, Moncho, Alvaro e José na defensa, Javi, Alfonso, Agustin e Alex no medio do campo con Michel e Manuel na dianteira. Tamén xogaron no segundo tempo, Alberto Monchito (tras o seu regreso de terras londinenses), Jose do Padrón e Dani.
Este domingo nova xornada de liga en Vila de Cruces ante o Piloño, un equipo que leva duas victorias e unha derrota, agardemos que a U.D. consiga empatar a puntos co equipo pontevedrés.
Por último, que non menos importante, falar unha vez máis da magnifica afición que ten o equipo e que puxo un colorido na grada que máis dun equipo quixera. Moitas gracias e agardamos poder darvos unha alegría canto antes.Forza Santiso!!

"Dream team"

2009-10-16T11:44:00.007+02:00

Velaquí vai unha instantánea do equipazo da tempada pasada.

Fila superior (de esquerda a dereita): Charli, Álvaro, Jose, Joserra, Dani, Alberto, Manuel, José, Enri, Manolo e Míchel.

Fila inferior (de esquerda a dereita): Alberto Torreiro, Micho, Agus, Fran, Javi, Fran Penas, Alex e Moncho.

Pronto colgaremos a do actual equipo e sobretodo, co novo campo de fondo.
¡FORZA SANTISO!

Primeiros 3 puntos

2009-10-14T16:03:00.004+02:00

Victoria traballada na visita ó Camporrapado. Empezou con apuros a cousa, xa que o autobús do Santiso chegaba (despois de pasar algúns calores máis dos precisos) ó antigo campo do Camporrapado, que se atopaba pechado a escasos 20 minutos de comenzar o encontro. Gracias as indicacións recibidas soubemos que debíamos desplazarnos ata o novo campo do Boqueixón, un campo de características similares ó Novo Zahorra.

Co tempo xusto, con Dani na portería (por ausencia de Charly), os irmáns Penas na medular e Alberto Cordido en punta, como principais novidades respecto á anterior xornada comenzou o encontro. E non o fixo demasiado ben para os intereses do Santiso que encaixaba un primeiro gol, como resultado dun roubo do Camporrapado, cando trataba de sacar o balón xogado desde un saque de porta. Sen embargo, fomos quen de remontar. Un golazo de Álex, que marchou de cantos lle saíron ó paso na banda esquerda equilibraba o encontro. O gol, recordou a máis dun dos presentes ó chamado gol de aguanís, aquel que fixera Raul na intercontinental ó Vasco da Gama (e eso que non estaba Javi vendo o partido). Finalmente, nunha boa xogada combinativa, Míchel abriu o balón do centro á banda dereita, incorpórase Tono, que da unha boa asistencia a Álex, que fai o segundo, e á postre definitivo gol que certificaba a remontada.

Destacar asemade, a boa actuación de Dani, que xogando nun posto tan complicado como a portería, non só cumpliu, senón que sacou un balón impresionante que se colaba pola escadra, e, sen dúbida, poñería as cousas ben difíciles de ter entrado.

Polo demais, non aparecen actualizados os resultados na páxina do Correo, pero se non recordo mal, o luns na Voz aparecía unha nova xornada sen empates. Así pois, 4 ou 5 equipos encabezan a táboa con 6 puntos, outros tantos cérrana con 0, e na zona media, con unha victoria, está o Santiso, que recibe esta semana no Novo Zahorra a todo un descendido Sporting Estrada, un dos equipos que conseguiron as dúas victorias nos dous partidos desputados, e que, acostumados como están a un campo bo (herba artificial) e grande, seguro que teñen físico e toque dabondo como para poñernos as cousas difíciles.

Polo que respecta as fichaxes deste ano, que alguén preguntaba, dicir que o domingo debutou en liga Sergio, sustituíndo a Javi (Ministro), na segunda parte, mentres que Iván, en quen están depositadas grandes esperanzas, sabedores como somos da súa calidade, segue a recuperarse do esguince de nocello.

Distinto campo, mesma imaxe.

2009-10-06T12:28:00.002+02:00

A estrea ligueira da U.D. Santiso non foi como se esperaba. A pesar de contar cun novo terreo de xogo, a imaxe do equipo foi a mesma que a de pasadas tempadas.
Mesmos erros: tentar ese xogo tan directo que a nós non nos favorece nada, mínima eficacia goleadora, mala defensa de córners e faltas ó borde da área. E, esto xa como opinión persoal, esa presión absurda que nos corroe (xogamos en terceira autonómica, non o olvidemos) e que nos impide xogar con tranquilidade.
Mesmas virtudes: boa defensa en xeral, creación de bastantes oportunidades de gol e sobretodo as ganas e ímpetu que todos os xogadores lle poñemos cando saltamos ó campo.
Así, como ben apuntaba Tono, o resultado foi inxusto xa que nos dispuxemos de bastantes máis oportunidades de gol ca eles. E tampouco demostraron mellor xogo, en ningún momento tentaron tocar o balón, senón que aproveitaban o saque en longo do seu porteiro e que alguen arriba a pillase. Pero como aquí gaña o que mete máis goles, neste caso o Callobre meteu un e nós ningún. Haberá revancha no partido de volta, estou seguro!
A aliñación foi a seguinte: Charli na portería; Tono, Dani, José e Moncho na defensa; Jose, Michel, Agus e Alex no medio; Manuel e Manolo adiante. No descanso retirouse Manolo lesionado no xeonllo e entrou Ministro. Xa comezado o segundo tempo, Jose foi sustituído por Álvaro.
Non podo rematar esta entrada sen facer especial mención á afección. De verdade, sodes incribles! Hai campos de segunda autonómica e incluso de primeira ós que non vai tanta xente. Gracias a todos!

Pólvora mollada

2009-10-05T16:53:00.003+02:00

Parece que ninguén quere pagar as cañas. E é que este domingo tivemos ocasións máis que de sobra para facer algún tanto, pero non puido ser.
Aguantou ben a defensa case que os 90 minutos, agás o despiste que causou o gol visitante, que chegou nun balón metido a espalda da liña defensiva, sen que o porteiro se decida a saír, nen a defensa acerte a rexeitar. O resto do partido Charly estivo moi seguro, chapando tódolos balóns altos e sen deixar oportunidade de rexeites preto da área.

Pero a cruz do domingo estivo na outra portería. Ata 5 ocasións clarísimas creou e marrou o Santiso, máis un penalti que o árbitro dixo non ver por estar de costas. Ó final, primeiros tres puntos que marchan do Novo Zahorra e a tan escoitada frase de "non marcamos un gol nin o arco iris" repetíase entre plantel e afección.

Imos ver se o domingo, a visita ó Camporrapado, a quen, se non me engano, o ano pasado fomos quen de quitarlle 4 dos 6 puntos en xogo, nos levanta un pouco o ánimo.

Ah!, por certo, curiosa esta primeira xornada, con poucos goles, pero sin empates. Así que seis equipos encabezan a táboa, con 3 puntos e outros 6 cérrana sen estrear o seu casilleiro.

Dani, Agus... animádevos a completar a entrada con máis cousas...

A polo pichichi...

2009-09-30T22:54:00.005+02:00

Xa está creada a enquisa para este ano. O ano pasado non andivestes desacertados de todo, pero houbo algunha sorpresa e dous dos máximos goleadores non aparecían nas apostas. ¿Habería que meter a Charly este ano?

Ah! e para os que usades facebook, que saibades que xa temos o Santiso aí tamén, así que para fotos, comentarios, etc.. xa sabedes.

INAUGURACIÓN DO NOVO ZAHORRA STADIUM

2009-09-29T09:33:00.001+02:00

O pasado domingo día 27 de Setembro o partido amigable disputado entre a U.D. Santiso e o Cruces C. F. sirveu de inicio dunha nova etapa para o equipo de Santiso. Dá a impresión de que este ano o público non se vai a aburrir xa que debido ás reducidas dimensións do novo campo poden xerarse multiples ocasións como sucedeu neste primeiro partido.
O resultado foi de 4 a 5 para os pontevedreses, polos da casa anotaron Sergio (Nova incorporación da U.D.), Alfonso, Micho e Manolo. Hai que indicar que a outra nova incorporación, Iván, sufreu un esguince de nocello o pasado venres e terá que agardar 3 ou 4 semanas para poder debutar de xeito oficial co noso equipo.
Non foi o día das defensas, pero tampouco dos dianteiros porque a pesar de que se anotaron 9 goles, calquera que presenciase o partido sabe que 5 ou 6 goles máis pudieron abultar todavía máis o marcador por ambos bandos.
As reaccións tras o partido foron variadas, mentres para algún o partido foi un desastre (sobre todo o segundo tempo), para outros non foi tan mal partido. Ambas partes teñen parte de razón, non se pode permitir que con 3 a 1 o equipo contrario consiga poñerse 3 a 5, nin moito menos recibir 5 goles no propio feudo. Pero tamén é certo que se anotaron 4 goles e que puderon ser moitos máis.
Polo tanto, agardemos que para o proximo domingo nun partido xa oficial o Novo Zahorra teña unha boa entrada de público como neste pasado amigable e que o equipo poida corrixir os fallos tanto defensivos como ofensivos.
Por último, recordar que as cañas están agardando na de Suarez para que o primeiro goleador oficial do Novo Zahorra invite a todos aqueles que apostasen por el.Un saúdo e forza Santiso!

Charly selección

2009-09-10T23:52:00.001+02:00

Comenza a pretempada para a U.D. Santiso

2009-09-03T08:50:00.000+02:00

Como xa comentou Agus na anterior entrada, o blog vai ter caras novas para botar unha man sempre que se necesite. Este é o caso, xa que o pasado domingo 30 de Agosto, mentres en Melide se disputaba un apaixoante Cire-Toques (con resultado de 1-0 para os de Melide), no que foi a nosa casa o ano pasado, na Golada, disputouse o primeiro amistoso da U.D.Santiso nesta pretempada. O resultado claro para os da Golada, 3-0, ó descanso chegouse con 1-0 pero na segunda mitade chegaron dous goles máis pero hai varios datos que nos deben alentar para realizar unha campaña ilusionante para o noso equipo. Primeiramente hai que recordar que xogamos ante un equipo que este ano vai competir na segunda rexional, segundo, o equipo presentouse con numerosas baixas (Charly, Agus, Tono, Humberto, Alberto Cordido, Alfonso, ademais das novas incorporacións, deixamos este apartado aberto para cando sexan oficiais comunicalas nesta nosa páxina), esto provocou que certos futbolistas xogaran en posicións non acostumadas para eles como foi o caso de Monchito e Michel que xogaron de centrais durante a segunda parte e tamén un servidor tivo que poñer os guantes durante os segundos 45 minutos por un dolor que sentiu Ramón no primeiro tempo tras unha boa parada a bocaxarro nun corner e por último, o equipo non entrenou prácticamente en todo o verán. Por todo isto, coido que o resultado non estivo tan mal, o equipo puido marcar algún gol por medio de Alex ou Manuel e Alvaro cos seus “eslalons” sacou algúns olés da nosa querida afición que unha vez máis se desplazou á Golada para animarnos.
A tempada comenzará este ano o día 4 de outubro, no noso feudo (esperemos que esté completamente listo para a fecha) contra o Callobre (novo equipo da categoría). Vai ser unha tempada corta debido a que só participarán 12 equipos debido as retiradas do Rodeiro e do Atlético Melide, debido a esto e ó ascenso do Golada este ano quedaremos sen derbi pero as ganas de ganar e facer unha boa tempada son as mesmas.Volveremos informar cando se produzcan novidades, un saúdo e forza Santiso!

Botando unha man...

2009-08-21T15:42:00.003+02:00

Xa se sabe que con axuda todo é máis doado, por iso algúns xogadores da UD Santiso imos colaborar con Tono na realización deste blog. Tentaremos actualizalo con máis frecuencia para que a nosa presencia na rede de redes non caia no olvido.

Agora mesmo, moitas son as cousas que teriamos que contar para poñernos ó día. Pero de momento, imos comezar por facer un resumo do que foi a pasada liga e despois falar de como se plantexa a vindeira.

Alá polo mes de marzo remataba a liga 08-09. Unha liga que ó comezo denominabamos de transición. De transición posto que nos mudabamos para o campo do Golada co fin de que nos arreglasen o noso. Sabiamos do perigo que isto conlevaba, o "Zahorra" fora o noso fortín nas últimas ligas, onde conseguiamos a maior parte dos nosos puntos e tiñamos medo de perder este "factor campo". Pero non foi tal, acomodámonos bastante ben na area do municipal de Agolada e deixamos escapar poucos puntos coma locais. Esto debémosllo en gran medida á nosa afección que nos fixo sentir coma na casa. Así foi como incluso aumentamos os puntos acadados ó final da tempada con respecto ó ano anterior. Un total de 37 puntos que nos permitiron quedar a 4 puntos do 6º clasificado. Co cal pódese dicir que ata as últimas xornadas tivemos aspiracións de xogar a copa da UEFA (ou a Europa League, como queirades!). Ja, ja, ja!

En liñas xerais salientar que nos foi mellor na primeira volta ca na segunda, e que os nosos grandes defectos seguen sendo: a dificultade á hora de perforar a meta rival e a nosa febleza xogando como visitantes. Na marxe dereita tedes a listaxe de goleadores actualizada.

As vacacións futbolísticas comezaban con moito ánimo e ilusión, o novo campo xa ía collendo cor. Por outra banda os resultados acadados na temporada de "transición" foran mellores dos esperados e invitaban a pensar que na vindeira liga se podía loitar por postos máis perto da cabeza.

Todo este optimismo estase evaporando unha vez que o verán vai pasando e non se conseguiron ningún dos dous obxetivos básicos e primordiais que se pretendían: ter un adestrador e ter un campo. Así é que o comezo da liga está próximo e a UD Santiso segue sen ter nin un campo no que adestrar e xogar, nin tampouco un adestrador que nos dirixa.

Esperemos que a situación cambie pronto. De momento, olvidámonos dos problemas e disfrutemos ó máximo da festa do río na Cornella. Vémonos alí!

Aupa Santiso!!!

Pasando a limpo... goleadores

2009-04-23T23:33:00.003+02:00

Como vedes, faltan por contabilizar os goles desde o partido do Gresande.

Álex, Dani, Agus.... conto con vós... (agardamos esa información).

Pasando a limpo...as cañas

2009-04-23T23:18:00.003+02:00

Acabou a tempada de liga, así que é tempo de recontos.
E o primeiro é o primeiro, así que antes de falar de altas e baixas e facer balance como propoñedes vamos coas cervexas. Actualizando, así esta á cousa:

Jose (Padrón): 4 cañas (Nati, Nuria, Monic & Bet). O sector feminino teno claro!!!.
Alfonso: 3 cañas (Agus, Jose e Riki).
Álex: 3 cañas (Diego, Sergio e Migelinho).
Alberto Cordido: 2 cañas (Tono e Vanessa).
Fran: 2 cañas (Alba e Dani).
Micho: 2 cañas (Marga e Lore).
Manolo: 1 caña (Tiburio).
Agus: 1 caña (Vir).
José: ¿1 caña? (o propio José !!!!)

Recordade que hai que esperar ó primeiro partido oficial de liga no Novo Zahorra para saber a quen lle toca rasca-lo peto.

¿Quén falta aquí?

2009-03-30T15:31:00.003+02:00

Os que estivestes onte na Golada seguro que sabedes de que vai a cousa. Os outros, tedes que esperar a que teña 10 mins para contarvos o que pasou....

Así vai o tema das cañas

2009-02-12T23:50:00.002+01:00

Con 3 cañas, e encabezando as apostas, está Alfonso. Tería que invitar a Agus, a seu primo Jose e a Riki.

Con 2 espumosas ás costas temos varios xogadores:
Alberto Cordido, que invitará ós irmáns de Quinzán.
Jose do Padrón, a Nati e á súa auxiliar Nuria, aínda que ésta dixo que as dúas cañas serían para Nati (xa che vale).
O seu irmán Fran terá que invitar a Alba e a Dani.
Álex vai ter que invitar ós seus colegas Diego e Sergio.

E debendo unha posible caña temos a:
Manolo, por quen apostou Tiburio (se chega o balón a Mourazos tamén cha debería pagar).
Micho, que debería invitar a Marga (non vale invitala na casa).
Agus, por quen apostou Vir (unha caña é un caña, se marcas non hai amor que te salve de pagala eh!, jeje).

A porra do "Novo Zahorra"

2009-01-30T00:06:00.004+01:00

A idea do último comentario paréceme moi interesante, así que imos ver se facemos algo. Estiven dándolle voltas todo o día e, finalmente ocorreuseme enrevesala un pouco. A ver que vos parece:

Apostaremos polo primeiro goleador do Santiso en partido oficial de liga no "Novo Zahorra".
Cada persoa pode apostar só unha vez, escollendo a un goleador. Mentres artellamos como o deseñamos para recoller todos os resultados na páxina, vale con que deixedes un comentario en calquera entrada do blog, decindo o voso nome e por quen apostades.
Agora ven a volta de tuerca: en vez de un premio para o primeiro que marque trátase, máis ben, dun "castigo". Básicamente, o primeiro goleador terá que invitar a unha ronda de cañas a todos os que apostasen por él. Esto ten un dobre propósito: por unha parte facemos que non se fomente o "chuponismo"; se fose un premio para o primeiro goleador ía facer falta un balón para cada un, e ata Charly ía pegarlle ós saques de porta cara o área contraria. Por outra, é un "dulce castigo", xa que o primeiro goleador debería levar con gusto a volta de cañas do seu peto, tendo en conta que pasará á historia da nosa gloriosa UD, inaugurando o "Novo Zahorra". De todos modos, se algún dos candidatos "capo-cañoneiros" decide retirarse (por ter can-codrilos nos bolsillos, ou algo así, pode facelo).
Para os que pensen que unha volta de cañas é un premio ridículo, que pensen que aínda falta bastante para que o novo campo estea listo, e, ata ese momento podemos apuntarnos todos. Non fai falta ser xogador nin socio: basta con deixar un comentario co resultado e o nome e estar disposto a tomarlle unha caña á saúde do primeiro artilleiro do "Novo Zahorra".

¿Qué vos parece?.

Evolución clasificación

2009-01-28T23:17:00.003+01:00

Aquí vos deixo a evolución da nosa clasificación esta tempada (sacada de siguetuliga). Como vedes, levamos xa unhas cantas xornadas asentadas no oitavo posto. Sen embargo, cada partido gañado dos dous que temos aprazados (de xogarse ahora) suporían o ascenso nunha praza, polo que, a día de hoxe, temos o sexto posto a tiro de pedra.

Obras Zahorra

2009-01-27T21:51:00.002+01:00

Xornada 17. Mauciña baixo a neve.

2009-01-26T20:43:00.004+01:00

Vaia! vexo que hai movemento... Pois teremos que dar as novas logo para que non decaia.
Por partes:
Este domingo unha mauciña como visitante ó Atl. Gresande (por certo, que googleando un pouco por aí, descubrín o seu blog, así como o do Vilatuxe, así que enlázovolos á dereita para que lles botedes un ollo). Pois, como ben di Agus, ver para crer: 0-5 como visitante e o novo campo de camiño.
No deportivo, hat-trick de Manolo, que volveu ser o das mellores tardes. Impresionante o seu empuxe nun partido disputado, por fases, baixo as folerpas da neve do Candán. Deste xeito, Manolo, xunto con Alberto Cordido gañan enteiros para o pichichi do equipo, con 7 e 5 goles respectivamente. A punto estivo Alberto de sumar un tanto máis no que puido ser unha das mellores xogadas da tempada. Lanza o contraataque Fran, desde liña defensiva cun pase medido, que deixa ó de Barazón só diante do porteiro rival. A preciosa baselina marchou por ben pouquiño.
Polo demais, dominio total do Santiso. As poucas ocasións rivais atopáronse con Charly, que sigue coa súa particular tempada de chapó (seguro por alto, reflexos e nas saídas), e os dous goles restantes obra de Fran e do propio Alberto Cordido.

Momentos felices, xa que logo na U.D. E non íamos deixar marchalos sen máis, así que o sábado.... CEA!!!!. A ver se facemos bo o tópico das outras veces, por estrano que pareza, ese que dí que: "cea sábado, victoria domingo".

Aquí segimos. Saudiños.

Imos ver se nos poñemos o día...

2009-01-20T21:59:00.003+01:00

Pois iso. Empezamos, se vos parece, por facer reconto. Estaba tentando actualizar a tabla de goleadores pero a miña memoria non da para moito, así que a ver se me botades un cable. Á dereita tedes os partidos disputados, e, como vedes no gráfico dos goleadores, perdinlle a conta desde o partido do At. Melide.
A ver se entre todos recopilamos o resto (Dani, confío en tí para isto unha vez máis). Eu cóntovos os que lembro. Cronolóxicamente, en sentido inverso:

Dos 4 goles contra o Prevediños, un foi de Manuel e outro de Alfonso. ¿o resto?
Os 3 goles ó Balouta... nin idea
Gol no empate co Camporrapado... ídem
O gol da honra contra os 8 do Vilatuxe...tampouco
O da honra contra os 5 do Golada... non sei
Dos 3 que lle marcamos ó Cruces, un foi de Álex e outro, creo que Manolo, non sei máis

E xa está... a ver se alguén se anima a botarme unha man...

En breve máis. A ver se non deixamos morrer isto (mea culpa).

Saúdos.

Xornadas 3 e 4

2008-10-15T22:49:00.002+02:00

Coas prisas que me acompañan estes días,comentarvos só como foron as cousas últimamente, por si algún aínda non se enterou.

O domingo pasado (día de San Froilán) visitamos o recén descendido Berres. Acudimos un pouco mermados polas baixas e iso notouse: un set a cero, ou o que é o mesmo 6 a 1 para os recén descendidos da Estrada. Un accidente teno calquera... Non vos podo contar moito do partido, porque a miña foi unha das ausencias ese día, pero o que chegou ós meus oídos foi que a causa da carretada foi o desfondo físico que sufrimos na medular a medida que ía avanzando o partido.
Por certo, que alguén me comente quen marcou o gol para telo en conta na táboa de goleadores deste ano.

En canto a esta última xornada, recibimos na Golada, que vista a invasión por parte dos incondicionais, xa empeza a ser un pouco como a nosa segunda casa, ós colegas do At. Gresande. Foi un partido disputadísimo, de non moita calidade (todo hai que dicilo) que puido gañar calquera. Pero ó final, e pola mínima, os puntos viñeron para este lado do Ulla.
Por certo, ¿déstesvos conta de que o ano pasado todos estes partidos igualados acabavamos perdendo?. Algo está cambiando.... A ver si este ano a sorte está do noso lado, quen sabe...
Ah! o mellor do partido, o golazo de Alberto cordido nunha boa xogada combinativa, e un posterior intento de baselina, que de entrar, sería algo máis que só o segundo.

Saúdos.

E, con todo, ..... seguimos vivos!!!

2008-09-30T22:36:00.002+02:00

Santiso is living a celebration
Frase do noso amigo Máximo Javi, que ben merece inaugurar unha nova tempada. A idea non era deixar esto colgado todo este tempo, pero... que vos vou contar.... O caso é que aquí estamos de volta.
Pois nada amigos. Que xa empezou a liga, e, como sabedes, 2 de 2; vamos... mellor imposible, 6 puntos "pa la saca" e un arranque como xa facía tempo que non se recordaba. Ademáis con mérito, pois, se o primeiro partido era un dos marcados como "os que hai que gañar" (sen que se me enfaden os do Prevediños) o segundo visitabamos a un Piloño, que sempre nos puxo as cousas difíciles. 1-0 ó Prevediños, con gol de José e 3-1 ó Piloño (no campo das cruces) e con Alberto Cordido (pt.), Manolo e Manuel como artilleiros, desta volta.
Polo medio quedan os campionatos de fútbol 7 (Arzúa, Muimenta e Melide), uns con máis acerto que outros, e a sorpresa de inicio de tempada: xogamos como local no campo de Golada. Exilio debido a que.... ¿IMOS TER CAMPO NOVO?. Polo de agora, o único seguro é que no vello non hai xa luz nin auga (de xeito que os adestramentos do venres trasládanse ó pabellón da Ponte e as sempre lexendarias costas da parcelaria da cornella (por aquelo da carreira contínua suave). Pero, quen sabe, igual desta vai. Polo de pronto, buscando, buscando atopei isto:

http://www.dicoruna.es/bop/2008/09/03/08-10546-0.htm

Aí o tedes. Eu, como xa estou curado de espantos, fágome do club de Sto. Tomás e creereino cando o vexa (a ver se fora antes de que me retire oh!!!).

Ah! e, para acabar, teño que facer dúas reseñas obligatorias:

A primeira soa ó tópico de sempre, pero os que estivestes nas Cruces o domingo, saberedes que non o digo por cumplir.... vaia pasada o do público. Cada vez sodes máis. O do domingo foi algo que eu, despois duns cantos aniños no Santiso, non acordaba (dou fe): en campo visitante eramos maioría: máis ruidosos, máis animados, .... Gracias por ese apoio.

E a segunda, seguro que algúns xa podedes imaxinar: o domingo, cando o Milán xogaba o clásico co Inter as radios berraban ós catro ventos a resurreción de Ronaldinho tras o bo gol que fixo a centro medido de Kaká. Non sabemos o que lle durará ó astro brasileiro, pero do que estamos seguros e de que ese mesmo domingo recuperamos o outro Ronaldiño para o Santiso. Co seu gol resolveu o partido cando máis complicado estaba, e o que é un millón de veces máis importante, fíxonos pensar a moitos dos que alí estabamos canto o temos botado de menos estes meses(e non só polo xogo que da dentro do campo). Así é que a amarilla da celebración.... vaia se valeu a pena!!!.

Ah....! O seguinte momento que encontre.... novidades de altas, baixas, actualización da táboa de goleadores e outras historias. Seguide por aí!

Obrigado!

Martina. Socia do Santiso nº ¿?

2008-01-31T21:42:00.001+01:00

Aquí a tedes.... Espero que Míchel nos confirme pronto o nº do carné de socia da cativa. Tardou en salir (as malas linguas din que herdou a tranquilidade do pai), pero aí está.

Para os despistados, que xa poderían deixar de estalo despois de que o outro día todo o respetable lle pedise "ó padriño" que adicase o gol á nova sobriña/afillada cando Alfonso marcou, aquí está a herdeira de Míchel e Cristina. Haberá pensando en ir facendo a sección feminina, digo eu..... Felicidades papás!!!

Esta vai por Manolo

2008-01-28T23:47:00.000+01:00

Levo xa uns cantos anos dando e levando caneladas no campo do Souto da Ponte, agora Zahorra Stadium. E en todos estes anos téñome mexado de risa cos contos de Rouco, cas bromas de Charly nos entrenamientos dos venres, cando Juan corría descalzo pola xeada, con Moncho cando mandaba "a cagar a alguén porque estaba amarillo"... e así podería seguir con miles de contos máis. E con todo, e se preguntamos ós que levan ainda máis tempo ca min, se hai alguén con quen non podes parar de rir, a quen aínda nunca vimos enfadado ou malhumorado, alguén que sin duda é a alegría do vestuario do Santiso ese é Manolo. Sí... Manolo ou Ronaldiño (de Transfontao, por moito que el insista en que é de Vilar). Os que coñecedes a Manolo sabedes que non descubro nada novo, e seguro que rides con el tanto coma min.
Pois, como moitos saberedes, estes días Manolo anda algo jodido. Estando no traballo tivo un accidente, que, de ser outro, seguramente non o contaba. Pero el, coa forza que ten aí está recuperándose nun hospital da Coruña.
Asi que.... nada. Estamos esperando que te boten de aí logo e que te veñas pasar polo Zahorra, que, gañando e todo, parece que hai menos alegría no vestiario.
Padiante meu, que vas nela!!

Fotos Maite

2008-01-28T22:50:00.001+01:00

Fotos Eva-Marga

2008-01-11T21:08:00.001+01:00

Marga, a irmá de Micho, e Eva pasáronme estas fotos hai xa unhas semanas. Como vedes, corresponden ó partido que xogamos contra o Vilatuxe, no campo do Don Ramiro en Lalín. Campo que, por certo, visitamos de novo este vindeiro domingo. A ver se desta vez nos traemos os 3 puntos. Tamén hai algunhas do partido contra o At. Melide.
Por certo, e xa que falamos de Micho, agradecemento especial para el, que, por encima de estar sancionado (mentres o causante da sanción salía impune), non so ven ós partidos a facer piña, senón que anima á familia a sumarse e apoiar.

Xornadas 6 a 11 (poñámonos ó día antes de seguir)

2007-12-03T22:34:00.000+01:00

Como podedes ver, esto non se actualiza coa frecuencia que me gustaría. Imos facer propósito de mellorar nese aspecto. Empecemos por poñernos ó día, para que ata os máis despistados sepan como nos vai por eses campiños de Deus. A saber, e por orde cronolóxica cóntovos:

Para cerrar o mes de outono, na xornada 6, visitamos ó Piloño. E mellor lles fora empezar a perder un pouco antes, porque cando os fomos visitar eran os líderes indiscutibles da categoría, xa que gañaran os 6 partidos disputados. Dende a nosa visita perderon 3 dos 4 partidos que xogaron. O caso é que naquel partido deron a impresión de ser un bo equipo, creando boas ocasións e tocando ben o balón. O Santiso aguantou canto puido, pero, xa ven avanzada a segunda metade, por fin o Piloño conseguía o gol, para finalizar o partido con outro tanto máis. Por parte do Santiso Charly estivo espléndido, o mellor con moita diferencia, sacou varios un contra un, e evitou o que puido ser unha derrota máis abultada. Notáronse as baixas de Alfonso e Alberto, e nin siquiera a man que botou Míchel serviu para traer, cando menos un punto.

Empezamos novembro e visítanos o Estudiantil. Os da Estrada levaron un punto do Zahorra Stadium. Empezaron adiantándose os pontevedreses, pero o Santiso, animado pola súa afección, conseguiu empatar o partido por medio de Jose (o do Padrón). Non sería quen de destacar agora a alguén, de forma especial, pero si lembro unha xogada de Alfonso, na que marchou de todo o medio do campo rival e, dende fora da área, sacou un tiro ó longueiro. Vense poucas xogadas así últimamente no Zahorra. Lástima!. A lamentar a lesión de Fran, que, por certo, aproveitou a convalecencia para cambiar de look (caeu Nani, Carlos, Fran, Leiviña.... Sempre nos quedarán Costoya e Xosé poñendo cubalibres no Cire).

E seguimos. Día 12: feira na Golada como todos saberedes, e se non o sabíades, pasádevos un día e probade o polbo (o de comer). Veredes como repetides. Eu fun de pequeno, no Suárez, e aínda me lembro hoxe. Bueno, ó que imos... feira na Golada e alá nos vamos..... Campo cheo o día no que o Santiso visitaba ó veciño, líder da categoría (tamén é mala sorte, segundo líder que visitamos, que despois comenza a perder e deixa de selo). 2-0 perdemos. O Golada, hai que dicilo, montou un bo equipo, xuntando xogadores de varios equipos da comarca, pensando, de seguro, en loitar polo ascenso. No parte de lesionados de cada día caeu Álvaro.

19 de Novembro: día D. O que moitos miraron o primeiro día, cando se soubo que o Atlético Melide ía xogar este ano no noso grupo. Estiven a punto de crear unha entrada á parte para este partido, xa que foron moitas as cousas que se deron ese día, pero agora, que xa quedou bastante atrás, simplemente recapitulemos:
Presentábanse os de Melide con vellos coñecidos: Julio de adestrador, Rubén no medio do campo e algúns dos xuvenís máis destacados das que, ata o ano pasado, eran as categorías inferiores do Santiso, como é o caso de Arango, Rafa e Damián. Por parte do Santiso destacaban as ausencias dos nosos dous xogadores estrela, Alfonso e Alberto Cordido, e algunha máis como a de Marcos Ronaldo e as obrigadas de José, Fran e Álvaro por lesión.
E empezou o partido co Santiso creando as ocasións máis claras, como un tiro de Manolo desde fora da área que se foi ó longueiro e algún fallo, que, se non fora o Santiso e ó que nos ten acostumados, habería que clasificar como clamoroso. Pero o caso é que, con todo, e a pesar de xogar a favor de aire, non fomos quen de facer gol en toda a primeira metade.
No descanso Míchel decidiu entrar e a cousa cambiou... Os que non vistes nunca unha arrancada das súas, deberíades ir ó Zahorra, de vez en cando, como cando nos Madriles se ía a Chamartín, a ver que ía facer Zidane ese día. Pois eso... arrancou pola banda dereita, levou a cantos lle saíron, e ós que quixo, e ,de tiro raso e cruzado ó pau longo, abría o marcador. O segundo chegou cando Manolo rematou, tamén cruzado, un balón que recollera tras unha falta sacada en campo propio.
Co 2-0 e todo perdido, Julio deu entrada a Damián. O de Portocelo creou máis perigo que todos os seus compañeiros ata ese momento. Nun dos primeiros balóns que recibiu, arrancou desde a banda esquerda, marchou da defensa local e batiu a Charly.
Chegaba, como non, o tempo dos apuros e dos medos. Pero esta vez non podía sair mal e Manolo facía un doblete que daba a necesaria tranquilidade ó equipo e afeccionados.
E despois o post-partido: dise por aí que Óscar de Suárez e Suso do Mandil estan facendo acopio de provisións espirituosas para o partido de volta en Melide. E é que o do outro día non foi broma. Á barra libre de cañas e refrescos (os menos) e cubalibres (os máis) na de Óscar da Ponte, seguiulle outra, non menos abundante, pinchos de xamoncete incluídos, na do noso patrocinador de Melide. Por certo, na de Óscar non faltou nadie: xogadores, místers, directiva e parte da afección, ese día máis hinchada que nunca. Tal foi así, que o equipo viuse obrigado a agredecer, dende o medio do campo, o apoio recibido, nun partido especial por moitos motivos.

Xornada 10: visita ó Vilatuxe, pero non a Vilatuxe senón a Lalín. No campo anexo ó Manuel Anxo Cortizo recibiunos un equipo que nunca se nos deu ben. E eso pese a que algún dos membros da hinchada (que permanecerá no anonimato, para evitar puteos) apareceu en Vilatuxe. Pero tranquilo Mauro, que gracias a tí soubemos que ó campo do Vilatuxe xa lle quitaron as porterías e está en plena obra de remodelación. No tocante ó partido, acudíamos, unha vez máis en cuadro, básicamente debido a praga de lesións que nos asola este ano. De novo Míchel viuse obrigado a vestirse de curto, pero, tampouco esta vez puidemos traer ningún punto de Lalín. Fallo garrafal de Tono nun despexe que aproveitou Pepe, o dianteiro do Vilatuxe, para facer o único gol do partido. Por certo, deste partido pasoume a irmá de Micho un montón de fotos que espero subir pronto). Por se fora pouco, Sandá uniuse ó grupo dos que enchían a enfermería ó descolocar un ombreiro e Jose, cunha rotura de fibras, uniuse a seu irmán Fran, no parte de caídos en combate.

E finalmente este domingo visitounos o Tabeirós. Volvía o noso amigo Pipo (e Zape, Gica, Cerve... preguntádelle a Míchel que os sabe todos). Lástima que non estaba Manolo para que o pateara como unha mula. Para facer xustiza, hai que decir que o Pipo está máis tranquilo que nunca, non parece el!. Xa non quedan lendas na terceira rexional... En fin, perdemos, por 1 gol a cero, e no último minuto. Coa cara de tonto que che deixa perder así, nun partido no que, ben é certo que xogamos bastante atrás, seguramente pola presión dun rival, que, hai que decilo, por algo é o líder, e leva UN gol en contra en dez partidos disputados, e que cheira a segunda. Por certo, unha vez máis, magnífico Charly. Parou balóns difíciles, como unha falta directa que ía á escadra ou un bo tiro bombeado dende fora do área. Ademais axudou a botar ó equipo arriba con moi bos saques de porta. Tamén destacou a labor de Micho na dianteira, lástima que non puidese rematar a faena cun merecido gol. Ah! e unha vez máis gracias á hinchada. Só por eles da gusto seguir indo rascarse á zahorra.
E para rematar, e para ser xustos, igual que moitas veces temos dito que sin Alfonso e Alberto, temos pouco que rascar, hai que decir, que o outro día o Santiso si intentou xogar, e, por momentos fíxose ben. Agustín da moito sentido no medio do campo e está empezando a asentarse nesa posición. O outro día el e Alberto Monchito repartiron o ben o xogo, ata onde nos deixou o Tabeirós claro (por certo, o comentario, non é meu, senón que foi recollido na afección, ó igual que o que dí que Dani leva camiño de facer carreira de central de categoría se segue mantendo ese nivel).

Selección galega

2007-11-30T00:29:00.000+01:00

En primicia, coma cada ano, velaquí o cartel...

Fotos Santiso 3 - Silleda B 2

2007-11-29T21:47:00.001+01:00

Xornada 5

2007-10-22T21:23:00.000+02:00

A crónica
Tarde de verán no Zahorra Stadium. E a hora de fichar, casi todos: a plantilla casi ó completo e "a hinchada" dando conta das medias e dos quintos na grada, ainda que xa houbo quen dixo "que ben van os cubalibres no Zahorra Stadium amigo!".
Segunda victoria consecutiva da UD e unha conclusión clara, con Alberto e Alfonso en plenas facultades, poucos equipos son mellores ca nós. Lástima que non poidamos contar con ningún deles a próxima xornada, na que visitamos o líder Piloño.
Ah!,... outra conclusión. O noso campo é o peor, con diferencia do grupo. Menos mal que seguimos confiando que a mellora pronto deixará de ser unha promesa. A ver se é verdade!

Aliñación
Charly, Tono, Agustín, Dani, José, Fran, Alfonso, Alberto (Monchito), Manuel, Marcos (Ronaldo) e Alberto (Cordido). Tamén xogaron Manolo (Ronaldiño), Micho, Jose e Javi (Ministro).

Goles do Santiso
Marcos, José e Alberto Cordido.

Xogador estrela
Alfonso e Alberto Cordido.

Anecdotario
A destacar a xornada repleta de éxitos para o fútbol local. E é que tras o partido e a F1, tivo lugar no bar de Alfonso unha improvisada reunión de irmandade Santiso-Cire. Alí, nunha improvisada tertulia de xogadores e incondicionais, encabezada por dous homes de altura, como son Riki e Javi, sóubose que á victoria do Santiso hai que engadir a do Cire, que pasa a ser líder do seu grupo, e a dun reposto Toques, por 4 a 0. Noraboa a todos, e ánimo para que esto se repita máis veces e deixe de ser unha anécdota.